اختى قادمون ممكن تجهزي مثلا الخضار على شكل مفرزات
والمعجنات في لها طرق للاحتفاظ بها لوقت طويل فى الفريزر فيه افكار كثيره ممكن تفيدك في استغلال الوقت

- قبل رمضان إكتبى إحتياجات البيت ( أكل - مشروبات -توابل - صابون - كركديه - تمر هندى -دوم - ملح .... كل حاجه ..كل حاجه ) فى ورقه و إبتدى جمعيها علشان لا تضطرى تشترى و تنزلى فى رمضان و تضيعى وقت العباده .

2- عمل كميه كبيره من البصل المفروم و تعبئتها فى أكياس و حفظها فى الفريزر.

3- عمل ثوم مفروم و تجميده مفروم فى علبه محكمة الغلق ... و شوية ثوم مفصص لوحدهم يجمدوا برضو .

4- عمل عصير كميه من الطاطم المعصوره و تعبئتها فى أكياس فى الفريزر ( و إذا لم تتمكنى من ذلك ممكن تجميد الطماطم كما هى و عند تسييحها حتلاقى قشرتها إنفصلت عنها ...إنزعيها و إضربيها فى الخلاط بتبقى كأنها طازجه بالظبط )

5- إعملى كميه من اللحم العصاج و جمديه فى الفريزر و يبقى سهل و جاهز وقت الحاجه

6- عمل كميه من ((للحم العصاج المضاف إليه عصير طماطم و ملعقة صلصه و تبليها و جمديها ))) بتنفع ( لعدة أصناف .. للمكرونات - المسقعه ....)

7- إعملى كميه كبيره من ((صلصة الطبيخ : تحمرى البصل فى سمن ثم تحمرى اللحم حتى يتماسك ثم تضيفى عصير الطماطم و تترك حتى يبقى اللحم نصف سوا ثم تضيفى الملح و الفلفل )) و تبقى يادوب جاهزه على وضع الخضار فيها و قسميها فى أكياس كل كيس يقضى طبخه و جمديها (بدون وضع الخضار فيها و لما بتسيح بتبقى كأنك لسه عاملاها بالظبط )) و بعد ما تسيح وقت الحاجه ضيفى الخضار اللى إنتى عايزاه عادى خالص .

8- إعملى خلطة المحشى (( البصل و الخضره و الطاطم و اللحم المعصج و السمن و الملح و الفلفل )) و ممكن تعطيها غلوه على النار لو عايزه و ممكن لأ... و جمديها للمحشى بدون وضع أرز نهائى ... و لما بتسيح بتبقى كأنك لسه عاملاها بالظبط و بأقول تانى (( بدون وضع الأرز ))) تضعى الأرز قبل عمل المحشى مباشرة .

9- إشترى دماسة فول ((حجم كبير علشان لا يحدث فوران للفول و هو على النار و يطفى النار و العياذ بالله )) و تعلمى طريقة تدميس الفول (لو كنتى مش بتعرفى تدمسيه ( سهل جدا ) )حتوفرى وقت و جهد كبير بوجود الفول المدمس للسحور فى البيت وقتما تشائين و فننى و نوًعى فى أصناف الفول كل يوم على السحور.

10- إعملى الزبادى فى البيت ( سهل و الله ) و لا محتاج جهاز و لا حاجه خالص ... ينفع للسحور طبعا و للسلطات مع الفطار و بعض أصناف الحلويات ...و يبقى عندك كميه تحت إيديكى إنتى اللى عاملاها .

11- لو عندك إبتداء من دلوقتى شوربه زياده (( عبئيها فى أكياس و جمديها )) و شيليها فى الفريزر تنفع فى شوربة الفطار ( الشوربه صنف ثابت طبعاً كل يوم ) فى رمضان

12- بعض الأصناف كاملة التجهيز إكتشفت إنها لا تتأثر بالتجميد نهائى بشرط إنك تحكمى الإغلاق و من هذه الأصناف :
* صينية جلاش بالجبن أو اللحم
* صوانى الرقاق
* الكنالونى كاملا و ممكن تعملى عجينة الكريب و تحتفظى بالأقراص هى اللى تجمديها و لما تسيح تبقى إحشيها عادى خالص
* خرشوف بالبشميل
* مسقعه بالبشميل
* الحمام المحشى فريك ( يبقى كامل النضج لكن لا تحمريه إلا لما يسيح و قبل التقديم تسخنيه و تحمريه )الحمام المحشى أرز لأ...لأ...لأ ...الأرز بيعجن ... لكن الفريك مش بيعجن نهائى .
* المشروبات مثل الكركديه و التمر هندى و الدوم

13- إعملى عصير المشمش فى البيت و جمديه فى الفريزر بيبقى أحلى من قمر الدين

14- لو عندك عزومه (( ممكن تعزمى الناس فى الوقت اللى إنتى عندك عذر شرعى فيه و فاطره مش صايمه )) علشان تبقى ما يضيع وقت العباده و كمان علشان تعرفى تدوقى و تظبطى طعم الأكل كويس .

15- ما ننسي طوووووول ما إحنا بنطبخ فى المطبخ نشغل قرآن (( لأن أجر السامع كأجر القارىء)) سوره محببه إلى قلبك من قارئك المفضل مثلاً..تخيلى بتطبخى ...و كمان بتاخدى ثواب الطبيخ و ثواب القرآن ...و كمان الأكل بيطلع أحلى و أطعم
هذي الافكار نقلتها لك علشان نستفيد كلنامنها

من انا

اهلا بعودتك لنا ولامانع من استغلال الاجازة الصيفية حتى لو عيالك
صغار تعريفا لهم بالفرق بين الشتاء والصيف وايام الدراسة والعطلة
ولان من حولك باجازة فتكثر الزيارت والخروج والسهر
بخصوص الاستعداد لرمضان لاتوجد مشكلة فى طرح الافكار فنحن
هنا للمشاركة والاستفادة ده رابط لموضوع لى العام الماضى والثانى رابط
لموضوعى العام قبل الماضى ويوجد بقسم التنظيف اكثر من موضوع رائع
لاخوات رائعات عن كيفية الاستعداد لرمضان
http://forum.hawaaworld.com/showthread.php?t=3700350
http://forum.hawaaworld.com/showthread.php?t=3216832


قادمون

رائعة قادمون يعجبنى حماسك وتقدمك ومشاركتنا لانجازاتك
كتاب الفيلسوف والساحر قراءت عنه هنا بالمنتدى وعن موضوع
قانون الجذب ولكن شعرت بغرابة الموضوع واحتياجه لتركيزاكبر
فتوقفت للاسف عن المتابعة لو امكن اعطينا فكرة عنه
اما كتاب متعة الحديث عملت بحث بجوجل وهو للكاتب عبدالله الدوواد
ويوجد رابط لتحميله
اما تشارلز ديكنز وفكرة الكتاب فممتازة للتعليم وممكن بالترجمة بجوجل
تكتبى ما تريدى لترجمته مع الضغط على علامة الصوت للاستماع لتحسين
النطق بنتى علمتنى هذه الطريقة تتبعها لتعليم الانجليزى والفرنسى
اعانك الله واياى على حفظ القراءن ويسر لنا حسن تدبره وتلاوته ربما ينقصنا
التركيز اكثر
وبخصوص رمضان كما قلت لمن انا هناك مواضيع كثيرة بقسم التنظيف وايضا
بقسم الحلول والتجارب المنزلية للتفريز وخلافه اكتبى ماتريدى بمربع البحث
اهم شئ وبما انك عندك خادمة فمن الممكن التفريز قبل رمضان بفترة بمساعدتها
مع التنظيف الشامل للبيت والمطبخ قبل رمضان وتنظيمه ووضع كل شئ بمكان معلوم
ليسهل عملك مع استغلال الادوات لعمل اكثر من شئ بوقت واحدمثلا
فرم البصل المطلوب دفعة واحدة عصرالطماطم والعصائراستغلال حرارة الفرن
اثناءشوى الدجاج لعمل الصوانى ثم يتبعها الحلى ومما يسهل ذلك تجهيز قائمة بالوجبات
وتفقد المواد اللازمة بعد صلاة الفجر
وبوقت تجهيز الافطار اعملى تحضيرات للعشا والسحوروالحلى والعصائر والقهوة
عن الا تتجاوزى وقت اكثرمن 3ساعات مابين الظهر والعصرمثلا ثم ربع ساعة
قبل الافطار بمساعدة الخادمة والبنات وتكونى مكلفة كل واحدة بمهمة كعمل السلطة
قلى السمبوسة فرش السفرة وتجهيزها صب العصيراوغرف الاكل وهكذا

تعديل دولى

شكلنا كتبنا بنفس الوقت هههههههه اول ماقراءت موضوعك قلت دولى طلعت
مصرية ولما كملت لقيتك كاتبة منقول
حلو الافكار تسلم الايادى اطبق بعضها فقط وخصوصا الفول لا يمكن الاستغناء
عنه بالسحور وكمان الفاصوليا والحمص واللوبيا تسلق وتوضع باكياس بعد ان
تبرد وتوضع بالفريرزر حتى بواقى الخبز بعد تحميصها
المقطع رائع شششششششششششششششششكرا

شكرا جزيلا دولي .افكار جميلة...بعضها انفذها مثل تفريز البصل والثوم...وكذلك عصاج اللحمة المفرومة....مشكلتي ما اقدر اعمل كميات كبيرة..لان زوجي الله يسعده...يحب يقضي كل يوم بيومه .يكره التخزين.في الفريزر او الثلاجة..اللحوم والدجاج والخضار والفواكه .على القد يدوب تكفي يوم او يومين...وتعبت احاول اقنعه لكن ما في فايدة.مصر على رايه..وهو من النوع اللي يتدخل في كل صغيرة وكبيرة...على العموم ربنا ييسر..ورغم ان تدخله في كل الامور قد يضيق علي حيز التصرف الا انه من ناحية اخرى يعتبر ميزة كبيرة..فاهتمامه بالاولاد وشؤون البيت والمستقبل يزيح عن كاهلي الكثير من المسؤولية...على العموم ..اشكركن كثيرا وان شاء الله اطبق نصائحكن الغالية.

الياسمين جزاك الله خير....شكرا على دعمك وتشجيعك...الكتاب ان شاء الله اكتب لكن مقتطفات منه ..اوقات فراغي..

يسعدني التواصل معكن.الى اللقاء

الله يسعدك الياسمين 68
انادخلت اكتب
الرد وانامستعجله كنت بااكتب نفس الافكارلانى قدقريتها قبل لكن نقلتها لكم
اناعنى حتى لوكنت بحاول اوفروقت مااعرف لانه اطفالى يصومون ولازم على الفطور حلويات من جلى وكريم كراميل وحاجات خفيفه لازم ابوقتها لكن ان شاءالله ربنا يكتب لنا الاجر