صباح الخير ... سلامي لجميع الحلوات

شحالكن ربكن بخير :)

عندي الكن بشاره حلووه :)

(( كفرات الشريف عند محل الجزيره بنص السعر )) الكفر السنجل سعره عند الشريف 77 درهم وعند الجزيره 45 درهم ... شوفن الفرق ... :)
=-=-=-=-=-=-=-=-=-=-=-=-=-=-=-=-=

ام كشه ... ام خالد ... دلووعه ... القبيسيه ... بنت دار زايد .. دلع بنات ... مشاعر الجميع ..

وينكن ؟؟

صبااااااااااااااااااااااح الخييييييير

سلام2112.. شحالج يالغلا ان شاء الله بخير..
الغالية بالنسبة لعلب المكياج تحصلينهن عند لايف ستايل ومكياجي..
وبالنسبة لمكت الخدم.. سيري مكتب بن حبيب..
الحمدلله توفقنا بكل البشاكير الي يبنه من عندهم..
شيريلهم وان شاء الله مابتندمين..
نسيت اقولج.. سيري عند الاردني خليفة لانه له خبرة في هذا المجال من سنيين وبيفيدج بالاحسن..
وعلى فكرة مرات تحصلين عندهم بشاكيير ترومين تشلينهم وياج البيت .. اتجربينهم..


ام كشه.. هلاا فيج حبيبتي..
احرجتيني الصراحة.. لا خبيرة في الازياء ولا شيء..
بس سبحان الله احب هالسوالف..هههههه
اممم الغالية بين مواضيعي بتحصلين مواضيع زهير مراد وايلي صعب..
اخر موديلاتهم كلها شرات موديلات الحوامل..
يعني ستان او حرير من على الصدر..
ومن الصدر ينزل الشيفون لين تحت..
طبعا مع الستراس والكريستالات بيطلع واايد حلو..
وخاصة انه الموضة الحينه الفساتيين الكلاسيكية والسمبل ..
ان شاء الله قدرت افيدج

موون4.. مرحبااابج يالغلا..
افاا عليج مانسيناج بس سبحان الله مشاغل الدنيا ..
وماشاء الله بنات وحريم الملف كل يوم يزيدن.. الله يكثرهن ان شاء الله ..
وصعب ان الوحده منا تذكر كل الاسامي..
المهم الصراحة ما اعرف رقم مدربة.. بس ليش ماتشترين سيديات رياضة؟؟
انا خذت 3 من كارفور العين ..
الصرااحة رووعه..
كل يوم احط شريط واسوي ايروبكس عليه..
وعلى فكرة في انواع واايده.. مثلا حق البطن والارداف.. او للجسم كامل.. او لحرق الدهون..
والسي دي الواحد على 20 درهم ومدته 45 دقيقة


مثايل777 .. مرحبااابج اختي.. شحالج


يو ايي ايييي727 .. سلاااام يالغلا ..
مشكوورة على المعلوملت.. ماقصرتي..
شحالج واشحال الحمل وياج

:)

بنات شو احسن طبيبة جلديه في بوظبي؟؟؟؟؟

مرحبا بنااااااااات شحالكم
مووووووووووون 4 السموحه منج مقصريين .. و ان جانج تدلعين خذي راحتج و اذا زعلانه لج الرضا :)

ام خااااااااالد فديتج ما قلتيلي اسم المحل اللي عنده السوع ؟؟

بنت دار زااااايد مشكوره الغاليه ما قصرتي اسمحيلنا يعني اقول اشاور خواتي .. انا اعتبركم مثل خواتي :)

يوو اييه ايي 727 انا موجوده و سالنا عنج بس يمكن قريتي بسرعه و ما انتبهتي المهم شو الحمل معاج انشالله فج عنج الوحااام شويه ؟

فامي لاغاليه بغيت اسال عن المدربه ؟؟ لا تقولين انها دوم مشغوله و متى يبتدي يبين التغييير ؟؟ فيني كروشه اريدها تروح قبل لا افكر في الحمل مره ثانيه :(

مشاعر يو اييه ايي خشمج الغاليه و شو اسعارهم اذا بالكيلو ؟

ماسة حبوبه في مركز الريف يمدحون دكتوره صبحيه و ما تستخدم كورتيزيون في علاجاتها اساليني عندي خبره في الكورتيزيون عسب بنتي فيها اكزيما .. :(

مثايل 777 هلا حبوبه خشمج الغاليه شحالج ؟؟

باقي البنااااااات خشومكن

مرحبا بنات...
أم-كشة عن المدربة ما أعتقد انها واييد مشغولة، كلميها وشوفي متى الوقت يناسبج ويناسبها، عن النتائج على طول يبين الفرق، لانها تسوي مساج بطريقة تنحت فيها الجسم، الافضل انج تسوي المساج مع الرياضة وياها عشان الجسم يصير متماسك....