خوذيها ريحتها روووووعه
انا أخذتها وسعرها تقريباً بـ 200

بنات ابغا اسالكم عن حاجهه مرا مضايقتني انا مخطوبهه ليا تقريبا شهر ونص وخطيبي مايدق عليا بس يوم العيد كلمني ومدة المكالمه كانت 5دقايق بنات مرا خايفه يعني انو م يدق عليا او انا ادق عليه اش رايكمم وبس ي ليت تفيدوني*! 

عرايس شهر ثلاثه بعد اذن بيلسان (انا اضفت حنان وجاذبيتي وانا بالجدول )
احفظوا الصوره وحطوها بالتوقيع ’’





بنات هذا موضوع لوحده من الاخوات عندنا حبيت انزله نستفيد منه كلنا التعامل مع الزوج والدلع لقيته بالمفضله عندي ,:26:

http://forum.hawaaworld.com/showthread.php?t=2717554

اكشخ مصرقعه. أنا لي شهرين متملكه ولا اتصل علي ولا فكر ياخذ رقمي. والله مررره منقهره منه أبغى اكلمه. وفي أشياء كثيرة لازم نتفق عليها. يارب يتصل علي يارب

السلام علييكم +باك
اعذروني بنات حابه اساعدكم بالي اقدر عليه ف ابرد على الي اتذكر ماشاءالله التجمع كثير صفحاته

الي تسال عن التخفيضات عندك جنيفر اقوى تخفيض مسوي اي قطعه ب150 تاخذينه ب20 او 30 ومسوين تخفيض على الملابس الداخليه بس الناس ماتنتبه له ومره حلوات احلى من نعومي بكثير

والي تسال عن اكياس الاورقنزا لاتبلشييين روحك بالتفصيل فيه بسيتي ماكس مجموعه كبيره ذاك اليوم شفته فوق 50 كيس ماتتعدى 100 ريال لكل مقاس اذا بتفصلين فصلي الكبار اذا مالقيتيهم حقات الفساتين ممكن

والي تقول شعري يتساقط اطبخي موية الزعتر وريحته مره حلوه واذا برد قبل الاستحمام بساعه وشوي غسلي فيك شعرك بما ان الجو بارد لفيه بمناشف لايلفحك الهوى وتدعين علي هع

وفيه وحده تسال عن الصناديق فيه عند سنتربوينت بقسم الدفاتر والاقلام وهالاشياء علب فخمه وغرررررريبه مره على شكل كتاب فيه كبير وفيه صغير بس غاليه الصندوق الواحد مايقل 70 طبعا لاتكثرين منها خوذي للملابس الداخليه لان ارتفاعها اصلا مو كبير زي الكتاب هو اما بقية الصناديق خوذي صندوق المربع العادي بس الوان مميزه

والي تسال عن اسواق مكه بالرياض بنت خالتي استاجرت منهم وطلبت منه اول من يلبسه هي وزادته فلوس وخلى لها الفستان بدل ماهو ب2000 ايجاره خلاه ب3 الاف بس روعه عليه فرو شتوي ستايله

وفيه وحده تقول ابشتري المكياج من الحين المكياج والعطور والكريمات واغراض الصيدليه خوذيها نصيحه اخر شهر من جهازك اشتريها بعضهم يقول تسيح وبعضهم يقول تخرب والعطور تغير ريحته كلن له كلام مادري

ويابنات الي بيتزوجون بالشتاء نصيحه مني ومن كثير بنات اعرفهم البسي شي تحت الفستان كيلون او بنطلون ضيق لاتقولين بيخرب شكلي خوذي ضيق ومريح بنفس الوقت عادي وش تسوين تطلعين للناس ترجفين صعبه!!!!
الله يعينكم يارب ويوفقكم جميعا والعذر اني ماقدرت ارد لكل باسمه وتقبلوني ضيفه بينكم وادعو لي بالزوج الصالح ولبنات المسلمين عامه..........تحياتي..................................بقطتكم