هههههههههههههه
مواقفك تضحك

أنا آخر كلمه مرت علي هي

التمر صار خماج
وأنا مش فاهمه
طبعا من جدتي وأم زوجي الله يحفظهم
جلست أدقق في التمر ماشفت شيء غريب فيه
سألتهم يعني وشو خماج
قالو لي على بالهم يفهموني يعني خمج
ماشاء الله عليهم لا مرره فهموني
وفهمتني أمي الله يحفظها ويخليها لنا
انه يعني بدا يخرب
ههههههههههه
وكلمات كثيييييييييره من جدتي وأم زوجي ما أفهمها لازم أسأل
ومشكوره ياذكرى على الموضوع الحلو والحمد لله على رجعتك بالسلامه لك فقده
:27: :26:

ههههههههههههههههههههه
موضوع روعه
صراحه مواقف كثيره ماتحضرنى
لنا عوده
لكن انتى خطيره مع الحجازيه

يا هلا بالغـــــــــــــــــــــــــــالية......

كيف احولك ؟؟.......................جبتيها والله ......المرة دي الموضوع دسم على الاخر ....

......................................صراحة مواضيعيك لها طعم خاص ....................

بالله ذكرى ماتعرفي معنى سيبيها .......هههههه

ربي ماوقعك في جدتي كان ما تفهمي شي .........مكاوية بنت مكة....

مواقفي مع اختلاف اللهجات تاريخها قديم مرة .....(بس بما اني بنت مكة وسمعت كل اللهجات فالحمد لله تعدي على خير )

اول شي اتذكره وانا صغنونة قبل ما اروح المدرسة كنت قاعدة اكلم ولد الجيران واقله

(ياواعي ) يعني فاهم ....كان سوري الولد قام راح لصق في توب ابويا وقاعد يشد فيه ....قامت

امي قالت لي هم يقولو اواعي على الملابس (الحوايج ):21:


ومرة كنت اكلم تلفون وكانت معايا على الخط وحدة فلسطينية عايشة في الرياض طول

عمرها ...وجات بنتي تلعب في المطبخ جنبي قمت استأذنت من صديقتي وقلت لبنتي : اندري

برة بسرعة ....

رجعت على الخط لقيت الادمية مفروطة من الضحك تقول ذكرتيني بجارتنا في الرياض حجازية

تقول لبنتها اندري ندرت عينك من حقها .....(قوية مرة) .....قلتلها هده مو حجازية دي

مكـــــــــــاوية اصلي ...


طبعا ستي ام امي الله يحفظها دقة قديمة مرة .....وزوجي دقة جديدة شوية .....لما نروح نزور

ستي يحتار في كلامها خاصة انها تكون معاه لوحدها بدون قواميس .....ومرة قالت له رحنا

المانيا واستكرينا بيت ..........(في المانيا يستكرو اجل في مكة ايش يسوو؟؟) ياحبيبتي يا ستي

راح زوجي سواها لغز (طبعا بعد ماسألني ايش معناها) وسأل اخواته قالهم عمركم سمعتو احد

يقول استكرينا ؟

طبعا محد عرفها الا امه الله يحفظها ....

راحت وحدة من اخواته سألت بنت خالها .....محد عرف الا مرت ولد خالهم لانها زي حالاتي

الله يحفظلها ستها .....لانه زوجي سته متوفيه فما عنده احد يقول الكلمات القوية دي ....(على

فكرة استكرا = اسأجر ......ومنها شركة كرا اليي عندهم البلوكات الصفر ........واظن الكلمة

اصلها عربي فصيح )


مرة وانا حامل في (تأبط شرا ) قلت لجارتي (كويتية) انت قالية بيض(مطجنة بيض) في الصباح ؟

قالت :كيف عرفتي ؟

قلتلها الريحة وصلت عندي وحسبت اني نسيت شي على النار .....

قامت سألتني جارتي التانية .....(من الافلاج): انت متنسية على بيض ؟

طبعا انواع البلاهة طلعت :29: .....

كانت في وحدة من جاراتي حجازية قالت: يعني تتوحمي على بيض ...


ومرة سمعت دريشة .........طبعا سألت ايش معناها ....قالو انها طاقة ....


جارتي الكويتية كانت تحشش على كلامي لاني مرة عدم جيت حسيت نفسي زي ستي ....

طبعا دلاغ ولما تنقال بالكويتي تصير دلاق ......وجوتي .....صراحة ضعت عندها....


اخر موقف لواحد تحفة :::::::اتصل على زميله وطلبه ورد ابو صاحبه
_ فلان لو سمحت
_ماهو به
_اقول الله يخليك ابغى اكلم فلان .
_ايه ....ماهو به
_يا اخي انا ابغى اكلمه مو شغلي انت تحبه ماتحبه انت حر
_ ايه يعني ماهو موجود ....
_:29:

اظني قلت انه اخر موقف ..........!!!!!!!!!!


ومرة وحدة قاعدة تتكلم في حفلة قامت صديقتي اليي وحشتني قالت لها طيب زربي عشان نسمعس.....

قلت لها ايش ؟؟؟؟؟:o

طبعا هي في الاصل تحرص انها تستخدم الفاظ مفهومة بالنسبة لي .....

ودحين جاتها سلفة من مكة بس شكلها اخدت دورات مكثفة معايا ....:42::23:

ذكرى ........على سيرة انسوك اهلك ........سمعتي :ودعلك ؟

هده تنقال لمن احد يسافر ........يعني امي تسمعها مئات المرات كل سنة ....

اتذكر اول مرة سافر زوجي وكنت مرة مكتئبة عشان الافكار السودة كانت معبية راسي .....شافتني وحدة تاني يوم وقالت لي :ودعلك في جوزك ....

قلت لها: لازم من دي السيرة دحين .....

قالت: وجع قولي يسلم ويجي .....:17:

هلااااااااااا بك عدد مــــــا تطرين على بالـــــــــــي ولا ألقــــــــــــــــــاك

هلاااااااااا بك كل مــــــا هبت ريــــــــــــاح الشـــــــــوق بضلوعـــــــــــي

ذيكووووووووو..
يا هلا وسهلا بهالطلة..اشتقنا لعيونك والله..مدري وش تكمالتها..بس خاف الله فينا خاف الله..خخخخخخ
اول شي..وش هالتوقيع المسكت..الله واكبر من طلع توقيع شموخة..وما ظل وحدة الا وسوت مثله:30:..هاي الغيرة وما تسوي..ما تنلامون..حرييييييم>> كانها الاخت مو منهم ..الا الريسة بتاعتهم كماااااان..:23:
اقول ذكذك..بقولتس سر ولا تخبرين احد يالغلاااا>> تتميلح من اولها ..سويلي مثله واعطيك واحد كيت كات..>> عرفت اصول الرشاوي ..
عارفة ما عندك ما عند جدتك بس حبيت ابين اللطش فيكم واصووووله>> نذالة على مستوى..خخخخخخ

يا عمري..وش ذا الموضوع المسكت..وربي ضحكت ضحك..كله ولا سيبيها..وانتي الله يهديك ما صدقتي وانفلتي على ذي الضعيفة..زين جت على قد الكلام والا كان امها ...........مشفر خخخخخ

اما اللهجات الحمد لله ادبر نفسي..لاني كوكتيل من الاختلاط بهالناس لازم نتعلم..بس اللي يعقدوني المغاربة ..والاكثر التوانسة..يالله حيهم..بالله احتاج مترجم لي كلمتهم..
ما اعرف الا كيف حالك زاهي ؟ زين ما قالوا زهيوي والا كان علووووم..:11:

اما عن المواقف كثيييرة والله خاصة من كانوا يجون مرضى يحليلهم جدات كبار في السن...ويقعدون يتكلمون بالبدوي..تصدقين كنت احرج مررررة ..مو بس لاني مو فاهمة المصطلحات..لا..من السرعة في الكلام..وتعالي فككي عاد..بس في الاخر صار وضعي تمام ..يعني اشتغلت مترجم للباقي ..وكله بتمنه..>> وحدة شررررريرة خخخخخ

اتذكر موقف وانا صغيرة في المدرسة..شفت وحدة لبنانية والا سورية..جينا للمياعة والرقة >> معلش لازم اقهركم ..عارفة تموتون قهر لو جت سيرتهم..خخخخخ
..شافتني وقاعدة تناديلي..وانا ما اسمعها..كان تيجي وتقولي وينك صار لي ساعة بعيطلك..قلت ليش وش مسوية فيك لحتى تعيطيلي "يعيط عندهم يعني ينادي..وعندنا يعني يبكي..:(..
فكرتها تبغي ريال والا سندويشة..خخخخخ>>قمة الذكاء..:o..اتاريها تنادي وانا راح فكري بعييييد..ومن يومها كل اللبنانيات والسوريات من يشوفوني يبكون..قصدي يعيطون خخخخخخ

تسلميلي يا قلبي على هيك موازيع..تزنننننن..
والبنات مواقفكم روووووعة خاصة اللي خالها مملوح..
يا حبي لكم كلبووووووكم..:24: