حبيبتي يا ليت تفاصيل أكثر

يعني كل منطقة كم سعرها وكم تحتاج لجلسة ؟؟

وانتي كيف كانت تجربتج معاها ؟؟

ونقدر نروح عندها الصالون والا بس بالبيت ؟؟؟؟

با ليت اسمع تفاصيل أكثر عن الموضوع

لاني كنت أفكر بالليزر

مشكوره دلوعه على المعلومات

وياريت تطرشين لي عنوانها على الخاص

انا جربت السوفت لايت ما ادري هذا نفس الشي والا شي ثاني

لكن الليزر انا اخاف منه لانه قوي ومضر للبشره الحساسه

هلا بكل من سأل..

اوال شي ..بخبركن عنهاا


هيه رومانية تخصصها تجميل..تتكلم انجليزي و شوووووووووية عربي..

يوم الجمعة تسير عند زباينهاا لأنها ما تفضى غير هاليوم..و عندها مكينة الفوتو لايت الي تسترزق منهااا..


اسعارهاا منافسة وايد الصراحة..يعني انا رحت استتك و رحت القوام الرشيق و رحت مركز ابن سينا ..كلهم اسعارهم نار في المكان نفسه..مش في البيت !!

و انا عقب ما أأكدوولي انه الاشعة الضوئية احسن..((دكتورة اليسار خوري)) لانها هيه بعد تسويه في العيادة مالتهاا..و اسعار نار بعد..المهم عقب ما عرفت انه الاشعة احسن تعاملت ويا هالرومانية..و الحمدالله مرتاحة..


بعد 4 جلسات بالضبط حسيت بفرق 90%..بس لازم 4 جلسات متقاربات..يعني كل ما يطلع الشعر...و يمكن من جسم لين جسم يختلف!! لا تقارنون بعضكن في بعض..

الاسعار تقل كل ما تساومتي معاهاا ..يعني مثلاا..

الباط:400-450 و تنقص السعر اذا تحتاجين جلسات اكثر..(في استيتك 750 درهم كل جلسة ) شوفو الفرق!!
الجسم..: احلا شي في جلسات الجسم انها تحسب الســـــ60 د ــــاعة اب 1000..!!و في الاماكن الي ذكرتهاا يحسبونلج جزء من الجسم 1000 درهم حتى لو 20 دقيقة! هني الفرق الي اقصدة.!! و ازيدكم؟ انا في الساعة الوحدة خلصت نص الريول و نص الايدين..و الجلسة الي عقبهاا خلصت كل الريول و كل الايدين لأنه الشعر خف في النص التحتاني


فهمتن كيف؟

الساعة هاذي تتأثر بكمية الشعر و بكبر حجم الجسم ..


و قبل لااا انســــــــــى؟؟؟ المفرووض يكون الشعر الي على جسمج مش مشلوول بحلاوة لمدة شهر على الاقل...عشان تحلقينه و يطلع شوية منه برا الجلد و من ثم نتاايج الاشعة الضووئية بتكونن احسن بووايد..

مثل ما قلتلكن..الساعة اب 1000 في البيت و عندهاا خصومات بعد..يعني عادي يكون 850 في الساعة..(سعر خاص حق زباينها)


انا ما اخااطر في ويهي..اخااف..بس حق جسمي..بس هيه تسوي حق الوايه ..لكن ما سألتهاا كم..تبون سؤلوهاا


انا الي عليه سويته..


و اي سؤال ثاني انا حاظرة..


سلام




:26: :26:

حبيبتي حبيت اسألك عن الجهاز
بما انك مجربة الليزر قبله

هل هو مثله ؟ يلسع .؟ لاني جربت في الاثنين
لاحظت الليزر يطوول ما يطلع من بعد الجلسة
اما اللايت اربع ايا وطلع الشعررر!!!!!!!

ما تتخيلين وشلون نفسيتي زففففففت لاني شلت فيه وجهي!!!!!!

مع انه وبرررررر خفيييييييييييييف

والمشكلة حلقت لي!! تخيلي !!

يعني انت بعد جلسة الضو ء كم ققد شعرك ماطلع؟

السلام عليكم ورحمة من الله وبركاته ...

مشكوره أختي ... دلوعة كيفي ... بس أنا في العين وهيه في بوظبي صعبه شويه ... أنا ألحينه أسوي جلسات
ضوئي في مركز ( استتك ) ألي فرعهم في العين ... حق ويهي ألحينه وصلت للجلسه السادسه والنتيجه روعه
ألي تسويه بلغاريه لكنها شاطره ... كنت أتمنى أتعامل مع الرومانيه...الله يجزيج ألف خير