انا احس اقرب شي كلام الاخت ميثا

والله انا مدري ليش بالضبط<< وشله داخله
بس اعتقد انه اريح للاعصاب وعشان يتعبون طول النهار من الفلفه والازعاج والزحمه
ما تروحون الفندق الاوانتي دايخه ومالك خلق وتحطين راسك وتنامين ومافي........ولافي.......... :30:
خخخخخخخخخخخ

ههههههههههه والله فعلا ليه
ما بزبط مثلا الواحد يتزوج بالنهار

اعتقد انه الزواج في الليل من زمان عشان الستر تعرفون اول كانو بس خيام او عرشان وبيوت بسيطه جدا وكانو اصلا مب فاضين يعني كل واحد يدور على قوت يومه ورزقه ورزق عياله في النهار فخلوه في الليل عشان الناس تكون فاضيه ومرتاحه وماوراها اي شي

وبعد من اللي فهمته من جدتي الله يطول بعمرها انه الرجال والنساء اول المتزوجين ماكانو فاضين مثل اللحين العرسان محد يشوفهم ايام في غرفتهم يعني اول كانو لازم تقوم الحرمه تطبخ وتخدم زوجها وتأكل دبشها غنمها او ابلها وترعى شؤون بيتها من اول يوم مافي خدم وحشم وخدمة فنادق
ومن اللي فهمته بعد ان كان في حياء كبير من الزوج والزوجه العرسان بما ان مافي وسائل استحمام متطوره وحمامات في البيوت يضطرون يروحون وادي والا نهر والا بحر عشان يغتسلون فتستحي الحرمه والرجال من نظرات الناس مب مثل جرأة اللحين
وبعدين كان في تقديس للصلوات والتزام بالصلواة الخمس يعني البلاد صغيره وخصوصا الرجال يجتمعون في كل صلاة بجماعه فتخلف اي رجل عن الصلاة مايمر مرور الكرام حتى لو كان معرس فكان التزامهم بالصلاة يخليهم يفضلون الاعراس اللي بالليل
وفي سبب ثاني بعد لان اول في الصيف مثلا هناك مشقه على الناس المعزومين اول اهل العرس او العرسان يعرسون في النهار لحرارة الجو واجتماعهم في النهار بعزيمه يشكل صعوبه بس لما يبرد الجو ويخيم الليل تكون الحرارة نزلت والجو تحسن

اما اللحين اعتقد لان الليل خلاص اعتبر وقت رومانسي مناسب عيل انتو ليش كل لياليكم الرومنسيه تسوونها بالليل ليش ماتكون بالنهار يعني ماشي نهار رومنسي وهذا من حكمة الله سبحانه وتعالى وصدق من قال في كتابه العزيز " وجعنا الليل لباسا وجعلنا النهار معاشا " فهو وقت ستر ولباس وسكينه وهدوء

اممممممممممم كني اتفلسفت وايد خخخخخخخخخخ

الاجانب هنا يعملوا الحفل بالنهار مو شرط
لكن نحن العرب توارثنا عادات مختلفة ولم نحاول تطويرها اوو تغييرها
وكاننا تباركنا فيها وعليها