السلام عليكم ورحمة الله
اسعد الله اوقاتكم وبارك لنا ولكم في شعبان وبلغنا رمضان
.
.
انا من فترة اشتريت بدلة الساونا من محل رياضة في غرناطة
المهم اول ما شريتها رحت وسويت خلطة الاخت شسالفة الله يجازيها كل خير
وحطيت الخلطة على كامل جسمي ما عدا الوجه ولبست البدلة
وما كملت عشر دقايق الا والعرق يصب من جسمي صب والمشكلة ان الخلطة قاعدة تسيل مع العرق لدرجة ان كل مكان مشيت فيه توسخ من الخلطة اللي قاعدة تسيل من رجولي ويديني
وبعد ساعة دخلت الحمام والخلطة ما بقى فيها الا شي بسيط يعني احس اني ما استفد من الخلطة مرة
وفي اليوم الثاني قمت وشلت المطاط اللي موجود في الأكمام والرقبة ونهاية البنطلون عشان التهوية لانها كانت مضايقتني وما تسمح للهواء انه يدخل وبعدين حطيت الخلطة مرة ثانية وقعدت ساعة صحيح عرقت بس مو مثل اول مرة بس لازلت المشكلة موجودة وهي ان الخلطة تنزل مع العرق وما احس ان جسمي يستفيد منها فقلت لازم اني ما اتحرك طول الوقت عشان ما ابذل طاقة واحتر واقعد في مكان بارد عشان ما اعرق وفعلا لبست البدلة وقعدت على اللاب توب في غرفتي ومع ذلك عرقت ولازلت احس ان جسمي ما استفاد من الخلطة...
خلاصة التجربة
بصراحة احس ان الملابس القطنية افضل من بدلة الساونا خصوصا مع خلطة الاخت شسالفة لانها ما تطبع كثير بالملابس وما هي ثقيلة..
هذي تجربتي حبيت انقلها لكم وافيدكم مثل ما انا كثير استفدت منكم واي سؤال انا حاضرة
تحياتي
00الظل00
:26:
00الظل00 @00althl00
محررة
يلزم عليك تسجيل الدخول أولًا لكتابة تعليق.
نسررررين
•
فعلا ماينفع تستخدمي لبس السونا على الخلطات
الصفحة الأخيرة