0000 هام جدا (الثعلبة والعلاج) ان شاء الله 0000

بسم الله الرحمن الرحيم

(ارجوا من المشرفات انهم يخلون موضوعي يومين عالاقل في المجلس ابغى اللي يعانون من هذا الداء (الثعلبة)
يستفيدون انا عانيت مع ولدي ومرت علي سنين اهرب من ولدي بغرفة واقفل على نفسي وابكي ما ابغاه يشوفني وانا ابكي عليه..)

اخواتي بلغوا كل من تعرفون بكلامي هذا..
اقسم لك بالله العظيم اني ماخليت شئ وسويته لولدي معاه الثعلبة
والله حتى جلسات ليزر لمدة سته شهور سوينا له
عرضته على دكتور سوري شهير عندنا بمكة والان غادر قال عمر مامر علي مثل ولدكم حتى الليزر ماجاب فيه نتيجة
الشيوخ اتفقوا على انه عين
والمعالجين الشعبيين قالو هذي مو ثعلبه ابد ماندري هذي ايش
الاستشاري قال ودوه الحرم روشوه بزمزم وعلقوا املكم بالله

وانا يئست من كل شئ الا من ربي كل ما اشوف ولدي ادعي بقلبي يارب اشفي ولدي
يارب متعه بطفولته اللي انحرم منها اثرت الثعلبة على اشياء كثيرة فيه
طبعا ماخليت شئ (ثوم - تشريط- خل -صبار- بول الجمال+ ليزر + دواء مركب خصيصا لولدي من الاستشاري+زيوت +دواء من د-عبدالباسط)
ولا فادت في اي شئ

وفي رمضان الماضي كان ولدي في الحرم يروح مع ابوه يوميا وشافه واحد من اهل الجنوب ونادى عليه وسأله عن ابوه
وكلم الرجال زوجي وقاله عندي العلاج ان شاء الله وانا ارسله من الجنوب لك واخذ رقم زوجي
(طبعا انا مستمرة في الدعاء بكل وقت عالفطور برمضان بين الاذان والاقامة اتحرى اوقات الاستجابة )
وفي شوال اتصل علينا وارسل لنا العلاج وهو ((((القطران))))
والله العظيم في خلال 3 اشهر نبت الشعر ونبتت الحواجب وربي رد لولدي جماله
(الله يوفق الرجل ويسخر له الخير والله اني ادعيله كل ما اتذكرت معاناتنا مع ولدي)
بعد اربع سنين معاناة وتساقط تام ل اكثر من 60% من شعره اضافة للحواجب ولا شعرة واحدة ربي من علينا بكرمه ولطفه
ماكتبت هالكلام الا من باب حب لاخيك ماتحب لنفسك
واطمع بدعوة في ظهر الغيب..

كنت قد كتبت موضوع عنه في قسم الشعر وهذا الرابط وفيه الطريقة
http://forum.hawaaworld.com/showthread.php?t=3825018