ان شاء الرحمن هنبدا دورة في برنامج الاوتوبلاي من الالف الي الياء
مش علشان السيديهات بس
لا علشان حاجات تانية كتيرة هتنفعكم في حياتكم بعد كده
هتعرفوها مع الشرح
ان شاء الله
الدوره ده مهمه جدااااااااا
وهدفها التالي:
1- تصميم السيديهات
2-استخدامه في العرض في اي مؤتمر او حتي في مناقشة رسالتك في الماجستير اوالدكتوراة
3- عرض منه فيديوهات وباوربوينت
4- يستخدم كوسيله تعليميه في المدارس والجامعات
5-امكانيه دخول اي كلام نظري وفلاشات
بس يا جماعه لا تملي مع بدايه الدوره لانها محتاجه تصبري شويههتحسي في الاول انك مش عارفه تشتغلي ازاي لكن بالخطوات واحده واحده كل هيكون تمام
البرنامج ده ميزته انه بيساعدك في العرض جربتها شخصيأ يعني بدلا من استخدام البوربوينت ده احسن منه بكتير لانه بيساعدك ان شغلك يفضل زي ما هو وميضعش حتي لو نقلتيه من جهاز لجهاز وميتغيرش اي حاجه فيه لا فيديو ولا غيره علي عكس البوربوينت والبرنامج محتاج تخيل ورسم لكل صفحه وطوعي البرنامج حسب ما انتي محتاجه
مواعيد المحاضرات:
هتكون يوم الجمعه والسبت من كل اسبوع ان شاء الله وهكتب بعد كل محاضره معاد المحاضره الي بعدها لو قدرت هيكون في في نصف الاسبوع نظرا بس لظروف عملي
المهم نبدأ ونقول بسم الله
ان شاء الله الدورة هتكون علي عدد محاضرات كتيرة شوية
لان البرنامج خصائصة كتيرة
وعلشان تاخدوا فرصة للتطبيق
والدورة هتكون علي كذا محاضرة
8محاضرات
المحاضرة الاولي >>>مقدمة عن البرنامج وخصائصه
المحاضرة الثانية >>>بداية التعامل وتجهيز المشروع
المحاضرة الثالثة >>>استخدام امكانيات البرنامج من ازرار وادوات لتصميم المشروع
المحاضرة الرابعة >>> التعامل مع الاوامر
المحاضرة الخامسة >>>اسخدام النصوص الكتابية في المشروع
المحاضرة السادسة >>> التعامل مع الفيديوهات
المحاضرة السابعة >>> التعامل مع الصوتيات
المحاضرة الثامنة >>>اخراج المشروع بعد الانتهاء من التصميم
اولا : تحميل البرنامج
اتفضلوا احدث نسخه من البرنامج
التحميل >>>>>>اضغطي هنااااااا
http://www.4shared.com/file/132514897/79f4..._studio_75.html
البرنامج اللينك بالسريال
اسال الله الكريم رب العرش العظيم ان يجعل هذا العمل البسيط
خالصا لوجهه الكريم
هنبدا حالا
المحاضره الاولـــــــــــــــــــــي
هي عن :مقدمة عن البرنامج وخصائصه
بعد ماتنزلي البرنامج وتسطبيه
نفتح البرنامج كعادتنا من
start >>> all programs >>> Autoplay media studio
زي الصورة دي
هتفتح الصوره ده
ونبدا شرحها مع بعض
رقم واحد لو هتبدا تعمل مشروع جديد وده اللي هنختاره
رقم 2 لو هتفتح مشروع موجود عندك علي الجهاز قبل كده
رقم 3 لوهتفتح اخر مشروع كنت شغال عليه
رقم 4 لو حابب تخرج من البرنامج
بعد اختيار الاختيار الاول هتفتح هذه الصوره
طبعا هتلاقي عندك كما هو موضح بالصورة
قوالب لمشاريع كثيرة جدا
لو تناسبك ممكن تستخدمها
لكن احنا ناس متمكنة هنصمم احسن من القوالب دي مع بعض
رقم 1 ده اختيارنا الا وهوblank project مشروع فاضي واحنا
نصممه
رقم 2 ده اسم المشروع بتاعك هتخليه زي مانت عايزه وممكن نغيره
من جوه عادي
رقم 3 نختار ***** الموضوع create new project
تااااااااااااااااااااابعي
ودي اهم صورة في البرنامج
نشوف مع بعض
رقم 1 دي قوائم البرنامج العادية اللي في اي برنامج
رقم 2 ده مربع اسمه project explorer وده بنستخدمه لما تزيد عدد صفحات
المشروع ويكبرهتدوس علي اي صفحه هتظهرلك علي طول في مسرح العمليات في
المنتصف
رقم 4 ده مربع اسمه properties وده بيظهرلك خصائص الجزء اللي انت واقف
عليه بالماوس سواء زرار او كتابة زي ما هنشوف بعد كده
ايه ده فين رقم 3 انتي نمتي ولا اييييييييييييييه
:):)
لا يااخواتي لسه
رقم 3 و رقم 5 هقولهم مع بعض لان ليهم نفس الوظيفة
لو بصيتوا علي الايقونة اللي عاملة دي الدبوس دي اسمها auto hide
وده بيخلي القوائم دي تختفي خاصة لو المشروع مساحة الصفحة فيه كبيرة وانتي
عايزه تشوفها كلها فبيوفرلك مساحة حلوة
زي كده
هتلاحظوا اني وقفت علي project explorer فظهرت ولو مشيت هتختفي تاني
المهم نرجع لواجهة البرنامج
رقم 6 و7 و8 اخطر شيء
وانا خليت كل مجموعة منهم في شريط لوحدها علشان نشرحهم برواقة
نبدا بشرح رقم 6 وفيه 8 ادوات
1 تصميم مشروع جديد create new project
open an existing project 2 فتح مشروع كان عندك
3 save project حفظ المشروع
وياريت تحفظي طول مانت شغاله
علشان الجهاز لو وقف وعمل ريستارت
4 قص cut
copy 5 لصق
6 paste
ودول لو هتنسخ زرار ا اي حاجة
7 & 8 undo and redo
ودول لو غلطتي في اي خطوة وعايزه ترجعي تاني
رقم 7 وفيه 10 ادوات
رقم 1 لو عايزه تضيفي زرار جديد
رقم 2 لو عايز تضيفي جزء صغير تكتب فيه جملة
رقم 3 لو عايزه تكتبي كتير باراجراف يعني
رقم 4 لو عايزه تضيفي صورة
رقم 5 لو عايزه تكتبي صفحات زي الوورد Wordكده
رقم 6 لو عايز تعمل حاجة اسمها Hot Spot بمعني انك تخلي جزء من الصفحة لو
دست عليه يعمل اكشن معين يفتح برنامج مثلا
رقم 7 لو عايزه تحطي فيديو
رقم 8 لو عايزه تحطي فلاشة
رقم 9 لو عايزه تحطي لينك لموقع
رقم 10 لو عايزه تعملي slide show يعني تحط كام صورة ورا بعض ويتم عرضهم
بصورة متتابعة
نيجي لرقم 8 وفيها 8 ادوات
رقم 1 اضافة صفحة جديدة
رقم 2 حذف الصفحة
رقم 3 خصائص الصفحة
رقم 4 اضافة ديالوج
رقم 5 حذف الديالوج
رقم 6 خصائص الديالوج
رقم 7 عرض المشروع <<<<< لاتنسي
رقم 8 اخراج المشروع بالصور المتاحة<<<< لاتنسي
يااااااااااااااااااااه
ايه ده انا دماغي مش فاهمه حاجه:(:(
اوعي تقلقي
كل زرار من دول له محاضرة لوحدة
يعني ماتقوليش يعني ايه
طبعا هانشرح كل واحد بتفاصيله
رقم 9 ده الشريط اللي بتظهر عليه الصفحات باساميها علشان تتنقل بينهم
رقم 10 ده مهم اوي
دول عبارة عن مسطرتين افقي وراسي
بيساعدوك في تظبيط اماكن الازرار بالملي
وده بيزيد من دقة وجمال المشروع
رقم 11 ده مسرح العمليات والشغل كله
رقم 12 ده شريط بيوضحلك مساحة المشروع بتاعك
علشان تعرف هتجيب سي دي 700 ولا 900 ولا دي في دي
تمام كده
الصورة دي زي ماقلت مهمة
وهنشرحها بالتفصيل في المحاضرات القادمة
لانها هي البرنامج كله
**********
كده انت جاهز للشغل بس اعمل زي الصورة دي علشان توسع مسرح العمليات بتاعك
وبكده نبدأ نعمل المشروع
كفايه كده يا حبيباتي النهارده اشوفكم علي خير
لسه للمحاضره بقيه انتظروها يوم
الثلاثاء ان شااااااااء الرحمن