00>>(( المهــــر من / وإلــــى ! كم مهرك وكيف قسمتيه))<<00

انا عن نفسي لسه ما جاني المهر بس توقعاتي يكون عشرين الف

والله يستر مع هالغلا مدري وشلون بيكفي


بس يا الغلا اشوف لو تقسمين مهرك يكون افضل عشان ما تضيعين وبعدين تكتشفين انه الاساسيات ما شريتيها

وافضل دام المهر ماشاءالله تخلين لك مبلغ في البنك يفيدك بعد الزواج

واللي مهرها 20 ياليت تقول كيف قسمته لاني احسه ابد ما يكفي

ان شاء الله البنات يردون ونشوف ..

عشان نستفيد ..

وينكم ياحلوات
عطونا خبرتكم

همسات / تسلمين يا الغلا انا مابعد انخطبت بسـ حطيت الموضوعـ للاستفاده لاني حسيت ان الكل محتاجـ له
مشكوره لمرورك وتعليقك 00

ام دودي / مشكوره لمرورك 00
يخلي لك دودي وأبوووه 00

نوني الجذابه / تسلمين لتجاوبك وفعلا ننتظر البقيه صاحبات الخبره 00

شوفي حبيبتي ان كان مهرك 100000 الف او حتي 15000
لازم انك تحطين لك جدول ,, وش تبين وكيف راح تصرفينها ..:39:

اول شي خذي لك لو 100 ريال صدقه عشان ربي يبارك لك فيها ..

اعملي حسابك انه ع الاقل 10% من المهر خليها برا ولا تسوين فيها ولا شي ,,
يعني اذا مهرك مثلا 10000 ريال شيلي منه الف وخليها ع جنب ...وع هالحسبه ايش مايكون مهرك .. ولو كنتي تقدرين شيلي منه ل 30 %

عقب كذا ..

جيبي ورقه وقلم حطي لك وش انتي الي تبينه بالضبط ..قبل السوق و الروحه و الجيه ..

خليني اقولكم كلكم كم ملاحظه قبل ..

فستان العرس هو تقريبا اغلا شي ..الي ماتبي تشتريه تاجر ..

باقي الشغلات ..
....

الثياب الي كل من تزوجت راحت قضت !! انا هذي النقطه الي موب فاهمتها جد!!:09:
حبيباتي لازم نكون واعين شوي ..:mad:
انتي دولابك في بيت اهلك مارح ينفجر من الثياب؟
معقوله كل ثيابك قديمه وماهي حلوه ؟
الحمد لله كل وحده فينا من كانت في بيت اهلها عندها لبس يكفيها ويكفي قبيله معاها ..بس حنا دوم طماعين ونقول ماعندنا ..
افتحي دولاب ثيابك وشوفي الشغلات الحلوه وياكثرها عندكم صدقونيييييييي
بعدين ليه تشترين 8 بنطلونات و 9 فساتين و 14 تنوره !!
ليه يعني؟
ماانتي كذا كذا حتي بعد زواجك بتروحين السوق !!
وفي شهر عسلك بتروحين السوق !!
وعندك من بيت اهلك ثياب حلوه !!
حلو انك تشترين كم قطعه زياده ..بس فكرت البنات الي يسونها انها تاخذ كل الثياببببب جديده ليه يعني؟

لا السوق طاير ولا انتي الي بتلبسينها كلها بيوم واحد ...
وان شريتي روحي للمحلات الي فيها تخفضيات .. موب عيب ان الواحد يشتري من التخفيض !! و موب معناتها كل غالي سعره فيه !!
دوري كويس و بتلقين

لا احد يزعل من كلامي :44: بس والله كلامي جد ,, لا انتي الي عارفه ذوق زوجك ,, ولا انتي الي ضامنه وش الموضه ,,بعدين شريتي كل هذا مثلا شهرين و حملتي !! وش تسوووين وقتها ؟ تقولين لالا ماابي :hahaha: ,,خليكم واقعيات ,,
فلوسكم خلوها لا امور اهم ..اساسيه ,, انا مااقول احرمي نفسك لا والله بس بحدود العقل ...
___

نجي للمكياج ..
خذي الامور الي تنقص من عندك ..
يعني بلاش اجي المنتديات وادور ..
لا لالا انا لازم اخذ بيس قبل المكياج
و اخذ 4 الوان كريم اساس
و كريم اضائه
و كريم اساس للجسم
و بودره مضغوطه و بدوره سايبه و بدوره بلمعه وووووو
وفرشه رقم 8 وفرشه رقم 23 ووووو
شغلات مالها اول ولا اخر ,,,
يعني بهالشغلات راح تفتحين صالون تنافسين فادي قطااايا :11: مثلا ههههههههه
يالغاليات كلكم عندكم مكياج ..ماشاء الله
زيدي عليه الامور الاساسيه فقط ..
يعني مثلا..
كريم للوجهه لليل و النهار وتبع النهار هو نفسه يكون معاه الواقي الشمسي
و كريم حول العين
وكريم اساس واحد , و بدوره سايبه وحده , وكحل اسود ,و ماسكرا , و بلاشر , و 2 جلوس, و 3 ارواج ,,و2 ظلال للعيون ,,

كل وحده ادرا بنفسها وش تحتاج من المكياج لا نركض ورا اي شي حنا نشوفه ,,
وعقب الزواج انتي بنفسك راح تشوفين ..يمكن زوجك مايحب المكياج اساسا!!
وبعد عقب زواجك تكوني عرفتي ذوقه اكثر ّ,, كل كم يوم من طلعتو روحي السوق مثلا ورويه الروج وقولي له انت وش تحب تشوف علي مثلا ..يعني شاركيه ..خذي برايه ..

...

اما العطووورات ليه تصفين 13 عطر ههههههههه
عطر واحد صباحي خفيف .. وعطر قوي ,, ودهن عود واحد وانتهينا ههههههه
و خذيهم من اسواق الجمله ..هي نفسها نفسها العطورات هنا وهناك .. ليه اخذ الغالي !!
ارجع واقوووول بتجيك هدايا من الناس ,,,مجموعه عطورات ع لوشنات ... ع دهن عود ,.,ع بخور ,,,ف ليه كل هالعطورات ؟؟
حتي زوجك لو شم عطر هو بيوم هو ان شاء الله بنفسه راح يشتريه لك يبيه عليكي انتي ..
ونفس الشي بعد عقب زواجكم روحو السوق واشتري عطر كل فتره و الثانيه :)
...


والذهب ..
الان الذهب غااااااااااااااالي كثير ..:confused:
اساسا هذا وقت الناس تبيع ذهب موب تشتري !!
يعني انا عن حالي و كل الي حولي و كل خوياتي الي اعرفهم مااحد استفاد من اطقم الذهب ابد ابد ابد ..
انا اساسا مااحب الذهب !!
شريت شغلات انا ممكن البسها ..يعني خاتم , حلق .. تعليقه ,,
بس موب اطقم ,, انا موب راعيه اطقم ,, بعدين حتي الذهب له ديزاينات تختلف من موسم لثاني ,,
انتي خليكي ع الشبكه الان .. و انتظري سعر الذهب ينزل ,, مانزل ,, مارح يصير شي لو ماشريتي !!
لان ارجع واقول وين راح تلبسينهم!! في مناسبات يعني ؟
ماانتي راح تلسين شبكتك فرحانه فيها !!
ف باقي الاطقم وش بتسوين فيها؟؟؟
واكيد انتي عندك كم شغله من اهلك من قبل ,, كم حلق ع كم تعليقه ع كم خاتم ..
وبعدين ياكثر الهدايا الي راح تجيك عقب زواجك ان شاء الله من الذهب !! ف منتي محتااااجه صدقوني ,,,

والكل بنفسه شايف الان المناسبات ,,كثير من الناس تركز ع الاكسسورات موب الذهب ..

...
ادري قرقتي كثيره ههههههههههه
بس صدقوني ابيكم تستفيدون ... وماابي احد يحس مهري 15 الف قليل وش اسوي فيه !!
يالغاليات ..كل هذي امور ثانويه ..
فكرو صح ..
جيبي ورقه وقلم وحطي مثلا جدول .. للفستان انا حاطه 3 الاف مثلا
و الثياب الف ريال ..والمكياج 300 ريال ..و الذهب 4 الاف ..
الفكره انك تحطين انتي الميزانيه قبل ماتشترين ..عشان تدورين بحدود هالميزانيه ..
واكتبي كل شغله اشتريتيها بورقه وقلم من وين وكم سعرها و ب اي تاريخ ..عشان تعرفين مصروفاتك ..

,,,,

و ال 10 او 30 % الي قلت لكم حطوها ع جنب هذي ع طول تحطيها بالبنك ولا لك شغل فيها ...خليها لك للوقت ..
و ان كنتي شاطره حتي مهرك الباقي منه المفروض يظل فيه بعد و الي يظل حطيه ع ال 10 بالميه

...
بعدين صدقوني اول 6 شهور من زواجكم لا انتي ولا زوجك :arb: عندك شي تسونه الا انكم تطلعون هههههههههههه
و لا هي من زود الاماكن الي ممكن الواحد يروحها يا مطعم ياسوق ,, ياسوق يامطعم ,, ويمكن البحر من فتره لثانيه ,,:icon28:
ولو قلت البحرين بقولك بعد السوق و مطعم ههههههه
ف السوق فيها فيها ,, و كل مارحتي كل مارح تشترين شي ..
...
وربي يسعدكم كلكم ان شاء الله .. واذ في بال اي احد سؤال تتفضل هههههههههه ماعليه عشت الدور