السلام عليكم

موضوع المهر يختلف من وحدة لوحدة

هذا يرجع لحالتها المادية وحالة المتقدم لها

فأذا الحالة المادية للعريس ضعيفة اكيد الاشياء بتكون بسيطة

والعكس صحيح

وممكن لو كان ابو العروس حالته كويسه يساعد بنته بأضعاف المهر

وحتى لو كان العريس حالته المادية كويسة ومهرهم كويس

نجي هنا لحالتهم الاجتماعية...هل هم راعين عزايم ومناسبات وعروس؟؟؟

اذا كان ايه لازم العروس تجتهد في التفصيل واللبس والمكياج وغيره لانه ماعطاها المهر عشان توزيه

مع انها حرة اذا تبي توزيه وتحتفظ فيه

بس كثير ناس اعرفهم يتفآجأون بعروسهم ماجهزت شي وهم معطينهم مهر كويس (أعتبر المهر كويس من 50 وفوق) ويتفشلون عند اقاربهم وبصراحة معاهم حق

و كثير يجي الحكي من الحمولة بسبب هالشيء


احترم طبعا حق العروس بالاحتفاظ بمهرها او بعمل مشروع او توزيعة او التصدق فيه بس زي ماقلت لكم لازم تنتبه لمقدار المهر اللي يبين حالة العريس +وضعهم الاجتماعي


والله يكون في عون البنات اللي لازم يشترون ذهب...وعوايلهم تهتم بهالشي لانه من جد يصرف من الميزانية

احنا في عائلتنا مانقرب جمب الطقوم

بس ماشاء الله تجيك طقوم من عمانك وخوالك وعماتك وخالاتك كل طقم احسن من الثاني

يعتمد على حالة المادية للمرسل

فماشاء الله اقاربي هداياهم راقية وروعة فكل تجهيزي راح على لبس ومكياج وغيره

ووزعت فلوس لجداتي وخالاتي وعماتي وامي وابوي واخواني وابوي ماقصر معي ابد زاد على المهر

والحمد الله تصدقت وهذا اهم شي

واحنا اللي سوينا العرس لان اهل المعرس مايبون بس احنا كنا نبي

وغالبا عند اقاربنا العرس على اهل العروس

مساكين اهل العروس عندنا كل شي عليهم العرس والشبكة حتى عزيمة النفاس مايروح فيها الا الضعوف

ولما جيت اجهز كنت عارفة حمولتي وطبعهم كل يوم عرس وعزايم ومناسبات وفصلت اربع فساتين عروس راقيه وكلهم استهلكتهم مليون مرة +اشتريت اثنين جاهزة وبرضوه لبستها


اما اللي اهل زوجها مب راعين عروس فستانين عرس وكثيرة بعد

انا سلفتي مسكينة ابوها بخيل واخذ نص مهرها فصلت فستان عرس واحد والله لايوريك على كلام الحمولة ذب في ذب وما ألومها مالها ذنب

انا الوم اللي ابوها كويس ومو محتاج وهي مو محتاجة ومع ذلك توزي مهرها وتشتري خرابيط

فمن وجهة نظري الشخصية اللي حالتها المادية كويسة وحالة زوجها كويسة مايعتبر ابدا اسراف او تبذير اذا تنعمت بمهرها وشرت اشياء تفيدها ولاتحرجها عند حمولتها

بالنسبة للي بيسافرون على طول لاتفصلون اي فستان زواج لانكم بتروحون وممكن تروح موضته او يتغير مقاس جسمك واذا رجعتي يمديك في يوم تشترينه جاهز ومن ارقى المحلات

حتى الذهب نفس الشي وخصوصا انه غالي

لذلك انصحهم يحطون مبلغ صغير على جنب عند امهاتهم واذا رجعو ياخذونها ويشترون لبس وطقم


هذا رأيي الشخصي واحترم أراء الجميع

:)عندي تكملة

<<<<<<<<تحمست :icon28:

ترى الحين كل شي صار انواع واشكال واسعار

قصور الافراح فيه الغالي والرخيص حسب الحي والديكور

والفساتين فيه المحلات انواع واشكال غالي وحلو (وغالي وشين:09:) ورخيص وذوق (ورخيص ومخيس)

يعني كل شيء

والمشاغل فيه الغالي والرخيص حسب اجار المشغل ومكانه

يعني كل واحد حسب حالته المادية ووضعه الاجتماعي وحاله الطرف الثاني

يعني مثلا اللي بتسافر لو مهرها مليون حرام تشتري فساتين سهرة وزواجات تصير بصراحة ماعندها تفكير وممكن تستثمر فلوسها باي شي وماتعتبر بخيلة وراح ينفعها اذا رجعت


واللي مهرها قليل واهل زوجها راعين عزايم وعروس تقدر تشتري 10 فساتين زواج قيمتهم بسيطة

على عكس اللي مهرها قليل واهل زوجها منعزلين يعني مافي حمولة حدها كم تيور وانتهينا

والكلام على كل شيء من عطور ومكياج وغيره

واللي مهرها كثير او حالتها المادية كويسة وتبي تزيد لها الحق وهي حرة تشتري طقم المطبخ او طاولة دهن عود ومفارش

مع انه ماينفع مع الزوج للاسف :09:

اما اللي مهرها قليل تجهيزها على قد مهرها وماله داعي مفرش وطقم سفرة وغيره يالله لبس وكياج وعطور


ودمتم
:)

عسوله جزاك الله خير
افدتينا كثير00لو عندك اضافات ضيفي :)

^^^^^^^^^^^^^^^^^^
^^^^^^^^^^^^^^^^
^^^^^^^^^^^^^
نفس الحاله ومره محتاره:)

مساء الورد علي احلي عرايس وبنات بالدنيا ومساء خاااااااص لاختي الدكتوره يسلمو حبيبتي علي ردوووودك الحلووه دكرتيني بامي جننتني عند التجهيز بس الله يخليها لي انشاء الله رفعت راسي بتجهيزي ومافيني ولا شي ناقصني ابد كان مهري 100 الف والزواج علينا ابوي الله يخليه لي تكفل بزواجي
شريت كل شي يخص العروس اول شي عايلتي وعايلة زوجي يختلفون عني بالمره ولا قد شافوني اللي يوم الخطبه وبعدين بليلة العرس يعني مايعرفون ملابسي اخدت امي فساتيني الغاليه والزينه غسلتها بالبخار تيوراتي ولبسي الزين حطيناه علي جنب جبنا ورقه وقلم وزدنا عليه وانا ميته من:icon33: قالت بنشتري بس ماراح نكثر بعدين ارتحت شريت 2فستان علي اللي عندي و3 تيورات فخمه مره والبناطيل عندي كثير مستحيل اروح السوق ماجيب تي شرتاتي الجديده الزينه زدت عليهم كم قطعه وبديات حلوات وتنانير وفساتين للبيت شريت جلابيات بما ان ماعندي يمكن 4 اللي شريتهم فستان زواجي كان ناعم مره اخديت قماشه من منصر كان فخامته بالقماش مع خياطه كلفني سته الاف شريت طقم الاماس واحد بس 22 الف كان فخم قوه وكبير وملون يعني يناسب مع اي لبس وشريت ساعتين من الدهام وحده بسته الاف وحده بالفين دهبي لونها الجلديات عندي كثير وشريت دبله الاماس >>>> لو ماشرت كان احسن جاني هدايا كثير بالمره من خالاتي وعماتي واهله صارت عندي شنطه مليانه بس بعدين اعلمكم وش سويت فيه صلحت حركه حلوه بالمره وبتفيدكم
العطورات بصراحه ماشريتهم انا كتبت اسامي الللي ابيهم صديقاتي جابوهن لي يمكن كلفتهم 3الاف هديه رحت لزهور الريف وبدي شوب اخديت منهم شغلات حلوه يمكن كلفتني الف ريال وبنسبه لقمصان النوم ماشريت ولاواحد خالتي الصغيره شرتهم لي بما اني ماعرف وامي مستحيه تشريهم لي يمكن كانو تقريبا ادا منا واهمه80 قطعه منها البجايم الستان والحريروالقصير والطويل كل الاشكال اخدتها لي من نعومي ولاسنزاء كانوديك المره مخفضين في كل المحلات وقميص ليلة العرس مالقينا هنا شي زين وصينا اختي كانت برا السعوديه وجابت لي وبعدين سوت لي خالتي حركه حلوه فيهم جابت صندوق وفيه مفتاح تقدرين تدخلينه بالدولاب كان روووعه مره شكله وحطت قمصان النوم فيه وحطت روائح عطريه وبخرتهم الله يخليه لي ويرزقها الدريه الصالحه ويسخر لها زوجها الجزم والشنط بما ان الاخت المتحدثه تزوجت وهي صغيره فما عندها كعبات بس جزم سبور للمدرسه كثرت جزم بصراحه وشنط بس من حسن حظي اني صادفت تخفيض نجي للمكياج سوت لي امي شنطتين للمكياج الصغيره حطت فيها كريم اساس من ديور هو والبودره الاضلال كان من شانيل لان الوانهم ثابته الكحل السايل والمسكرا من لانكوم لمعات فضي ودهبي من ماركه بس مدري وشي المحددات من قزاز بس خمس االوان واحمر الخدود من ايف سالوران والاروج من شانيل كانت الوانهم مررره روعه فرش من زهور الريف شريتها الشنطه الثانيه شكلت من كل شي كريم الاساس كان من بدي شوب والارواج كانو ماركات متعدده منها نيفيا ولوووك اللي حلوات بس رخيصات وكمان اضلال حلوه واحمر خدود ماكلفتني شي واجد المفارش بصرحه شريت واحد بالف واحد بثمان ميه وشريت مناشف وارواب حمام
البخور والعود بصراحه ماشريت ابوي كان شاري للعرس من المعيقليه واخديت منهم بس موكثير لاني اكتشفت ان ابو الشباب مايحبهن شريت من سيتي بلازا حركات حلوه للتسريحه تحطين فيها مكياجك شريت شناط فخمه للسفر
الاجهزه بصراحه ماشريت سشوار شريت لفافات جهز بخار للوجه ومبخره كهرب وفواحه كهرب صغيره ومكواء
نجي للتوزيع عطيت اخوي الكبير وخواتي الصغار وجداتي وعماتي خالاتي بصراحه عيوووووو وشغالتنا شريت فساتين خواتي وفستان امي جيت بساهم بالزواج خانقني ابوي وقال ضفي وجهك مابقي الا اخد من بزران
بزران ؟؟؟؟؟؟؟؟؟؟؟؟؟؟؟؟ علم نفسك ليش تزوجني بقي تقريبا من مهري 34 الف حطتهم امي لي بالبنك بعد ماخديت قيمه كوفيرتي والمصوره وتم علي اكمل وجه وكل مالبست قطعه عند حمولتي انهبلووو عليها وابو الشباب مستانس بس انتبهو للنقطه دي



ادا كان زوجك يلم باغلب محلات الملابس ويدقق هادا من وين
هادي عقدتي لانه ينزل مع خواته للسوق وصار عنده خبره تصدقون عاد ان اغلب ملابسي يعرف اسعارهن ومحلاتهم


اشكر اختي الدكتورررررررررره علي كلامك الحلو والله يوفقك ويسرلك امورك
واللله يوفق عرايسنا الحلوات