بسم الله الرحمن الرحيم
عيدكم مبارك وعسااااااااااااكم دوم بصحة وعافية يارب
في الحقيقة ترددت كثير قبل كتابة الموضوع لأنه حساااااااااااس جدا ويخص اصل العقيدة
بس قلت في نفسي لازم اكتبه ربما القى في ردودكم مايشفي غليلي الله المستعان..
امس واجهت وحدة في عز شبابها كل ماتتمناه الوحدة الله معطيها اياه
مال وعز وعيال وزوج على كيف كيفك الخ..
بعد ماعييدنا بعض طالت وكثرت السوالف ..
بعدها تصدقون اسألتني سؤال لدرجة اني اخذت فترة على ماجاوبت قمت افكر واقول في نفسي كيف تجرأت وسألت هذا السؤال؟
كيف أصلا جاها هذا التساؤل في خاطرها اساسا؟
تدرون شنهوا؟؟؟؟
قالت:
ابي افهم من له الحق في السيطرة على هذا الكون ..
من الذي وكله في التحكم في هذا الكون..
استغفرالله ياربي ويش هذي البلوة ؟؟؟؟؟؟؟؟؟؟
قلت بعد صمت طويل لأني تفاجئت: استغفري ربك..
قالت: ومن قالك اني كافرة انا مسلمة ومؤمنه بوجودة بس ابي افهم ابي استوعب ليش كذا
قلت لها:لو عندك دفاية وقلتلك كذا لحالها وجدت تصدقين؟؟ اكيد انك بتقولين لها صانع..
قالت: انا ادري ان الله موجود بس من اوجده؟؟
قلت فيه صحابي كان تجيه هذي الوساوس ويقول في نفسه من خلق الله؟
فرد عليه الرسول صلى الله عليه وسلم ان هذا من الشيطان وان هذا الوساوس دليل ايمان الصحابي..
قالت لي : انتي مافهمتي سؤالي ..من اوجد الله ليش له السيطرة...
عجزت معها والله يابنات هي في وادي وانا في وادي الله يستر بس..
الله يهديها ويصلحها والله اني خايفة عليها من افكارها الغريبة..
غنادير @ghnadyr
محررة في عالم حواء
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️