السسسلام عليكككووم ورحمة الله وبركاته..,
الله حيهم وابقهم. مرحبتيين ,,
نخشش دووغري بالموضوع >> قولي ما أعرف للمقدمات وفكيناا.. حلوه الصراحه ترا
مدخل..|~
قالوا لقيط وراس ماله هدومه
وحيد ماله غير زاده وسكناه
يمه عيون الناس والله ظلومه
وأنتم سبب للي حصلي من أدناااه
وحيد وأسواري جميع مهدومه
لا عم ولا خلان ولا خال ولا جاه
اقتباس:
في فجر هذا اليوم احدى ايام رمضان المباركه
لقد تم العثور على لقيط حديث الولاده موضوع داخل كيس نايلون في منطقة الجهراء
في تمام الساعه الرابعه و النصف من فجر اليوم تم العثور على لقيط داخل كيس نايلون بالقرب من سيارة راوي القصه
لقد تقدم لسيارته ليقوم بتشغيلها ولكنه سمع صوت انين طفل,وعندما تحرى الوضع اتضح له بأن الصوت منبعث من كيس النايلون,قام بفتحه واذ به طفل صغير حديث الولاده,حيث ما زالت آثار خلاصة الولاده منثوره على جسده الضعيف الرقيق , بسرعه قام بتبليغ الجهات المختصه وقام بإدخاله للمسجد القريب منه لحين وصولهم , وقد قدُر عمره أربع ساعات
!!!
اقتباس:
العثور على لقيط داخل مصلى النساء في "الخميس"
خميس مشيط - سالم آل سحمان:
عثر مؤذن مسجد زيد بن ثابت وسط محافظة خميس مشيط أمس على طفل ملفوف بشرشف في ركن مصلى النساء بالطابق العلوي وذلك عندما كان يريد إغلاق المصلى. وعلى الفور تم إبلاغ الجهات الأمنية في محافظة خميس مشيط حيث تم الانتقال إلى الموقع و بالمعاينة اتضح بأن الطفل ذكر وتم نقله إلى مستشفي الأطفال في المحافظة حيث يتم فحص الطفل وتقديم اللازم له. وأشار مصدر في مستشفي الأطفال (مستشفي خميس مشيط المدني سابقا) أن الطفل بحالة جيدة وان عمره يقدر بأسبوع وسوف يخضع للحضانة داخل المستشفي ومن ثم يتم تحويله إلى دار الرعاية الاجتماعية.
!!!
اقتباس:
العثور على لقيط في حاوية نظافة بالجنادرية
وجد عمال النظافة أثناء عملهم في تنظيف إحدى حاويات النفايات في حي الجنادرية على طفل «لقيط» ملفوف بربطة صغيرة. عمال النظافة الذين فوجئوا بوجوده أصيبوا بذهول وفزع.. وعلى الفور قام العمال باستدعاء أهالي الحي وتعريفهم بالوضع من جانبهم قام أهالي الحي بالاتصال بالجهة المختصة وحضرت إلى الموقع الجهات الأمنية وتم نقل الطفل إلى المستشفى لمعرفة حالته الصحية، مصدر مسؤول في مستشفى اليمامة للولادة والأطفال قال إن الطفل بعد الكشف عليه وجد أن حالته الصحية جيدة وسيتم نقله إلى وزارة الشؤون الاجتماعية.
!!!
اقتباس:
عثرت دورية مركز شرطة الدرب والحمراء بمحافظة الدرب بالقطاع الشمالي من منطقة جازان على طفل لقيط في يومه الثالث في أحد المساجد بالأسواق التجارية في محطة الدرب الواقعة على الطريق الدولي جازان - أبها - مكة المكرمة مساء أول من أمس وبجواره مبلغ مئة ريال وكيس من الملابس الجديدة وعلبة حليب ورضاعة.
كما اتضح أثناء الكشف عليه وجود مشبك طبي في سر الطفل مما يبين بأنه تم قطع السر بطريقة صحيحة، كما وجد في قدمي الطفل آثار للبصمة مما يؤكد أخذ بصمة لقدم الطفل، مشيرا إلى أن كل هذه العلامات توضح إجراء الولادة تحت إشراف متخصصين
!!!
من المؤسف حقيقة ًتصير مثل هالأشياء بـ بلاد عربيه مسلمة !!
ليس ذلك وحسب بل في مهبط الوحي!!
وبلاد الحرمين!!
قسسم بالله مليناا وتقطعت قلوبناا من كثرة هاللقطااء ..
كل يوم والثاني
ليييشش تصير مثل هالأشياء في بلدنا ؟؟
هالعلاقات المحرمه اللي هابين بهاا البنات والشباب ..
وإذا سألتهم ليشش. جواب أسخف من السخيف ..
أوسع صدري وبعدين أنا كبير/ه وأعرف مصلحة نفسي وعارفـ/ـه إني مستحيل يوم من الآيام أعمل شئ خطأ >> ياسسسلام !! وهالضحكات والتغزل أنصاف الليالي كله صح وعادي وحلال؟!
لا وان جيت لـ الشباب ياليتهم كذا وبس .. لا إعترااف صرريح إنوو يكلم البنت
لـ أهداف جنسية . ياقهرر مسلم وكذا تفكيرك . طيب صن نفسك واستر عليها وتزوج ..
اااخخ ياقهرر .. السبب إهمال الوالدين لأبنائهم ..
أهم شئ أجيب ولد يحمل اسمي!! كل تبن طيب رب ولدك..
ولا ويجيك يحط دش فوق الـ3000 قناة ويقول .. والله أنا واثق من تربيتي لعيالي!!
قسسسم بالله شئ يفقع المرارة ويدبل التسبد.. مدري هوو غبااء والا تغيبي
مشكلتنا النظره السطحيه للمواضيع .. ما يجي ببالهم إنوو يوم من الآيام ممكن من هاللي مستغلته برايك وكل يوم شاحن لك .. إنه هو يستغلك بشرفك وعرضك
خسسرتي دنيااك وأمك وأبوك وأخوانك .. وخسرتي آخرتك وربك .,
آآه منهم . قسسم بالله يتقطع قلبي كل ما سمعت هالكلمة
وشش ذنبه هوو
مو يكفي إنه أهله اللي أحب الناس له بالطبيعيه الفطريه .. رموه وتخلو عنه وتبروا منه وهوو توه طالع ع الدنياا , لييششش ؟؟ بيسسود وجييههم
إن حاول يكسرة قاعدة المجتمع الغبيه كسرته
لااهوو لاقي الآم اللي تحن عليه وتمسح دمعته وأحزانه عنه ..
ولااهوو لاقي الأب العاقل الناضج اللي ينصحه ويوجه ويفخر به بين أقاربهم..
ولاهوو لاقي الزوجة اللي يعف بهاا نفسه ويستر على نفسه وعليهاا..
ليييه كل هالمحاربه للقطاء ؟؟
قسسسم بالله إنهم كائنات حيه لهم حس وشعوور ..
تخيل نفسك مكانه .. قسسم بالله ما تقدر تعيش ولا لحظه .
وش ذنبه هو يعاملونه كذاا ..
وبعدين ترا مهووب شرط إنوو يكون إبن زناا..
ممكن يكون ناتج عن زواج مشترط فيه عدم الإنجاب ..
ممكن رميه يكون عن طريق زوجة أب حاقده..
يالله .. للأسف تفكير المجتمع غبيييييييييييييييي .. وسقيم أحياناً .مع عدم إحترامي
يعني كثير منهم يبني أمل بنفسه إنوو يكبر ويجيب شهادة حلوه ويتزوج ..
لكن لما يجي للواقع الجميل تبع المجتمع السعودي أو الخليجي أو العربي المسلم
يلقى إنوو الكل يحاول إنوو يتجنبه ..وكأن فيه مرض معدي.. أجلعهم الماحي يارب
وآناا ما قطع قلبي إلا إن هالأشياء طالعه من مسلمين !!
ليه نخون ثقة أهلنا فيناا ونسوي علاقات محرمه ؟
ليه ما نصير قد الثقه؟ .. ليه أنت يا أمل الأمه رجال عند أهلك وخواتك
وخروف ورخمة عند البنات .. خلو عندكم عزيمه ..خلوا عندكم هدف
قولوا ..
عشان الله
أبترك شهواتي وأتزوج وأخلي بنات الناس بحالهم
عشان الله
بصير قد ثقة أهلي فيني وبمسح كل الشباب من ماسنجري من غير مشاوره لهم حتى..إذا تبيـ/ن الله يوفقك ويسعدك امسحـ/ـي الشباب أو البنات اللي عندك .. ماسنجركم تقدرون توسعون صدوركم فيه وتسولفون وكلش بدون ما تعصون الله .. لكن الشيطان يزين المعصيه
عشان الله
أبكفل لي لقيط أو يتيم وكل شهر ع الأقل 200 ريال .. قسسم بالله الله بيضاعفهاا لك وبينميهاا .غير كذا راح تدخل على قلبه فرح وراح يحس إنوو عضوو فعال وذو فائده بالمجتمع وبكذا راح ينتج لأمته ولوطنه .. وأجره عليك ..
“مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء والله واسع عليم” (البقرة: 261)
قال حبيبي صلى الله عليه وسلم :
"أحب الأعمال إلى الله عز وجل سرور تدخله على مسلم، أو تكشف عنه كربة، أو تقضي عنه دينا، أو تطرد عنه جوعا، ولئن أمشي مع أخي في حاجة أحب إلي من أن اعتكف في هذا المسجد شهر"
عشان الله
بين كل فتره وفتره أزورهم وأتبسم في وجيهم وأبعث لهم عبارات تنمي الأمل في قلوبهم..صدقني ما راح يكلفك أي خساره وغير كذا راح تكون مبسووط طول يومك..وعلى ذمتي
بالعيد مثلاً. نزور ملجأ نجيب لهم كم هديه نفرحهم بهاا.. من أحب الأعمال إلى الله إدخال السرور على قلب مسلم .. فما بالك بـ مسلم وصغير ويتيم .. أنت بهديتك هذي تواسيه وتعطي بنفسه أمل إنوو الدنيا باقي بخيرر ..
لا تحزن .. أنا وأنت وكل مسلم معك .. يكفي إن الله معك ..
سينصرك على عبيد ألسنتهم ..
سينصرك على من يدعي الطهر وهو أشد خلق الله قذاره..
فقط .. ثق بالله وإبتسم
أسئلة جاوبوا عليهاا بشرط . تحطون أنفسكم مكان أي لقيط//
*لييشش ننبذ اللقطااء مع إنهم إنسس لهم إحسساسهم لهمم عقولهم لهم إبداعاتهم؟.
*ليه ما نترك الغباء التقليدي هذا؟ .. ونوظف اللقطاء ونعاملهم زي ما نعامل أي إنسان ثاني أهله احتضنووه وربوه..
*ليه ما نطورهم ونحتضن مواهبهم وشهاداتهم ؟..
ترا إذا ما احتضنناهم إحناا راح يحتظونهم مروجين المخدرات وما إلى ذلك..
<
>
من المسسؤول ؟؟
مخرج..|~
كل يصيبه في حياته خصومه
ويروح لـ أمه يشتكي ضيم ماجاه
وإن جاتني ضيقه وغمَه لزومه
أروح لدموعي وأشكي من الآااااه
أعيش ليلي بين يقظه ونومه
وفعل الخطا ياابوي هذي سوياااه
يمه عيون الناس والله ظلومه
وأنتم سبب للي حصلي من أدناااه
حقوق الطبع والنشر محفوظه
>> أمززح تكككفووون حآولوا تنشروه قد ما تقدروا ولكم الأجر
حرر
الأحد
1430/5/22
الساعه الرابعه فجراً وتسعة عشر دقيقه وخمستون وعشرون ثانيه<~~مصختهاا ما تلاحظون
تحيتي//
روحه بلآ رده
سبحانك الله وبحمدك.أشهد أن لا إله إلا أنت.أستغفرك وأتوب إليك
فعلا وش ذنبهم الضعوف اللى لاحول لهم ولاقوة
الله معهم الله يتولاهم برحمته
يارب استر علينا وعلى بناتنا وعيالنا واكفيهم شر الحرام
اللهم فى هذى الليله المباركه
اقسم لهم من خشيتك مايحول به بينهم وبين معصيتك