السلام عليكم ورحمه الله وبركاته
أسعد الله صبآاآحكم/مسآاآكم بكل خير
{..
طبعا هذي أول مشاركة مني في هذا المنتدى اتمنى تعجبكم ..
.0.0.كرات الدجاج (كفته الدجاج).0.0.
كرات الدجاج مرررة لذيذه وراح تعجبكم كثير ...وتعجب الأطفال اللي ما يأكلون الدجاج بطريقة عادية
وسهله مايبيلها وقت بس رتبي شغلك بحيث يسهل عليك الشغل..}
*الكميه تكفي لـ 6-8 أشخاص
المقادير:-
مقادير الكفته:-
دجاج فيليه تقريبا 4 قطع (صحن واحد)
بصل واحد متوسط
فلفل أخضر بارد
بطاطس حبه متوسطه
شريحتين أو ثلاث شرائح من الخبر التوست المزال منه الحواف
مقادير الصوص:-
2 كأس عصير طماطم .
ملعقتين كبيرتين معجون طماطم.
بصل مفروم + ثوم مفروم.
علبه زبادي.
الطريقة:-
نقطع الدجاج إلى مكعبات كبيرة ليسهل فرمها.
ونقطع البطاطس والبصل والفلفل البارد إلى قطع كبير كذلك.
في محضرة الطعام (إذا كان عندك فرامه لحم راح تعطيك نتيجة أفضل) نضع قطع من الدجاج والبطاطس والفلفل البارد والبصل والتوست ونفرمهم فرم ناعم(ممكن نقسمهم إلى دفعتين أفضل)
الآن نضيف تشكيلة البهارات والملح إلى الخليط البهارات(فلفل أبيض-كزبرة-كمون-زنجبيل-بابريكا-...)
نكور الكفته وحاولي تكون أحجامها متقاربه ودخليها الثلاجة على بال ما تعملين الصوص
ملاحظة /ممكن إذا كان الخليط ما يتكور معك يعني لين مره اضيفي 3 الى أربع ملاعق من البقسماط
الآن نشوح البصل والثوم ع النار ونضع عليه عصير الطماطم ومعجون الطماطم ونخليه يطبخ 10 دقائق بعدين نضيف الزبادي ونحركه زين علشان تروح الكتل إذا كان فيه
الحين جيبي قلايه تيفال وحطي فيها شوي زيت وشوحي كرات الدجاج ع خفيف مش تحمير بس علشان تتماسك
وحطيها على ورق نشاف
الحين سقطي كرات الدجاج في الصوص وخليها ع النار 40 دقيقة حتى تستوي ولا تحركين كثير علشان ما تتفكك الكرات
ممكن تقدمينها من الرز الأبيض أو الأصفر والخضار المسلوقة وهذا الشكل النهائي و بالعافيه يارب على قلوبكم
أبيكم تجربونها وتقولون لي رأيكم
ولاتنسوني من دعواتكم لي ولوالدي....ربي يسعدكم
همسه..}
تذكري نعم الله عليك واشكريه على ذلك
(وإن تعدوا نعمة الله لاتحصوها) صحة في بدن امن في وطن غذاء وكساء وهواء وماء
..}
