ماشاءالله تبارك الله
مبرووووك دلوعه وعقبال ماابشركم بولادتي ياارب
ياالله رورو وام قيس وسعوا الطريق
ربي ييسرها على الجميع

فتون .. الحمدلله على سلامتج وعقبال الولادة بالسلامة يارب .. :)

عطر .. مثل ما قالت وايت فلوور .. بدون خياط احسن حبيبتي ومن تجربتي ... الخياط يخلي الوحدة طريحة السرير لشهر وألم عالفاضي .. بدون خياط تقدرين تقومين على حيلج تسوين كل شي من رابع يوم او اقل !!

اسدا .. حياج بيننا اخت عزيزة وغالية ولا تكدرين نفسج خليج دايماً على تواصل معانا وان شالله تروح عنج الوحدة .. :)
والله يسهل عليج ويارب تكون ولادتج طبيعية ان شالله !

بالنسبة للمنحة تشمل كل الحوامل .. الا اللي الحكومة تقدر تطلعهم من البلد " هجرة" .. او اللي مو ساكن ببريطانيا رسمي ..
وطريقتها .. المد وايف المفروض تقول لكم عنها وتعطيكم الابلكيشن وتوقع فيه .. وانتو تعبون البيانات وترسلونها بالبوست بنفس المظروف اللي حاطينه .. وعلى كلامهم توصل لكم المنحة في حسابكم بحدود 31 يوم تقريباً ..

شنطة بوتس لها ورقة معينة ترسلينها لبوتس او تودينها لهم ويعطونج الشنطة المجانية ... الورقة موجودة في مجلة .. والمجلة هذي المفروض تعطيج اياها المد وايف من ضمن الملف اللي يوزعونه بالزيارة الاولى وفيه نصايح ومعلومات حلوة للحمل وعروض الخ ..

الاندية الله يسلمج هي اندية بالنت تشتركون فيها بما انكم حوامل او ماماز .. حتى الماماز عادي يشاركون ويرسلون لهم ترى ..
وبين فترة وفترة يرسلون لكم عروض وخصومات عن طريق البوست او الايميل .. وللحامل كل اسبوع يرسلون لها ايميل فيه معلومات عن اسبوع حملها ومعلومات حلوة ..

والنوادي كالتالي : ..

النادي الاول : .. اشهر واقوى نادي .. باونتي

http://www.bounty.com/

باونتي عندهم عروض قوية والهدايا حلوة تبعهم ...
هداياهم على هالشكل :
اولاً : ملف تاخذينه من المد وايف في بداية الحمل .
ثانياً : كيس هدايا من الشهر الثالث من الحمل فصاعد .. تستقبلينه من بوتس او آسدا او سينزبيريز .. فيه اشيا حلوة عروض وسامبلز لشركات معينة ..
ثالثاً : كيس هدايا تعطونج اياه في غرفة الولادة او بعد الولادة في المستشفى ...
رابعاً : كيس هدايا اغراض نيو بورن .. كمان في المستشفى ..
خامساً : .. كيس هدايا من عمر البيبي 6 شهور فصاعد ... تاخذينه من بوتس او اسدا او سنزبيريز ..




الاشتراك سهل ومجاني في كل النوادي .. حطي بياناتج حاله كحال تسجيل المنتدى ... مع زيادة معلومات عنج عنوان البيت و العمر و الحمل وعمر البيبي اذا عندج وكم ابناء عندج وهكذا ...

الموقع حلو فيه وايد معلومات .. حتى اللي مو في بريطانيا يقدرون يستفيدون من المعلومات .. :)

النادي الثاني .. ايماز دايري :

http://www.emmasdiary.co.uk/

نفس باونتي تقريباً عنده اكياس هدايا وعروض حلوة ..

اولاً : كيس هدايا من بداية الحمل تقريباً ..
ثانياً : كيس هدايا من الشهر السابع تقريباً ..
ثالثاً : كيس هدايا بعد الولادة ..




كمان يرسلون معلومات بالايميل .. اسابيع الحمل وغيرها .. عندهم كوبونات توصل ل40 باوند تقريباً عند ارغوس .. وغير الخصومات الثانية لشركات ثانية ..

تعبت ! ... يتبع بنات بريطانيا ... والسمووحة كروشات بقية الدول عالاطالة بدون فايدة لكم ! ... بس ادخلوا المواقع فيها معلومات حلوة والله ... :) ..

يوووه ما قريت الردود اللي قبلي ....

ام قيس يالله ماباقي شي .. الله يهون عليج ان شالله ولا تنسين خلي زوجج يدخل .. :) ..

دلوعة .. مبروووووووك حبيبتي يتربى في عزكم جعله الله من الصالحين .... والحمدلله على سلامتكم .. :) ..

رورو .. هههههههه حبيبتي الدور عليج ، بس لا تخافين ام قيس لسه صامدة معاج خخخ .... يلا شدي الهمة واولدي بالسلامة حبوبة .. :) ..

الاخت سايلنت ، شكررررررررررررررررا على هذه المعلومات المفيدة وعلى ترحيبكي ودمتي اختا عزيزة وغالية وفرج الله عنكي كل هم ، اختي المدوايف التي اراجعها لم تعطيني اي مجلة او استمارة فقط الفايل حق التسجيل انا ساكنة في ليدز احتمال تختلف الاجراءات من مكان لاخر ومرة ثانية مشكورة وحبيت اسالك في اي شهر ولادتكي انا في الشهر الخامس ان شاء الله
باي

هاااااااااااي

حبوبات اليوم مشيت ومشيت ومشيت
بس عادي مافيه شي خخخخخ

وانتم صادقين ام قيس متربعه الحين ماعندها نية انا ودي اتقدم عليها بس عيب مسكينة اخاف يجيها صدمه الصغار سووها قبلها :22:

ايهاليوم قابلت وحده من صديقاتي ولدت هنا المهم تقول يعطونها ملابس مستشفى اللي مفتوح من ورى

بس انا يمكن اخذ شي من عندي مدري تخيلت نفسي اولد بملابسي احسن :22:

قلت باخذ شي فيه ازارير


برب انا توني جايه من برا برتي اموري وارجع