كيفكم ياحوامل اليوم ، ميروك على الي ولدوا المواليد والحمدلله على سلامتكم
اختي سايلنت سجلت في نادي باونتي وايماز وامس ارسلو لي نادي ايماز معلومات على الايميل حول اسبوع الحمل ولكن بدياسالك من اين استلم الهدايا
يابنات امس كنت في المشفى وعملوا لي سونار ال20 اسبوع ولو اني متجاوزة ال20 اسبوع وحددوا لي موعد الولادة لكن مو مثل حسابات سبقوا الموعد 10 ايام كيف هل حصل لاحد مثلي هم قالو لي سونار 12 اسبوع ادق ولكن انا كنت مسافرة وماعملتو
باي في انتظار الرد رجاءا

السلام عليكي اختي طهر
هل انتي في بريطانيا ، اذا كنت في بريطانيا هل هذا سونار ال20 اسبوع ، اريد ان انبهكي بانهم هنا لايقولون جنس البيبي الا اذا طلبتي منهم وفي اخر الفحص يقولون لك فالحي عليهم لاتنسي ترى مايقول واذا كانت معك كترجمة قولي لها انت تقول لهم اثناء الفحص

اشكر كل الي ردو علي وانا بعد اشوف ارجع لاهلي وريح نفسي وبنتي تنبسط عند اهلي وامي تهتم فيني احسن ورجلي يريح مع بدايه الماستر ويركز واذا جاء اكون ريحت بعد النفاس شهر واكون احسن الله يكتب مافيه الخير يارب ادعولي مره شايله هم

حبة بندق .. شفيها هذي النسرة خليها تولي ولا تاخذين ابرة !! جد انها تقهر .. مافي غيرها يولدونج ؟؟ حري قلبها ولا تسمعين كلامها ههههههههههه ..

مارسينيا .. الكرشة خليها على الله ثم الرضاعة الطبيعية ثم التمارين :) ... انا كان عندي بنطلون ماكان يدخل فيني بعد الولادة مباشرة .. بس بعدها بشهرين ثلاث الحمدلله صار يدخل فيني ... واكيد مع الاستمرار بتلاقي انج تلبسين مقاس اصغر ان شالله .. :)

المشد من ناحيتي ما انصح فيه يسبب آلام ظهر .. بس يمكن غيري عادي كان معاهم .. مادري ..
اما البشرة فعلاً اختربت .. يعني المفروض نمشي على نظام غذائي معين و ماي ورد كل صبحية وخيار للعين وترطيب دائم للبشرة ومن هالسوالف .. بس وين اللي تلتزم ؟ @_@ ..

بيارق ... والله مادري اغلب الاشيا اللي ناكلها ونستخدمها قالوا فيها كيماويات ومصايب .. يعني شنو نسوي مثلاً ؟ .. نعيش على خبز وتمر ونسبح في صابون غار ؟ < وحدة يائسة ..

خليها على الله حبوبة .. امي كانت تسبحني وانا بيبي بجونسون والحمدلله مافيني الا العافية هههههههههههه .. ومازالت تتوارثه الاجيال!

وألبسي فستان طويل و كمومه طوال وتحته سروال طويل .. مع لفة خفيفة للراس وشبشب .. انا كنت غرفة مشتركة بس الحمدلله من يخلص موعد الزوار اروح الحمام على راحتي وما اشوف احد لان كل وحدة تسحب الستارة وتغطي نفسها ..

طهر .. بانتظار الاخبار السعيدة في كل الحالات .. :) ..

اسدا ..عادي انا سوولي سونار مادري اي اسبوع وانا بالاسبوع 24 ! ... لاني تأخرت بالتسجيل وكنت مسافرة .. فعادي ما يضر اصلاً .. السونار سونار بعد ما يختلف شنو يسوون فيه .. اما عن جنس البيبي مجرد سؤال تقول تبين تعرفين ؟ وانا قلت لها انا اصلاً اعرف هههه ..

حبيبتي داخل موقع ايماز دايري اول ما تسوي login .. ويقول لج ولكم باك ... وتحته مقالة صغيرة بعدين تحته هالجملة :
Click here to see offers and savings through Emma's Diary Points

اضغطي عليها ويوديج صفحة ثانية .. فيها صور اكياس الهدايا الثلاث .. وردي بنفسجي اخضر ... اضغطي على الوردي اول واحد بعدين اختاري claim the reward بما معناه ..

واطبعي الورقة ووديها عند اقرب فرع ارغوس لج او صيدلية لويدس على ما اعتقد .. وراح تستلمين الكيس من هناك ..

باونتي راح يرسلون لج الورقة بالايميل وتطبعينها وتودينها عند اسدا او سينزبيريز او بووتس صوب الكستمر سيرفس وتستلمين الكيس ..
اذا ما ارسلوا نفس الطريقة روحي الموقع وطبعيها من هناك ..

موفقة ان شالله :) ..

رورو .. لا حس ولا خبر ... شكلها ولدت بالسلامة ان شالله ... وام قيس كمان .. :) .. يلا ننتظركم ..

مرحبا ياقلبي عليكم ماتفقدون غالي
من أمس وانا فيني برد زكام وكحه
رحت للدكتور عطاني مضاد لكن للحين ماخذته قلت بداوي بالليمون والعسل
كل كحة فيها نغزة من تحت