حاولت انام ما عرفت .........................رجعت دخلت

انا يا اخوات من قبل لا اتزوج شفت امي عانت من اهل ابوي ام زوجها وخوات زوجها ولا كانت عندها اهلها مع اتها ما عانت من تاخر الحمل
فخلاص صارت عندي صوره راسخه بدهني ان اهل الزوج هم اعداء وادا كرهوا اكيد ما راح يحبون الا في حالات نادره من ضمنها البعد عنهم
المهم تزوجت وبعدت عن اهلي وخلاص حاطه ببالي ان اهل الزوج اعداء لي ............والله الحمد على كل حال تاخر حملي وهدا داخله بثالث سنه
أول سنه كانو طيبين وشقت ام زوجي طيبه معاي وتحبني وخوات زوجي مساكين قلت اصابع اليد مو سوا بس برضه لا زم ااخد حدري واتحسس من اي كلمه ولا احب انهم يتدخلون بشؤني الخاصه
وعدت ثاني سنه وضار ظرف ( )خلى ام زوجي واخت زوجي البنت اللي ما بعد تزوجت يجون بيتي وانا كنت عند اهلي وطول هالفتره وهم ببيتي وخلوه استراحه خوات زوجي المتزوجات واخوانه وعيالهم يجون طبعا المكان اللي فيه الام يصير ملتقى الاحبه طبعا
الحاصل رجعت من زيارتي لاهلي ولا راحو انا قلت بيرجعون تخيلو بيتي ثلاث غرف صغار وجلسو بالغرفه اللي قبال غرفتي وبيني وبينهم حمام مشترك
يعني لا اخدت راحتي ولا بغرفتي ولا جتى بدخول الحمام الله يكرمكم وقالو فتره وبينقلون والحين داخلين على الشهر الثالث مليت وتعبت
والمشكله ام زوجي صارت تنقدني باشياء وتتصرف تصرفات الحماه وتجيب لزوجي الاخبار فلانه زوجها ضربها فلانه صابره على زوجها مبهدلهاا وفلان راح خلى امه وتبع مرته وسافر نعاهاا ومن دا الكلام وصرت اتضايق منها واحط حرتي بزوجي اللي انا وياه اغلب وقتنا متزاعلين
ومع مشكلة تاخر حملي كمان صرت حتى نوم ما انام تعبانه نفسيا ولا عاد رحنا للمستشفى لاني ما ابغى ام زوجي تسالني وتنتشر اخباري \
تخيلو مرت اخو زوجي حملت ويوم صارت بالخامس دريت لاو هيه دارسه ثانوي وانا جامعيه
وجت خالتي ام زوجي تقولي تقولك فاطمه(مرت اخو زوجي )ادخلي منتدى اسمه عالم حواء فيه الحريم اللي ما حملوا انقلب وجهي وقلت شكرا وقمت لغرفتي
مع اني انااقولهم اني مسجله بمنتديات وطول وقتي على الكمبيوتر
الجاصل وزبدة الكلام(انا افكيت بالكلام ونسيت نفسي)
ان الدنيا هادي والناس يبغالهم شخصيه قويه ما ينفع يا اخوات تتعاملين بحسن نيه وطيبه ............بتجيك ضربات من هنا وهنا
تعلمي اولا السكوت لانه ما راح يجبلك شر ولا راح تندمين عليه وخليه شعارك بالدات مع اهل زوجك مهما كانو طيبين
ثانيا لا تفتحين قلبك غير لامك او اختك او صاحبه حيل حيل قريبه........هادولا بيحبونك ولا راح يفرحون فيك..........حتى بنات خالتك او خالتك مو كل شئ ينقال بعد الوحده ما تتزوج تصير تفاصيل حياتهااا خاصه خاصه مو زي يوم كانت بنت مع بنات خالاتها
وفيه نصيحه انا احاول اطبقها بس ماني قادره اللي هي
لا تدخلين زوجك بالامور التافهه امك قالت اختك سوت اليوم صار ازعلي واقلبي وجهك ولو سالك قولي ما في شئ وخليه يحس انك زعلانه بس ما تبين تقولين له عشان لا يزعل كدا تكسبين زوجك بصفك
مو زيي انا الحين كل ما تكلمت سكت مني وقلب ونام زعلان ويصير
يراقب تصرفاتي معاهم
الحاصل كل كلام الاخت عصافير على عيني وراسي وعاملو ام الزوج كام ولكن بدكاء وحدر

ادري بتقولون عي نظرتي سوداء للحياه بس انا اشوف حياتي كلها انقلبت وتعاملي لزوجي وتعامله معاي تغير





وراسي كله افكار وافكار .........................وما اقول غيراللهم اهديني يارب
وارزقني الدريه الصالحه عاجلا عاجلا ............لانه بدا التاخير يخرب حياتي

الله يعين على هالدنيا

كملي يا غالية وحنا متابعين للآخر

الله يسعدك ياقلبي والله انك خففتي عليا كتير من ضغوطات

وبانتظار بشوق كيفيه التعامل مع الزوج؟؟؟؟

موضوع حلو اوي انا اهل جوزي عمرهم مسالوني بسالو جوزي وانا بزعل اوي وبحس بالنقص وانا قاعده وسطهم وكل واحده معاها عيالها ولو الدوره جت اقعد ابكي واقول لما يعرفو هيقولوا ايه وكمان انا نفسي ابقي زيكم اثق في نفسي واتحكم في اعصابي لاني مبعرفش اغلط اللي قودتمي بل العكس بغلط نفسي

الله يجزاااااااااااااك خيررررررررررررررررررررر ... ...الحمدلله من الناحيه هذه أهل زووووووجي مايضايقوني . . وعمتي الله يخليهااااااااااااااااااااااااااااا لي ماعمرها جررررحتني من الناحيه هذه .. ومشكوووره على الدعااااء .. اللهم لاتجعل في قلوبنا غلا للذين آمنو .. والله حسيت براحه لما قلته ..