ست بيت سنعة :

يابنات اعطونا افكار زيادة لان فيه وحدة اعرفها نفس حالة اختنا روعة الكون تبي تبدا من الصفر وماعندها راس مال ابد يعني تبي تتسلف ألف أو ألفين بالكثير وش المشاريع اللي ممكن تصير بهذا المبلغ ؟ ياليت نفتح ملف بعنون مشاريع ذوي الدخل المحدود او مشاريع ذوي راس المال الصغير اي عنوان المهم الفكرة .. ننتظر البقية وانا انتظر معكم ابرمي كم فكرة بسيطة : 1- تشترين اغراض من الجملة وتبيعينها مفرق مثل الامشاط انا لقيت امشاط اصلية سودة كبيرة قال البايع ان الدرزن ب 12 ريال بيعي المشط بثلاثة ريال ومشطين بخمسة لان المشط يباع برا بأربعة ريال او خذي شباصات من الجملة وبيعيها مفرق ترى بالجملة بتطلع عليك الدرزن 15 رريال انت بيعيها الحبة بريالين وفيه اكسسوارات كرستال وبلاستيك يجي درزنها بحوالي 120 ريال وهي اصلا تنباع بالمحلات العادية ب 15 ريال الطقم الواحد وفيه عند الالعاب لو تروحين محلات ألعاب بالجملة تلقين اللعبة اللي بالمحل تنباع ب 30 ريال هي بالاساس ب 20 ريال بالجملة يعني خذي لك تشكيلة حلوة من كل شي ولا تفرطين بكل المبلغ خذي اغراض بحوالي 300 ريال وجربي حظك لكن بشرط اذا لك معارف وناس والا ماراح ينجح المشروع هذا او اذا كنت جريئة بالبيع روحي لحديقة او مركز او اي مكان يتجمعون فيه الحريم وفيه شي ثاني : اذا عندك هواية الطبخ اشتري ألة فشار صغيرة وحلاو قطن وايس كريم واصنعي واملي الاكياس وبيعيها بالحديقة موب لازم انت تلفين فيها اذا تستحين لكن العمل مافيه عيب دامه حلال او ممكن تعطين حرمة من اللي باسطات واعطيها نسبة فيه افكار كثيرة لكن المشكلة المواصلات تقيدنا وانا اول وحدة :(

يابنات اعطونا افكار زيادة لان فيه وحدة اعرفها نفس حالة اختنا روعة الكون تبي تبدا من الصفر...