10 ايام متزاعلين انا و زوجي بسبب الدكتووور استغفر الله واتوب اليه .. رايكم بالله

يابنات مو عارفه وش اقول صراحه من كثر ماحاولت احلل السالفه واشوف منو الغلطان

قبل اسبوع رحت المستوصف تعبانه من معدتي
دخلني زوجي ع دكتور باطنيه
المهم قال الدكتور ارتاحي ع السرير
انا ع بالي النيرس بس بتاخذ الضغط والحراره
المهم قالت لي نامي ع السرير ونمت
شوي جاء الدكتور عندي قال اشري لي ع مكان الالم
واشرت جا هو ضغط ع بطني بيده (من فوق عباتي )
وهنا كاانت الكارثه زوجي فزززز من كرسيه ماتوقع وقال لا تلمسها قال الدكتور ليه جايبها اجل قال ابي تحاليل واشعه زوجي الشرررر يتطاير من عيووونه
(زوجي مايحب يدخلني عند دكاتره وانا بعد لاني استحي بس انحديت)
انا سكت وقمت جلست ع الكرسي
قال الدكتور وش تبيني اسوي
قلت خلاص بحلل واسوي اشعه
قال لزوجي الاشعه بيسويها رجال وش نسوي ..
عصب زوجي قال الغي كل شي وطلعنا ومانطقت بكلمه
يوم ركبنا السياره قال ليه ما بعدتي يد الدكتور لما لمس بطنك وهو معصب قلت لانه يكشف وهذي شغلته كيف ابعده قال ميف يعني شغلته اخليه يلمسك مابقى الا هي ..
قلت طيب ليه دخلتني عند دكتور وليه لما شفته بيجي عندي ماقلت له مابي كشف سريري قال ماتوقعت بيلمسك
قلت مو ذنبي انا بعد توقعتك عادي وانا استحي اقول لاتلمسني لان هذي شغلته
مثلك انت من مضمد لك رجلك مو ممرضه .. عاادي ماقلتلك شي لان هذي شغلتها ..
(قبل اسبوع زوجي جاء من الدوام مضمده رجله )
عصصصب قال انتي وش عرفك انه ممرضه ع كيفك وش هالرد الوقح
انا مو ديووث اخلي الدكتور يلمسك ولا بعد الاشعه رجال
قلت الضروره تبيح المحرمات بعدين انت ليه تهاوشني انا
كأني انا قايله للدكتور المسني
قال وش هالغباء انا اكلم غبييه
ماقصدت كذا بس انتي اقولك مايصير يلمسك تتفلسفين وتقولين الضروره تبيح المحرمات خلاص اجل
وش رايك اروح انا لدكتوره تناسليه (يتعالج عند دكتور)
قلت مافي مقارنه وش جاب البطن لل... انا ماطلعت عورتي
ودامك قلت كذا تبي تروح لدكتوره روح
وانا دمي يفوور
المهم رجع ع سالفة الممرضه قال انا ابي اعرف ليه قلتي الممرضه هي مضمده رجلي وانتي ماكنتي معي ..
قلت انا افترضت لان كل المستشفيات ممرضات
قال تستنتجي ع كيفك
ووالله ماعاد تدخلين عند دكتور وانتي ع ذمتي ولا عاد تجيبين لي سيره دكتور اسنان (دايم اقوله ابي دكتور اسنان لان الرجال احسن من الحريم)
ويابنات عاد كلمة غبيه اكثر من مره واسلوبه كان زفت حملني مسؤوليه اللي صار وطالت السالفه وشد الموضوع وقلل احترامي قهررررني

هو زعلان وانا بعد و بنكمل 10 ايام وانا اشوف ماله حق يزعل
ويعاملني بزعل خيررر بديت اشك بنفسي

من غلطان بالله انا او هو .. وعطوني رايكم الله يعافيكم