أم الفيصل 🌷 :

طبعا كذا أكون خلصت ماعندي من صور,, وفيه كثيييييير صور مانزلتها لأنها شخصيه .. حبيت اختم بشويه ملاحظات ميزات سيريلنكا: طبيعة وشلالات وضباب ومطر أهلها محترمين ومبتسمين وقليل فيها من يشحذ متوسطه الأسعار زادت عن الأعوام السابقه أول رخيييييييصه تجديد وإسترخاء الخليجين كثيييييير ولبس العباءة والنقاب مره عادي عندهم وغير مستغرب فيها ملابس ماركات عالمية و باسعار جداً جداً رخيصة خصوصا بنوراليا عيوبها: -غير نظيفه نوعا ما طبعا ما أعمم ومو معناته إنها وسخه . لا أبدا -لا يوجد فيها مطاعم موثووق فيها غير كنتاكي وبيتزا هت في كاندي وكولومبو ومطعم هندي بجنب فندق التي فاكتوري بنوراليا -لا يوجد فيها أسواق مرتبه أكثر شي عندهم الأسواق الشعبية وتوجد المولات بالعاصمه ولاتقارن بالمولات عندنا -تكثر عندهم الكلاب والغربان لكنها غير مؤذيه -السفر من مكان الى مكان شاق و متعب بسبب ضيق الطرقات و الزحمه رغم قرب المسافات لكن ياخذ وقت طويل ويسبب دوار ودوخه نصائح عامه لكل من تريد الذهاب: -أول شي حاولي تقرين كثير من التقارير لاانها راح تفيدك وتحدد ميولك ورغباتك لاختيار المدن والأماكن اللي تبين تزورينها -ثاني شي اتفقي مع مكتب سياحي هناك وبلغيهم بكل شي من حيث موعد السفر والمغادره وعدد الأفراد ونوع الغرفه وعددها, والمدن اللي تبغينها والفنادق واطلبي سواق عربي مع سياره جديده ومكيفه ويكون البنزين واكل السواق عليه ويكون معكم 24ساعه -انصح وبقووووووه تاخذين معك خفايف وعزبة الطبخ لان خيارات الطبخ هناك كثيره والأجواء هناك تساعد للطبخ والفله, - لاتنسين الإسعافات الاولية وبإذن الله ماراح تحتاجين لها لكن الغحتياط واجب من خافض للحرارة ومسكنات وكريم للعظام انا أخذت لاني معي طفلين خافض للحرارة ومضاد وهستوب للزكام وللسعال وبنادول وحبوب دوار وغثيان مهمه جدا وفكس وفازلين وموف للعظام وزنتاك وبروفين :09: وللأمانه ماستخدمت ولله الحمد إلا المسكن والخافض وحبوب الدوار ةغيرها رجعت بكراتينها - برضوا لاتنسين تاخذين معك مطهر لليدين من ديتول ومناديل معقمه خليها بشنطتك اليدويه مهمه مره . - انا أخذت معي عبايتين ونقابين والحمد لله اللي أخذتها لانها تتوسخ كثيير - لاتنسون جزمات السبورت لكثر المشي , -اصرفوا الدولارات من السعوديه وحولوها للروبية من محلات الذهب هناك وانتبهوا من الصرف بالمطار لانه ياخذ كثيير -لا تجلسون في كولومبو أكثر من يومين ماتستاهل نفسها نفس مدنا بالسعوديه خساره تضيعون ايام هناك نوراليا وكاندي تستاهل اكثر -لا تجلسون في سيريلانكا أكثر من 10ايام وهذا الشي راجع لميولكم. التصوير كان بكاميرا كانون باورشوت وجوال جالكسي اس ون وكذا أكون انتهيت ولله الحمد كان بودي كان التقرير أفضل من كذا بس لأني مشغوله ومرتبطه بدوامي أتمنى قدمت لكم مايفيد من معلومات واي سؤال او استفسار أنا حاضرة والسلام عليكم ورحمة الله وبركاته

طبعا كذا أكون خلصت ماعندي من صور,, وفيه كثيييييير صور مانزلتها لأنها شخصيه .. حبيت اختم بشويه...