استاذتي الغالية اين درس اليوم وحدة مستعجلللللللللللللللللله
وهل هذه الدورة للمبتدئات عشان انا مييييييييح

بعد ماخلصنا الحروف و قواعد النطق
ندخل في اساسيات اللغة

عندنا كذا درس في الاساسيات :
- ادوات النكرة و المعرفة
- اسماء الاشارة
- الضمائر
- الأفعال المساعدة
- الكلمات الدالة على الكمية
- ضمائر الوصل >> بس هذي بناخذها شوي متأخر بعد درس تكوين الجملة

,,,,

هذا الي فوق يعتبر فهرس للدروس الجاية : )
راح نمشي بنفس الترتيب الي كتبته ..
و نشوف بعدين اذا عندنا بعد وقت ناخذ دروس زيادة ..

,,,,

نبدأ درس اليوم


ادوات النكرة و المعرفة

Articles

آرتيكلز

س : انا ترجمت الكلمة الي فوق و طلع معناها مقالات .. كيف ؟

ج : الانجليزية مو زي العربية .. الانجليزية فقيرة في الكلمات >_<
فـ نشوف الكلمة نفسها ليها كذا معنى .. لأن ماعندهم كلمات كفاية ..
و هذا الشي طبعا اريح لينا ^_^
جربي تترجمي الكلمة الي فوق بدون الحرف الأخير .. بيطلع كذا معنى
من ضمنهم ( اداة تعريف )
الحرف الأخير يضاف للجمع .. نبغى نسويها ( ادوات التعريف ) فنضيف حرف ( اس )
و تقريبا هذي قاعدة الجمع العامة .. اضافة حرف ( اس ) في نهاية الكلمة ..
بس في كلمات مانقدر نطبق هالقاعدة عليهم .. ليهم قاعدات خاصة فيهم ..
ناخذها اذا صار عندنا وقت في درس مخصص لقواعد جمع الأسماء

,,,,

درسنا اليوم صغير و حلو .. و بسرعة بنخلص
>> مع هدرتي مااظن !

,,,,

ادوات النكرة .. اثنين
a & an

نستعملهم قبل الشي المبهم .. المجهول .. غير محدد
او للاشارة لوظيفة شخص

نستعمل ( an ) قبل حروف العلة الخمسة ( a – e – i – o – u )

و نستعمل (a) قبل بقية الحروف

مثال :
Sarah sits on a chair
Sarah = سارة
Sits = تجلس
On = على
a chair = كرسي
لما نحط
a
قبل كلمة
Chair
نترجمها بالعربي ( كرسي )
كرسي و بس .. كرسي مبهم .. كرسي مانعرفه
سارة تجلس على كرسي .
>> يارب تكون واضحة النقطة ( فيس يدعي )

:::: استزادة ::::

لو كتبنا ..
Sarah sits on the chair
نترجمها .. سارة تجلس على الكرسي
The = ال التعريف
صرنا نعرف الكرسي .. صار معروف و فيه ال التعريف
مو كرسي نكرة زي المثال الي قبل ..

,,,,,,,,,

مثال ثاني .. عشان نستعمل الاداة الثانية
Reem ate an apple
Reem = ريم
Ate = اكلت
An apple = تفاحة
نفس الشي بالضبط .. تفاحة نكرة .. مبهمة .. غير محددة ..

س : ليش غيرنا الاداة ؟

ج : لأن كلمة تفاحة تبدأ بحرف علة ! لازم نستخدم الاداة الثانية ..
و لازم نحفظ حروف العلة الخمسة .. عشان نعرف الاداة الي نستخدمها
,,,,,

الاستعمال الثاني و الأهم لادوات النكرة .. قبل الوظائف

مثال :
Norah is a teacher
Norah = نورة
Is = تكون ( فعل مساعد )
A teacher = معلمة
نفس الشي ينطبق على الوظائف , نشوف اول حرف عشان نقرر اي اداة نستخدم

,,,,,,,,,

:::: ملحوظة مهمة ::::

مانستعمل ادوات نكرة قبل الاشياء الجمع , او الاشياء الي ماتُجمع !!

س : وش هالاشياء الي ماتجمع !!؟

ج : في الانجليزية في كلمات مانقدر نجمعها , غالبا تكون جمع من اصلها ..
امثلة ..
Food = طعام
Money = نقود

س : قلتي مايصير نستعمل ادوات نكرة قبل الاشياء الي ماتجمع , يعني يصير استعمل اداة تعريف ؟

ج : اي يصير , عادي نقول ...
The food = الطعام

,,,,,,,

اداة المعرفة .. هي وحدة .. الي هي

The

الي هي بالعربية ( ال التعريف )

وضحت استخدامها في استزادة تحت المثال الأول ..
اي شي نبغى نحط قبله ال التعريف .. نحط هالاداة ..

مثال ..
The moon = القمر
The morning = الصباح

:::: ملحوظة هامة ::::

ابدا ابدا ابدا مانحط اداة تعريف قبل البلدان او المدن ( باستثناء المدن او البلدان المركبة من اكثر من كلمة )
يعني احنا نقول الدمام .. بس مانكتب بالانجليزي
The Dammam
نكتبها بدون اداة التعريف ..
الرياض , القاهرة , المنامة , الدوحة .......... إلخ
مانكتبهم مع اداة تعريف ×
,,,,

الحين بنبدأ نطبق الي ندرسه ^_^

س : ضعي اداة نكرة او تعريف او لاشيء في الفراغات ...
Sarah is from ….. Cairo
سارة من القاهرة
Ayman has ….. glass of milk
أيمن تناول كوبا من الحليب
….. earth rotates around …… sun
الارض تدور حول الشمس
Norah eats ….. orange
نورة تأكل برتقالة
,,,,,,,,

:::: طريقة الحل ::::

نسخ التمرين , و لصقة في اضافة رد في موضوع التمارين ( هنا )
بعدين امسحوا النقط , و حطوا الاداة الصح .. او لاتحطوا شي ..
اذا حطيتوا اداة خلوها بلون مختلف ^_^


اشوفكم يوم الثلاثاء ^_^
,,

بنات فيه درس اليوم
ومتى يبدى

تم حضور الدرس
وجاري الدراسه
وحل التمرين
ربي يجزاك عنا خير الجزاء

حضرت الدرس والله يعطيك العافيه ونشوفك على خير