خواطر السعودية
•
معاكم بس كيف بيكون طريقة الدورة افيدوني علشان افرغ نفسي في اوقات الدورة
ORKEED
•
ORKEED :
الأبجدية – the alphabet أكيد اغلبكم إذا مو كلكم عارفين الحروف الأبجدية الانجليزية .. و عددها 26 حرف و عارفين ان لكل حرف شكلين .. حروف كبيرة و حروف صغيرة Capital letters & small letters ,, Capital letters A B C D E F G H I J K L M N O P Q R S T U V W X Y Z Small letters a b c d e f g h i j k l m n o p q r s t u v w x y z س : ليش عندنا شكلين لكل حرف ؟ ج : زي ماعندنا في العربية 4 اشكال لكل حرف , اول الكلمة و وسط الكلمة و آخر الكلمة و شكل مفرد عندنا في الانجليزية شكلين , الكبير و الصغير .. >> شايفين ان الانجليزية اسهل من العربية ^_^ س : متى نستعمل الحروف الكبيرة و متىى نستعمل الحروف الصغيرة ؟ ج : في اغلب كتاباتنا راح نستعمل الحروف الصغيرة , و في اغلب قراءاتنا راح نقرأ الحروف الصغيرة .. بمعنى , ان الاعتماد 90 % على الحروف الصغيرة .. الحروف الكبيرة ليها استعمالات محدودة جدا .. و لازم نحفظهم !! 1 – اول حرف في بداية الجملة 2 – في بداية الاسماء ( اسماء اولاد – بنات – دول – مدن – اماكن معروفة و مشهورة - اسماء الأيام – الشهور ) 3- في بداية الاختصارات مثل .. Dr. – Mr. – Mrs. ,,,,,,, هذا رابط يوتيوب عشان تسمعوا الحروف ( بدون موسيقى ) >> سماعه مو اجباري .. بس أفضل : ) ,,,,,,,, انتهى الدرس الأول .. و ماله تطبيق : ) لو وحدة عندها سؤال او ملاحظة ممكن تكتبه في رابط المناقشة , و اجاوبها هناك أشوفكم يوم الثلاثاء : )الأبجدية – the alphabet أكيد اغلبكم إذا مو كلكم عارفين الحروف الأبجدية الانجليزية .. و عددها...
نظرا للحماس الزايد .. قررت ابدأ الدرس الثاني تبع يوم الثلاثاء .. اليوم لأنه شوي طويل بعد ..
,,,
الأصوات او قواعد النطق
Rules of pronunciation
الكلمة الطويلة فوق تقرأ ( بروناونزييشين )
معناها النطق , مأخوذة من الفعل ( نطق ) =
Pronounce
بس ما نستعمل هالفعل لما نتكلم , لما نبغى نقول ان فلان قال شي ..
نستعمل واحد اسهل منه الي هو ( قال ) =
Say
,,
>> هدارة صح ؟
زين .. بدخل في الدرس الحين ..
عندنا في الانجليزي حوالي 30 قاعدة للنطق و في مراجع يسووها 40 ..
اكيد ماراح اعطيكم اياها كلها .. راح ناخذ الاساسيات .. المهمين يعني ..
,,
A حرف
في 6 قاعدات لقراءة هالحرف !!
راح ناخذ منهم 3
( 1 )
اذا كان الحرف في وسط كلمة لا تنتهي بـ e
يقرأ كـ ألف المد في العربية ..
امثلة :
Mad
Bad
Sad
Dad
تقرأ بنفس الترتيب
ماد
باد
ساد
داد
و معانيهم بنفس الترتيب
مجنون
سيء
حزين
اب
,,,
( 2 )
اذا كان الحرف في وسط الكلمة و آخرها حرف الـ e
او كان بعده حرف i
يقرأ مثل الياء الخفيفة ..
امثلة :
Made
Fair
Page
Pair
تقرأ بالترتيب ..
مَيد
فَير
بَيج
بَير
المعاني بالترتيب ..
صُنع
عادل ( صفة العدالة )
صفحة
زوج ( زوج من شي يعني )
:::: توضيح ::::
Pair
كلمة بمعنى زوج من الاشياء , مو زوج و زوجة !!
يعني مثلا نقول ..
Pair of socks
Pair of shoes
بمعنى ..
زوج من الجوارب
زوج من الأحذية
بس كلمة زوج الي بمعنى ( الزوج ) فهي كلمة مختلفة كليا =
Husband
,,
( 3 )
يقرأ حرف الـ a
مثل حرف الـ o
او الواو الخفيفة .. اذا كان بعده حرف الـ L
مثال :
Fall
Wall
تقرأ ..
فَول
وول
المعاني ..
يسقط
جدار
,,,,,,,,,,
حرف الـ C
هي قاعدة وحدة الي ليه مسكين و دايما الناس تخطأ في قراءته : (
دايما ينطق مثل الـ كاف , إلا اذا جا بعده احد الحروف الثلاث الي بتكتبهم الحين .. ينطق ( سين )
I , e , y
امثلة :
Ice
Cinema
Bicycle
القراءة ..
آيس
سينما
بايسِكل
المعاني ..
ثلج
سينما
دراجة ( سيكل )
:::: ملحوظة ::::
الكلمة الأخيرة في الأمثلة .. فيها اثنين من حرف السي !
الأول نطقناه ( سين ) لأن بعده ( واي ) و الثاني نطقناه ( كاف ) لأن بعده حرف الـ ( إل )
,,,
تتمة قواعد النطق يوم الثلاثاء .. مقسمين افضل , صعب تجمعوهم كلهم في يوم واحد
المهم , ذاكروهم زين .. و ابدأوا اقرأوا ..
دربوا نفسكم ع القراءة , عشان تستخدموا القواعد الي تعلمتوها الحين ..
و اشوفكم يوم الثلاثاء نكمل قواعد النطق و تصيروا محترفين قراءة ^_^
,,,,,
الصفحة الأخيرة