1200ريال لخريجه جامعيه كراتب تخيلو

ساعدوني

1200ريال سعودي راتب خريجه جامعيه لغات
لاتستغربون يابنات ...صدقوني طالبه تخرجت من الثانويه بأمتياز
ودخلت الجامعه وتخصصت ادب فرنسي ..ليش فرنسي ..كنوع من التغيير ولآن كل التخصصات برضه ماهي لاقيه وظايف ..ومو بس كذا عندي انجليزي بس ضاع اغلبه من الاحباط النفسي والهم وعندي كمبيوتر وعندي خبره في الكتابه في الصحف بس مع كل هذا حاسه اني ماني لاقيتلي وظيفه زي الناس وع كل ذلك عندي امل في مستقبل مشرق وباسم واتمنى احقق احلامي التجاريه بالطرق المشروعه ...اللي ابغى اقوله لكم هوة..........

اولا ً انا مشتركه جديده معكم واحب اكون فعاله وعضو نشيط من البدايه لآن عندي عندي خبرات تسويقيه
وتجاريه اكتسبتها بالفطره وبحبي للقراءه بشكل عام وبكتب التجاره بشكل خاص واحب الآستثمار وانشالله انني سائره على الطريق ...صبركم علي شوي
راح اطرق ابوابه مهما طال او قصر الزمن ,,,وماتوفيقي الا بالله ..
المهم يابنات عندي مشاريع في راسي بس الى الالان ماعندي راس المال ...ادري طولتها صبركم علي .....المهم عندي اعز صديقاتي انسانه استغلاليه وانا عارفه ذى الشيء فيها بس ساكته خجلانه منها وهي تستغلني على بالها اني ماافهم ...تخيلو صاحبتي كانت تستورد اشياء وتبيعها لحسابها وحساب زوجها وماكانت تفهم شيء عن التسويق عن طريق الانترنت ...لكن بفضل الله ثم بفضلي بعد ماجربت منتجاتها الطبيعيه من شركه مصريه وسويديه وكانت تكسب بس عللى خفيف لانها معلمة محو اميه وعندها اطفال
وتكتب في الصحافه لكن ماتعرف شيء عن النت ولا عن المنتديات وفي يوم قلت لها انا احط لك اعلان عن طريق الانترنت
في المواقع اللي ادخلها مادام منتجاتك اثبتت فعاليتها بس من باب الصداقه قلت في نفسي يارب تكسب وانا والله صادقه في نيتي ...وكتبت عن تجربتي عن منتجاتها مو بغرض اني اكسب منها لاوالله ....هي عطتني عينات مجانيه وجربتها ولقيتها اكيده ...المهم اول مانزلت الموضوع ماشاءالله لاأنا ولاهيه صدقنا الاتصالات من كل انحاء الخليج العربي والسعوديه وربحت هيه كثير وزادت حتى في سعر منتجاتها وقالت لي بما انك ساعدتيني وماطلبتي مني شيء راح اعطيك 5 ريال عن كل منتج ابيعه ومع انه ظلم واجحاف لكن قلت في نفسي انا من البدايه ماطلبت منها شيء ولاهي طلبت مني اكون مسوقه لها لكنها لماشافت الارباح صارت تقولي عشان خاطري اكتبي لي في جميع المواقع عن منتجاتي ..وانا اقول في نفسي عالاقل عطيني جزء من تعبي على الكمبيوتر وأشتراكات الانترنت ...لكنها ماتحس وانا خجلانه منها لآنها صديقتي وصداقتنا اهم عندي من كل شيء وكل يوم اقول يمكن تصحى وتعتبرني شريكتها في النجاح ...ماابغى منها شيء
لآنها زي اختى ومع اني مااملك شيء الا اني حاسه مشروعها هوة مشروعي عشان كذا كنت اعمل ومازلت بصدق وبنيه خالصه ...والامر من كذا انها صارت كانت تطلب مني اتصل لها احيانا ببطاقات الاتصال المدفوع حقت الهاتف على زبوناتها في الامارات وعلى خبيرة اعشاب في المغرب ....مافيش اشطر منها ..عندها لكل مشكله نسائيه علاج وبرضي ماقصرت وانا والله مستحيه منها وحاسبه حساب للصداقه واحيانا تغيب عني اسابيع اذا مااتصل عليها هي ماتتصل لآنها مشغوله وانا اقدر وضعها وفي الاخير تجيني فاتورة الانترنت بذاك الكلام وعارفين حاليا ً بعد كل هذا النجاح ايش سووت افتتحت مشغل تجميل وراح تبيع فيه على نطاق واسع وطبعا وحتجيب فيه خبيرة التجميل المغربيه اللي كانت تخليني اتصل عليها واه من سعر الاتصال للمغرب ..طبعا هذي الخبيره دارسه في فرنسا وفي معهد لوريال ولانكوم وغيركذا ممتازه في ابتكار جميع الوصفات العلاجيه للنساء المتزوجات
والعرائس والبنات ...تصدقون عندها كريمات مبتكره لكل حاله ...والعرائس 3 شهور بس وتخلي السوداء بيضاء وتلمع من البياض وطبعا صاحبتي الاستغلاليه جابتها بعد ماشافت عليها طلب من كل العرائس في الرياض والدمام وحتى البحرينيات القريبين من السعوديه يجونها فلما انتهت مدة خدمتها رفضت السيده اللي كانت على كفالتها انها تسافر لكن المغربيه سافرت وعدلت جوازها مدري ايش سوووت وهي اللحين ماشالله حتشرف السعوديه مره ثانيه في منتصف هذا الشهر وحتظل على طول ... وفوق كل هذا تددرون ايش طلبت مني اني
اكتب لها عن المنتجات اللي تسويها الخبيره المغربيه الفرنسيه وقالت لي انها راح تعبيها في علب مصنعه مخصوصه لكذا وراح تكتب اسمي واسمها واسم الخبيره ...مع اني اشك انها تكتب اسمي على العلب واكيد راح تنسب النجاح لها فقط ...وتقولي ماشالله عليك عندك مهاره في التسويق والاقناع وانا ماعندي دراسه لذا الشيء بس مادام ان المنتج اثبت جدارته اتمنى الكل يجربه وبمجرد احد
يقولي فكره او موضوع اتحمس لاشعوريا وكأن الموضوع يخصني وفي النهايه ايش ينوبني من هذا كله غير الفواتير ....والادهى والامر ان صديقتي العزيزة لآنها مدرسة طلبت مني الاشراف الكامل على الصالون والعمل كسكرتيره وتسجيل كل صادر ووارد للصالون واعمل لها افكار تسويقيه وعمل متواصل 7 ايام في الاسبوع تدرون براتب قدره كم 1200 ريال بينما قالت لي انها حتعطي الخبيره المغربيه الاجنبيه 2500 كراتب اولي وبعد
كذ لما تشوف الارباح اللي يدخلها المحل والطلب من الانترنت
حتديها زياده وانا مكانك سر ...مع كل ذلك والله ماني حاسدتها ...
بس انا فكرت في اعمل لي صالون اقترض راس ماله من أي مكان
وماراح انافسها ولاشي لآنها قبل كل شيء اخت وصديقه ونجاحها هو نجاحي وصدقوني انا عارفه اغلب الاماكن اللي تشتري منها صديقتي وتبيع لحسابها وحتى خبيرتها اللي حتجيبها لكنني والحمدلله مااتمنى اضرها ولااكون سبب في قطع رزق احد ولاابغى اسبب لها الالام نفسيه لآني اكثر الصديقات معرفه بأسرارها وحياتها وصديقتي صحيح استغلاليه ..لكنها برضه لقيت
المحاربه من وافدت للبلد في احد المهن ......وتدرون يابنات انا طالبه مساعدتكم ..انا بصراحه حابه اعمل صالون فيه شيء مبتكر من افكاري وافكاركم ...ابغى احسن من وضعي بطريقه بعيده كل البعيد عن تقليد صديقتي اللي مشغلها مافيه شيء جديد غير الخبيره المغربيه الماهره في كل شيء ..وكثير راحو لمراكز كبيره ومستشفيات ومااتحسنت حالتهم ..وسبحان الله يضع سره في اضعف خلقه ...لكن انا في بالي شيء مبتكر وبأفكاركم بأذن الله يتحقق مشروعي ....نفسي وحده تقولي ايش ممكن يجذب البنات والسيدات ونفسي وحده تقولي ايش نفسها يكون موجود في الصالونات السعوديه او الاماراتيه ومازال غير موجود ....انا بصراحه نفسي اعمل صالون مختلف عن كل الصالونات منها احقق ذاتي واضع خطواتي على اول الطريق ومنها اخلي الزبونه تحس انها فعلا ً دفعت فلوسها ولقيت مقابلها وياما صالونات تجميل تضحك على الناس لدرجة والناس عليهم زي الرز لدرجة انه مره رحت لصالون لبناني سوري في السعوديه ولما جيت قالت لي الخبيره ...اللي اشك ان عندها خبره في شيء قالت لازم تدفعي الفلوس مسبقاً وانا ظنيت انه عشان الخبيره لبنانيه معناتها شاطره
وتخيلو دفعت الفلوةس وقالت لي هلا بعملك احسن مكياج وتنظيف للبشره وبخار وبركب لك رموش وبحط لك كريم تفتح يفتح ينص ساعه ودفعت الفلوس وانا واثقه ووالله يابنات لو شفتو شكلي يخوف والله ماعرفت تفسي في المرايه مكياج شنيع وماعملت لي لاحمام بخار ( حاولت فيه ثم قالت تصدقي انه عطل لانه امس اجو زباين معهن بزورة وخربوة ...بس هلا بعملك تنظيف بيدي ) وصدقوني وانا حزينه على الكم ميه اللي دفعتها صدقوني كل الفلوس اللي معي ...وفي النهايه مافيه مصداقيه ومره رحت لمستشفى تجميل مشهور في جده على اساس ابغى اسوي جلسات تقشير للبشره وبااهتم بحالي وبأزيل الاسوداد من كل مكان وطلب مني 200 ريال فتح ملف وبعدين دخلت على الدكتور وكلي ثقه وبعدين الدكتور عطى الممرضه انبوبتين صغيره جدا زي غطاء القلم ومسحتها الممرضه على جسمي وكأني اشحد منهم ولما شفت المبلغ المطلوب كان الف ريال بالاضافه لشامبو للبشره ب350 وكريم للجسم 450 وللوجه 350 صراحه ماقدرت اشتريها كلها بس الشامبو وكريم الجسم وقلت الوجه بعدين يعني دفعت مالايقل عن 2000 ريال ومراجعه كمان ومالقيت النتيجه فنفسي فعلا اعمل صالون صادق زي الصالونات اللبنانيه والعالميه ....ومن دون ماانافس احد ولااحد ينافسني لآن كل احد برزقه .....
3
820

يلزم عليك تسجيل الدخول أولًا لكتابة تعليق.

تسجيل دخول

الـــ عديل ـــــروح
اول شي انتي طيبه مره وهذي مو صداقه عمري ما شفت صداقه زي كذا تستغلك وانتي عارفه
كيف تسمحيلها اساسا ما عندك كرامه الف وحده غيرها تحترمك وتقدرك
http://forum.hawaaworld.com/showthread.php?threadid=162166

ان شاء الله يفيدك الموضوع
سنفورة الحلوة
عزيزتي حاولت ارسلك رسالة على الخاص لكنك مافعلتي خاصية الرسائل الخاصة

اتمنى تفعلينها من تحرير الهوية الخاص فيك ....