السلام عليكم ورحمة الله وبركاته
شلونكم يالغاليات..
اخباركم ياملجئ بعد الله :44:
اللي تتذكر قصصي..من 3 سنين وانا كل كم شهر اكتب ..موضوع..
وانتظر ..في كل مره اشوف الاراء.. والاستشارات..قد انفذ بعضها ..
الموهم....نبذه سريعه عني:
*لي 3 سنين و6 شهور متزوجه.
*ماعندي اطفال.. الله رزقني ويرزق كل محرومه.
*انا انسانه متعلمة.. موظفه براتب ولله الحمد كويس..احب بيتي.. احب زوجي.. تحب اهله..احب كل شي,,يحبة ويسعده..متفهمة...عصبيه نوعا ما... مضحية بشكل غريب لزوجي..
*غلطاتي:
* ثقتي الزايده بزوجي.
*تطبيقي لمبدا تعلمناه للاسف وهو غلط ان الحياة شراكه في كل شي
*بديت من اول زواحنا سوالف لزوجي عن كل شي... عن اهلي..اي شي,,يصير بالدوام .. خطا وحماقه مني:(
*زوجي حنون.. طيب.. كريم..متفهم..ملقوف لحد النرفزه..كل شي يسال نه حتى لو اضحك يقول عساك دوم مبسوطه ليه تضحكين <--عاد هنا يضرب عندي الامبير مليون وازعل..
*رجل يحب اهلي بشكل جنوني ولله الحمد..وهم يحبونه .لدرجة يعتمدون عليه في امور كثيره.
* ماعندي اطفال... لان هو عنده مشكلة.. بس ماعندي اي مشكلة في هالموضوع ليقيني برب العباد يوم الله بيرزقني محد ماخذ رزقي...غيري
*زوجي من اول 6 اشهر كشفته خيانه..
*ثم خيانه..
*ثم خيانه.
*ثم خيانه.
*ثم خيانه.
*ثم خيانه
*ثم خيانه
هذي سبع خيانات من 3 سنين..
*كل خيانه كان لها ظروفها وطريقتي في علاجها..
تفاوتت بين (زعل,,هجران,,تطنيش,,تفاهم,,اهتمام اكثر فيه...)
في اخر العام الماضي (1430هـ )قبل السنه الجديده بيوم..
عزمته بفندق.. وناقشته عن اخر خيانه له..طبعا جدا تفاجأ بهدوئي بس قلت يالله ابدا سنه جديده كل منا خاطره صافي على الثاني..
وكان الاتفاق.. والعهد,,,واليمين...
ودخلنا سنه جديده(1431هـ)
ونسييييييييييييييييييييت كل اللي راح وفاء للعهد...
و5 شهور تمممام له ثقه عندي..
رغم اني اكذب لو اقول لكم اني مرتاحه... افتش ايميله... جواله... رسايله...كل شي..
بس مايدري عشان مايسوي فيها سالفه...
والطامه:
(قبل بالضبط ..اسبوعين) واحنا رايحيين نزور قريبته..وبالطريق تجية مسجات..ويضحكـ ..ويرد تليقفت مثله قلت وش فيكـ خخخخ صرت مثله:09:
قال الاهبل ذا عبدالعزيز والله مقلع...اد سكت عبدالعزيز عبدالعزيز وش على منه...
زرنا ورجعنا البيت وهو بالحمام ...__________>طيران على جواله والقى المسجات ممسوحه اها لعب الفار بعبي قلت بتاكد...
دخلت السجل لقيت الاسم اللي يراسله مو عبد العزيز( طلع سعد ) عاد هنا مالعب الفار الا تسدح بمخي عاد اخذت الرقم كالعاده...
دقيت على قريبي وسالته عن الرقم بس للاسف طلع باسم رجال...
ماارتحت طبعا...
رحت دقيت على الرقم من جوالي.......
( وحده:icon33:) بنت اللي كان يراسلها..
عاد صارت الدنيا بعيني (.) كبر هالنقطه..
وتقلب الاخلاق عندي...
* اذا قال لي كلام حلو... ودي اصفقه .
* وكل ماشفته مستمر يراسل الرقم مت الف مره وساكته.
* احيانا القاه ماسح السجل....
* ياناس معاد اتقبل منه شي.. وظليت على هالوضع اسبوع ..اللي فات كله انقلب حالي..
ان ارسلت له مسج يقول ..ليه مسجك كذا مافيه روح ولا كلمة حب ولا شي<==ياشيخ روح بعد تبي كلام حلو:09:
*حتى الحقوق بيننا مالي خلق يلمسني وفعلا اسبوع مالي خلقه...
*ياانام قبله او اذا نمنا بنفس الوقت ..قلت له تعبانه..
طبعا ماانام ان نامت عيني قلبي صاحي ... اقوم اصلي احيانا بالليل واروح افتش جواله (حاله الله لايوريكم اياها)
*عاد اخر شي بما اني استخدمت كل الاساليب كلمة (مركز واعي) للاستشارات الزوجيه..
وكلمني رجل مثقف وواعي حقيقة لكني مااستفدت لان كل اللي قاله سبق وسويته.. واستخدمت هالاساليب اللي قالها
*نقطه ثانيه..مدري ليه مطلوب مني احسن واغير واضبط واحاول والرجل لا..ليش هو مايخاف الله ويعرف انه متزوج ويخاف الله في بنت الناس..
*صار له يومين مافيه رسايل ولا شي.. بس ماني مرتاحه...
وش اسوي مع هالرجال..محتاجة اشوف اراء غيري...
بس بليز ...
*لااحد يقول روحي لبيت اهلكـ ماقدر..لااسابا كثيره.
* ماقدر ادخل اهله ولا من طبعي مشاكلي تطلع برى بيتي..
*زوجي رجل يموت اذا طنشته ... بس جربت هالطريقة مانفعت..
* لاتقولون فيني شي ناقص او محتاجه الرجل مايلقاه عندي.. كل شي.. عندي
وش بيلقى تكفون من بنات الحرام اللي يكلمهن الا كلام حلو.. انان حتى اسمه نيسته من كثر مااناديه باسماء الحب ...
تعبانه... وانتظركن
:icon33:
:44:
دنيا من الوفاء @dnya_mn_alofaaa
عضوة فعالة
يلزم عليك تسجيل الدخول أولًا لكتابة تعليق.
دنيا من الوفاء
•
:icon33:
@ريميه@
•
الله يفرج كربك
مالك غير رب العباد الي فووقك صلي وادعي ربك يبعد عنه
الحراام
واستغفري كثير
ورااح تشوفي النتيجه بإذن الله ,,,
مالك غير رب العباد الي فووقك صلي وادعي ربك يبعد عنه
الحراام
واستغفري كثير
ورااح تشوفي النتيجه بإذن الله ,,,
يا قلبي انتي الله يهديه يحمد ربه والله انه بنعمه ورافسها والخيانه بدمه
وانتي الله يصبرك وياجرك وضعك صعب ان شاء الله البنات يقدرون يساعدونك
وانا بدعيلك
وانتي الله يصبرك وياجرك وضعك صعب ان شاء الله البنات يقدرون يساعدونك
وانا بدعيلك
ااا اختي ليه تفتشين جواله وايميله هذا من باب التجسس لو كان زوجك وهذا تعبانه نفسيا منه وحركاته انتي مو تقولي موضفه خلا ص انشغلي بنفسك ووظيفتك والصلاة والاستغفار والصدقه والله راح ترتاحين اتركيه لحاله ربي يهديه وانصحك اكفلي يتيم بمبلغ الي تقدرين عليه والله ربي راح يفرجهاا عليك
@ريميه@ :
الله يفرج كربك مالك غير رب العباد الي فووقك صلي وادعي ربك يبعد عنه الحراام واستغفري كثير ورااح تشوفي النتيجه بإذن الله ,,,الله يفرج كربك مالك غير رب العباد الي فووقك صلي وادعي ربك يبعد عنه الحراام واستغفري كثير...
بوسه رضى وواحترام لك يالغاليه
الف شكر..لكـ
الف شكر..لكـ
الصفحة الأخيرة