السلام عليكم ورحمة الله .
مبارك عليكم الشهر الفضيل وبالهنا والشفا فطوركم .. اما انا فلساتني صايمة ...الله يتقبل منا ومنكم .
قصتي يمكن تحسوها عادية ومألوفة وتصير في كل العائلات ...على كل ما بدي اطول عليكم .
وانا طول عمري ساكتة من يوم وعييت على حالي بالرغم من اني احس عليا ضغط.
انا يا بنات ابي متوفي _ الله يرحمه _ من كان عمري 10 سنين تركني انا وامي واخي اكبر مني بكم سنة بس.
كنا عايشين في بيت اهل ابي ... ومن يوم اتوفى وانا بالمشاكل مع اخي قمع بمعنى الكلمة ضرب على اتفه الاسباب وشتايم و و و....ممنوع اطلع من الشباك ممنوع اغني او ادندن في بيتنا قدامه ممنوع يجو عندي صاحباتي البيت والله مرارا يهينهم قدامي بنظراته او يروح لماما ويصرخ بصوت عالي وهم يسمعون الكلام عليهم ...امانة تخيلو شكلي انا كيف بيكون ؟
يا ويلي لو تأخرت من المدرسة يا ويلي لو تطلعت فيه تطليعات ما عجبتو وياما صار مشاااااكل عشان اقل الاسباب وبحجج واهية .
انا من القهر صرت اتحاشاه احاول ما احكي معه ولا احتك فيه ابدا.
واحنا صغار كانوا يقولوا لنا رح تكبروا وتتغيروا ...وكبرنا وتغيرت الامور شكليا بس في الواقع هي على حالها .
وهو امي كانت مدلعتو كتييير كل شي بده اياه يحضر رغم جبروته وغطرسته وفشله الدراسي.
بعد وفاة ابي بفترة حصلنا على تعويض وعطونا ارض ومصاري مشان نبنيها _ واخدو المزرعة اللي كانت معنا_ في المقابل , امي اخدت نسبة من المصاري هدولا وعطته اياهم بعد ما قعد يزن على راسها وصرفهم بشراءه لسيارة ...الخ
انا هلأ بالجامعة بدرس _ للصراحة امي مش مخلياني محتاجة شي_ بس اكيد بحس انه ناقصني كتير اشياء وانا فعلا عمري ما حسيت حالي انيقة زي البنات كلشي محدود واقل من المتوسط كمان في الهيئة والشكل.
في المقابل اخي ما كمل دراسة وامي دخلته مدارس خاصة بمصاري يعني ...وبعدها عملت له دبلوم ...وساعدته واشتغل بوظيفة حلوة ومرتبها عالي...وانا مكانك سرررررررررر
كان عندنا ميراث اخدناه بعد وفاة ابي هو خسر كل المصاري اللي معه وانا خليتهم في البنك ..المهم اللي صار انه بعد ما بلشنا نبني في البيت الجديد خلصت المصاري تبعنا , وطلبت مني امي اعطيها فلوسي اللي بالبنك وما قلت لا بالعكس دغري عطيتها... وهلأ صار على هالموضوع سنتين .
هالبيت ما اكتمل في البناء _ احنا لهلأ عايشين في بيت ستي القديم_ بس اجرنا المحل اللي تحت واحد بس والتاني لسة لانه اخي مش موافق .
الايجار بياخد منه اخي نصيب الاسد طبعا وهالشي مبرر بحقه في شرع الله ولا اعترض على هالشي.
وامي مبسوطة من كل هاد ومش حاسة انها بتظلمني لانها جمعتنا انا واياه بنفس البيت مع اني طلبت مرارا انها تبيع وتعطي لكل نصيبه.
انا فلوسي لهلأ ما رجعت لي واللي بيعطوني من الايجار ضئيل جدااااا .
انا ما بفكر في اليوم لانو امي لساتها موجودة انا بفكر في بكرة لو امي راحت شو بدو يصير فيني ؟ اضلني عايشة معه؟كيف بدها تكون حياتي؟وهو حتى الكلام ما بيكلمني .
انا كل اللي بطلبه من امي انهم يرجعوا لي فلوسي وبتحكي لي ما معي هلأ اصبري كمان ..انا لايمتا بدي اضل هيك لا شغل و لا دخل .
يعني لا بدهم يعطوني فلوسي ولا بدها توقف هالمشاكل وتعطي لكل نصيبه.
انا غلطانة بشي يا بنات ؟انا بعمل شي غلط بكلامي وتفكيري هاد؟
اللي بيصير معي خلاني اكره شي اسمه ميراث صرت بفكر اطلع على اي مكان واترك لهم البيت لاني جد تعبت انقهرت...وامي كمان معذورة لانها ما بتقدر تعارض اخي ولا ترفض له طلب.
انا كل ما احس هيك احساسي اروح للمقبرة وابكي لمن اقول بس ...لكن اليوم قررت احكي ..لا لغاية فقط فضفضة ...
حسبي الله وكفى .
شموخ الاقصى @shmokh_alaks
عضوة فعالة
يلزم عليك تسجيل الدخول أولًا لكتابة تعليق.
ياحياتي انتبهي من كلمة أنا بترك لهم البيت وبخرج لأنه بجد لو عملتيها بتكون أول طريق لضياعك وباب تعاسة فتحتيه ع نفسك وانتي بغنى عنه ..
أخوك حاولي معه بالكلام واستعطفيه وتقربي له وأمك نفس الشئ حاولي معاها لأن هذا حقك وانتي ماتطالبي بشئ غلط ..
لاتنسي صلاة الليل والدعاء الدعاء الدعاء والله احنا نغفل عنه وهو حل لكل مشاكلنا لأن الدنيا هذه كلها بأمر الله .
الله يفرج همك ويسعدك ويرفع قدرك بالدنيا والأخرة يااارب .
أخوك حاولي معه بالكلام واستعطفيه وتقربي له وأمك نفس الشئ حاولي معاها لأن هذا حقك وانتي ماتطالبي بشئ غلط ..
لاتنسي صلاة الليل والدعاء الدعاء الدعاء والله احنا نغفل عنه وهو حل لكل مشاكلنا لأن الدنيا هذه كلها بأمر الله .
الله يفرج همك ويسعدك ويرفع قدرك بالدنيا والأخرة يااارب .
الصفحة الأخيرة
وقولي لها بينك وبينها يا امي لا تظلموني انا عطيتكم كمساعدة ولازم نصيبي
يرجع اليوم او بكرة..
واخوك دام يتعامل معك بذا الشكل ابعدي عنه قدر الامكان
او اذا سمحت الفرصة اسألي امك ليش اخوي يتعامل معي بذا الاسلوب؟
حسسيها ان الوضع مش تمام هيك..وبكذا ممكن تعدل فيه ولو شيء بسيط
الله يفرجها عليك ويعلي مراتبك دنيا واخره ويوفقك بوظيفة حلوة وماتحتاجين احد