13 حبة سكر نبات في المهبل..في حيرة شديدة // قديم

أخواتي الحبيبات ..
أبغى استشيركم في حاجة غريبة صارت معاي اليوم وهي إني رحت لداية ممرخة وأنا ثاني يوم في الدورة ،ولما مرختني قالتيلي الرحم عندك مايل لليسار ورحمك كبير ومليان هوا ومويات ولازم تخففينه عشان أقدر أسحبه لك في المكان الطبيعي عشان كذا لازم لما تجي تنام تحطي 13 حبة سكر نبات في المهبل وتنامي عليها 3أو 4 ساعات عشان تسحب المويات والهواء وتجي اليوم الثاني أمرخ وتروحي البيت وتحطي كمان 13 حبة سكر نبات ،واليوم الثالث كذلك محتارة وخايفة أسوي الي قالت عليه أنا قلتلها أنا خوافة ، وفي دم كيف أدخلها ،وما أقدر أحطها وأخاف تجبلي التهابات مرخيني وما أبغى أحط شي من تحت أو أعطيني أعشاب أشربها ما رضيت وقالت ما ينفع أسحبه وهو مليان لازم تحطي تحاميل سكر النبات .
أشرايكم في هذا الكلام ، وهل في علاج للميلان بمرخ فقط دون هذي الأشياء، وممكن يرجع الرحم لمكانه الطبيعي بدون المرخ ، وممكن يصير حمل وهو مايل ،الي تعرف الله يسعدها لا تبخل بالإجابة