بسم الله الرحمن الرحيم
أفكار متنوعه لفطور صحي لينا و لأولادنا
انا طول عمري من و انا طفله بكره الأكل الصبح بس لما فهمت أهميتها بقيت أضغط على نفسي و أكل لحد ما تعودت و مقدرش انزل من بيتنا دلوقتي الا و انا فاطره كويس و حاجه صحيه عشان بعمل ريجيم
يعني الموضوع مجهوود شخصي و كل اللي فيه متجرب و الصور من عمنا جوجل
مقدر أكون اتعلمت كل الحاجات الحلوه دي و أبخل عليكو بيها
يلا نبدأ
1 - كوكيز الشوفان
كوكيز رائع و وصفتو مظبوطه تمام ان شاء الله و مشبع جدا تاخدي منو بسكوتين او تلاته الكميه اللي هكتبها تعمل 12 بسكوته و ممكن اضافة منكهات زي المكسرات أو قطع الشوكولاته لاكن عشان الدايت هنلتزم برشة قرفه هتخلي البسكوت أشهى و ألذ
http://files2.*******.com/2012/2/13301162268320.jpg
المقادير :
1 .5 كوب دقيق أسمر
1 كوب شوفان سريع التحضير
½ كوب سكر يفضل دايت أو ربع كوب سكر بني لأن حلاوتو مركزه أكتر
فانيليا
1 م/ك بيكنج بودر
2 بيضه
¼ كوب زيت دره
لبن للعجن ( ان احتاج )
الطريقه :
يخفق البيض مع السكر و الفانليا و الزيت جدا
يضاف باقي المكونات و تعجن جيدا
اذا رأيتها جافه اضيفي ملعقه من الحليب السائل
في صينيه مدهونه شكلي الكوكيز على شكل أقراص مدوره و اخبزي في فرن 180 درجه
ملحوظه : يخرج من الفرن عن نضجه و يكون طري شويه لكن هينشف بمجرد ما يبرد
يقدم مع : كوب نسكافيه أو شاي بالحليب و ثمرة فاكهه
2 - ساندويتش الجبن مع الخس و المسترده
http://files2.*******.com/2012/2/13301162844111.jpg
سندويتش سريع و لذيذ و ليس مجرد خبز و جبن بل هو أكثر ليشعرك بلذة الطعام و بقدر من اهتمامك بنفسك
المقادير :
شريحتين توست أسمر
شريحه جبن أي نوع تفضلينه قليله أو خالية الدسم
ملعقه من المسترده
شرائح خس طازج مغسول و مجفف جيدا
شرائح طماطم و بصل ( اختياري )
الوصفه :
يحمص التوست قليلا بأي طريقه و يدهن بالمسترده نضع شريحة الجبن و الخس
يقدم مع : كوب صغير من العصير الطازج
3 - فطوور المستعجلين
فطور مثالي اذا كنتي متأخره و مضطره للخروج سريعا
http://files2.*******.com/2012/2/13301172526193.jpg
http://files2.*******.com/2012/2/13301198167344.gif
عباره عن سبع تمرات و كوب من القهوه الساخن و لتوفير الوقت اعدي أكياس صغيره تحوي السبع تمرات لتضعيها عاجلا في حقيبتك
أما لاعداد كوب سريع من النسكافيه بدون الاستغناء الطعم و القوام و الوجه الكريمي
ضعي كوب من النسكافيه و كوب من الحليب و كوب من السكر الدايت ( أو يستغنى عن السكر تمام و لكت تخفف كمية الحليب ) في الخلاط حتى يكون القوام ثقليا و فرغيها في قوالب الثلج و ضعيها بالفريزر و عند التحضير يكون عليك اخراج مكعب و صب الماء أو الحليب المغلي عليها فقط
نصيحه : لسهوله اخراج المكعبات من القالب ضعي القالب فوق الحليب أثناء غليانه مده بسيطه تكفل ذوبان الجزء الملامس للقالب فقط
4 - الطماطم المشويه مع البيض المخفوق
فطور رايق و سخن و شهي
http://files2.*******.com/2012/2/13301174537108.jpg
المقادير :
طماطم صغنونه 3 حبات
نقطة زيت زيتون
بيضتين
ملعقتين حليب سائل
ملح و فلفل
شريحة توست
فص واحد توم
الوصفه :
سخني طاسه على نار عاليه كويس و ادهنيها زيت زيتون بسيط و حطي عليها التوسته تتحمص من الجهتين
فنفس الطاسه على نار عاليه حطي الطاطم تتشوح و تبيلها بملح و فلفل و شويه زعتر اذا تحبي
كدا التوست و الطماطم جاهزين فنفس الطاسه بس بلاش زيت زيتون ممكن نقطة زيت دره و طبعا فكل مرحله بنمسحها بمنديل هنهدي النار و نحط البيض مع الحليب و الملح و الفلفل و نقلب لحد ما يتماسك البيض و ممكن بعد ما يستوي شويه نونو جبنه شيدر و لا بلاش عشان الدايت
و نقدمه مع نسكافيه أو شاي بالحليب
5 - زبادي بالفواكه
يعتبر صنف حالي لعشقات الحلوى أو اذا شعرتي برغبه في تناول الحلوى بدون الشعور بالذنب
http://files2.*******.com/2012/2/13301174927547.jpg
المقادير :
علبة زبادي لايت
معلقه صغيره عسل
2 م/ك شوفان
فواكه صنف واحد أو مشكله حسب الرغبه
رشة قرفه
الوصفه :
اخلطي العسل مع الزبادي و الشوفان
في بوله حطي طبقه من الفواكه و طبقه من الزبادي و طبقه من الفواكه و طبقه تانيه زبادي و رشة قرفه على الوش و بح خلصنا
6 - الشوفان مع الحليب
الشوفان من الأطعمه المنصوح بها بشده للحفاظ على نظام نصحي فهو يساعد على تقليل الكوليسترون و يحافظ على سلامه القلب و نسبة الألياف العاليه به تؤمن الشعور بالشبع لفتره طويله
هو حقا الفطور المثالي
http://files2.*******.com/2012/2/13301177915645.jpg
3 م/ك شوفان سريع التحضير
1 كوب صغير حليب مغلي
1 م/ص عسل نحل
½ م/ص قرفه و جنزبيل ( اختياري )
حبات من الزبيب
الطريقه :
في بوله حطي الشوفات و عليه الحليب المغلي و القرفه و الجنزبيل
و عالوش الزبيب
7 - الفرنش توست بالعسل
وجبه لذيذه و مشبعه جدا و شهيه جدا سهل الاعداد و الطهي
http://files2.*******.com/2012/2/13301186455785.jpg
المقادير :
2 شريحة توست أسمر أو شريحتين ان من خبز الباجيت الأسمر
بيضه
ربع كوب حليب خالي الدسم
رشه صغيره ملح
قرفه حسب الرغبه
نقطه من الزيت لدهن الطاسه
الوصفه :
اخفي البيض و الحليب و التوابل غمسي فيها شرائح التوست لمدة 30 ثانيه من كل جهه
سخني الطاسه على نار متوسطه و ادهني زيت و امسحيها بمنديل
حمصي شرائح التوست لمدة 3 دقائق من كل جهه أو حتى تصبح ذهبيه
قدميها ساخنه و صبي ملعقة العسل و رشه قرفه زياده اذا حبيتي
تقدم مع كوب نسكافيه أو شاي بالحليب
8 - الفرنش توست المتبل و المحشي
http://files2.*******.com/2012/2/13301187936583.jpg
نفس الوصفه السابقه تمام و لكن نحشي التوستتين بالحشو المفضل ممكن جبن قليل الدسم أو لبنه بالزعتر أو شرايح مرتديلا أو سبانخ
و نغمسها فالمخيض و نتأكد انها متشربه كويس من الجوانب و تتسوى بنفس الطريقه
9 - الفلافل المخبوزه
http://files2.*******.com/2012/2/13301198658330.jpg
دي شكلها مقليه ملقتش فجوجل فلافل مخبوزه غير من فتكات بعدين صاحبة الموضوع تزعل
عجينة الفلافل
كوب فول مدشوش و منقوع طول الليل
و ممكن تتعمل بالحمص المسلوق بالنسبالي بتطلع الذ
و ممكن خليط من الفول و الحمص
بصله متوسطه
خضره كتير خصوصا كزبره و كرات
فصين توم
ملح و شطه و كمون
انا ماما بتحط فيها بهارات البرياني للحمه فيها و الله كل ما تعمل افتكرها بتعمل همبرجر مش فلافل
بيضه اذا حابه تكون هشه و اذا بتحبي مقرمشه بلاش البيض
و رشة كربوناتو صغنونه
الوصفه :
بتطحني كل المكونات فالكبه من غير البيض و تعملي فأكياس على قد الأكله و عالفريزر
وقت ما تعمليه خليه يفك و حطي البيضه اذا حابه و زودي بهاراتك خلي نصها قبل التفريز و نصها بعد التفريز عشان تبقى فريش و ريحتها تبان
قرصيها عادي و فصينيه مدهونه حطيهم و ممكن رشة سمسم و عالفرن شغلي الفرن متوسط و كل خمس دقايق بخة مايه من البخاخه ( أنا بقلي البطاطس بنفس الطريقه و بتطلع جميله أوي نفس البطاطس المقليه فالزيت )
بطلع لذيذه و مقرمشه و شيك أوي كلها سوا واحد و مش هتحسي بفرق فالطعم أبدا ان شاء الله
طبعا تتقدم مع سلطه خضرا و خبز أسمر بس مش أكتر من نص رغيف
10 - بليله باللبن
http://files2.*******.com/2012/2/13301191191647.jpg
معرفش ايه اللي جابها على بالي لكن حبيت أفكركم ان هيا خيار صحي طبعا اعمليها مع حليب خالي الدسم و معلقة عسل و رشة قرفه اذا تحبي
مش هقدر افيدكم فالطريقه هيا غالبا بتتنقع و تتسلق عادي
أنا نفسي فيها بس معرفش أعملها لما ماما تيجي من السفر بقا أقولها ان شاء الله
11 - اومليت بالخضراوات
جنه من طعم البيض الغني مع الخضار الشهي و الصحي
كميه كبيره من الخضروات تجعل منه قرص كبير يكفي لاشباعك بشكل كامل و الشعور بالامتلاء المحبب بدون اقتراف الذنوب
http://files2.*******.com/2012/2/13301192273467.jpg
المقادير :
خضروات المفضله و المتوفره مقطعه مكعبات ( فلفل أخضر و ملون / مشروم / قرنبيط /بروكلي / بسله / فاصوليا خضرا /دره / كوسه مسلوقه / بطاطس مسلوقه /جزر / كرفس/ بقدونس أو شبت ) اللي موجود استعمليه
بصله نونو أوي مفرومه ناعم و ممكن فص توم
معلقه صغيره زيت دره
بيضتين
ملح و فلفل
الطريقه :
شوحي البصل و التوم و حطي الخضار لحد ما يستوي كويس و سيبيها تبرد
فطبق برا اخفقي البيض مع الملح و الفلفل و الخضار و رجعيه تاني الطاسه على نار هاديه خالص و غطيه لحد ما يستوي
و ممكن تقلبيه أو اضمن دخليه تحت الشوايه فالفرن دقيقه بس ياخد لون أنا قلبو بالنسبالي صعب بس انتو أكيد أشطر مني
تقدميه مع كبايه صغيره عصير فريش
12 - البيض بالسبانخ
اذا نزلتي تشتري خضار و لقيتي سبانخ حلو اعملي حسابك تشتري عشان فطار لذيذ و مغذي
http://files2.*******.com/2012/2/13301192846324.png
المقادير :
ربطة سبانخ فريش مفرومه متوسط
بصله صغنونه مفرومه ناعم
ملح و فلفل
بيضتين
الوصفه
شوحي البصل عالنار لحد ما يدبل و ضيفي السبانخ و تبليها و سيبها على نار هاديه خمس لحد ما حجمها يقل و تستوي و ممكن تجهزي الحشو من بليل و تحطيه فالتلاجه عشان توفري الوقت
لما تبرد شويه فطيق بره اخفقي البيض و تبليه و حطي السبانخ و قلبيه كويس و حطيه تاني فطاسه و سويه زي الأوليت
أو ممكن لو عامله كميه ليكي و للأولاد تحطيه فقوالب الكب كيك و تخبزيه فالفرن بيقا جميل أوي
يقدم مع ثمرة فاكهه و نسكافيه
13 - البيتزا السريعه
بيتزا بتتحضر بسرعه و اذا فكرتي فيها هتلاقي انها مجرد خبز أسمر بكميه مناسبه مع خضار يبقا نتحرم منها ليه
http://files2.*******.com/2012/2/13301193255377.jpg
http://files2.*******.com/2012/2/13301193612819.jpg
المقادير
رغيف أسمر خبز بلدي أو شامي مفتوح بالعرض خدي الجزء اللي تحت بس و ممكن توست بس الخبز البلدي بيطلع أطعم كتير
كميه صغيره من الكاتشاب و معجون الطماطم مخلطوين و متبلين بشوية زعتر ( طعمها هيبقا كأنو صلصة بيتزا مسوياها حقيقيه )
فلفل أخضر
زيتون و مش نكتر منو
مشروم
اي خضار بنحبو و متوفر بس منخرجش عن اطار الخضار
جبن شيدر لايت رشه وحده بس عشان تدي شكل البيتزا
الوصفه
حطي الصلصه على الخبز ز الخضار و الجبنه و دخليها الفزن تتحمص شويه
و بس
14 - التوست بالبيض و الجبن
رغم انها مكونات مألوفه لكن تقدميها بشكل مختلف بيبعد الاحساس بالملل و الروتين
http://files2.*******.com/2012/2/13301193976760.jpg
المقادير
شريحتين توست أسمر
شريحه من الجبن الخالي أو القليل الدسم
بيضه صغيرة الحجم
ملح و فلفل
خس للتقديم
الوصفه :
قطعي في شريحه واحده من التوست في منتصفها شكل مربع أو مدور و اتركي الأخرى سليمه
أصنعي ساندويتش من الجبن عادي بحيث تكون القطعه المثقوبه في الأعلى
في الثقب ضعي البيضه برفق و تبيلها بالملح و الفلفل
اخبزيه في الفرن حتى يتحمص التوست و يجمد البيض
قدميه في طبق مفروش بالخس
بنات الموضوع تعبت فيه جدا و فرفع الصور دا أول موضوع ليا فالقسم لو قيمتوني و شجعتوني يبقى استنو مني حاجات كتير باذن الله
يا ريت نحفظ مجهود بعض بجد انا لما بلاقي موضوع يستاهل مش بنسا أقيم
و ان شاء الله تكونو استفدتو
التقييم: 
للأمااااااااااااااااااااااااانه منقوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول
يعطيكَـ العافيه ..
ودي .. ~