1437/4/22.. البداية ***** الله

السلام عليكم.

تزوجت صغيرة ودخلت ع حمولة مجهوله لا شوفه شرعيه ولا اي معلومه عنهم .. كنت مثل الشغالة بالبيت زوجي ما يجي الا المغرب وانا من الصباح الباكر من المطبخ الا التنظيف الا الطبخ وخالتى ام زوجي بدون مبالغة لم تراعى الله فينى وكل يوم نساء الضحى وفطور والغداء عيالها كثار والعشى عندهم عيال عمهم يتعشون عندهم يعنى عشت اصعب ايام عمرى وشاء الله انى استقل ببيت وهنا الاكتشافات

خيانات وبخل واستهتار وكل مره اطلع من عنده مضروبه وابوى يردنى يقول عيالك من يتحملهم وبعد مشوار تعب وتعب كبرو عيالي بالنفسيات يشوفون ابوهم واستصغار عمانهم مع ان الله ميز عيالى ولله الحمد بالجمال والاخلاق وتزوجت ابنتى الكبيرة ومشاكل بزواجها بسبب المهر ابوها يعطينا بالقطارة كم تسلفت وتسلفت حتى ووصلت ان طلقنى الطلاق الاول وخوفى ع بنتى من الفضيحه عند حمولتها رضيت انى ارجع بدون شروط ورجعت وتزوجت بنتى وبعدها بسنه تزوج ولدى ونفس النظام مشاكل بسبب لبس ووو وراح خطب وتملك ع وحده وطلقها لانهم شرطو عليه شروط ذهب وزواج وبدل ما يراضينى راح يقول كلام فينى يعور القلب المهم تطلقت وارتحت وتحت ضغط عيالي ولا عندى بيت رجعت وسارت حياتى بدون اي طعم بس امشيها والله راتبه 12 الف ريال ما يعطينى 10 ريال ولا جوال ولا حتى بطاقه شحن وكل ما احتجت علاج او اي شئ قال عندك عيالك وتزوج ابنى الثالث ونفس المشاكل تعبت من المشاكل وبعده تزوج ابنى الرابع وصارت مشكله كبيرة وتطلقت الاخيرة الثالثه ثابته والله انى سجدت لله شكر صح مدرى وش بيصير لي بس ارتاح منه 37 سنه وانا اكرف ببيته ولا قدر ولا اهله قدرو الان احس انى طلعت من سجن عقوبه 37 سنه بدون جريمه الحمدلله يارب تعوضنى بعمر جديد يارب انى انظلمت يارب تاخذ حقى كامل ويارب تصلح عيالي وتعافينى من الاوجاع طلعت منذمته كلي امراض سكر وظغط وكرسترول وهشاشه حسبي الله ونعم الوكيل حبيت اطرح قصتى للعبره من الاول الي ما فيه خير تركه افضل البيت ايل لسقوط ياريت اهلى تقبلونى كان اكون ع الاقل اصغر سن الان لبها العمر وين بروح الحمدلله اسف ع الاطاله