وعلى فكرة ياقلبي صراحه في ناس يمدحون الاماراتيه والاتحاد بس صراحه متعبه للي عندهم اطفال لانها تكون دايركت

هلا والله مهاجرة ، واهلا بك بملبورن ،، الأخت مغتربة ما قصرت بس حبيت اصحح لها ان الحضانات بخمسين دولار الفول تايم ، يعني من الساعه 6 الفجر الى 6 المغرب ،، يعني رح تكلفك شهريا بالنسبة لعيالك الاثنين الله يحفضهم حوالي الفين دولار يعني لازم تدبري امورك على هالشي ،، اذا كنت انت ورزوجك مبتعثين وتصرف لكم مكافأة المبتعث كل واحد على حده اعتقد ما عندك مشكلة اما اذا واحد فيكم فقط مبتعث والثاني مرافق فاعتقد اموركم صعبه شوي لأن المكافأة يادوب حتكفيكم كأربعة اشخاص ، فاذا حبيت توفري فيه بعض العوائل ( لبنانية ، ووحده بنغالية ) يمسكون الأطفال لكن انت توديهم لبيوتهم ، واسعارهم تختلف ، ولكن ماادري عن اوقاتهم ممكن يمسكوهم نفس وقت الحضانه ،، مااعتقد .
واحسن طريقة لترتيب امورك بالنسبة للجامعة انك من الان تقرري وين بتحطي عيالك ، لأن خدامة باستراليا ( نوووو وي) وانت حتكون فترة اللغة هي اصعب فترة لأن الدوام يومي أما اذا كملت ماستر أو بكالوريوس حيخف الدوام بالجامعة .
بالنسبة للملابس كثري من الشتوي لأن هنا الملابس صيني وغالي ما يستاهل وبرد ملبورن قاسي .
دعواتي لك بالتوفيق [

الله ييسراموركم ويحفظكم من كل شر ويوصلكم بالسلامه

انا مو مغتربه بس رحت ملبورن بالصيف

البلد حلوه ومليانه عرب وكل شي متوفر بس برد

لاتكثرين النقل معاك حاجاتك بتلاقينها هناك وبنات المنتدى

حبايبي ما يقصرون وفيه موضوع في هالبوابه يتكلم عن البقالات الكبيره

وايش ممكن تلاقين فبها واسماء الحاجات وصورها لتسهيل الامور عليك

فيه في البوابه فهرس للمواضيع الهامه حتلاقي فيه اجوبه كثيره من

مغتربات استراليا

الله معكم ولا تنسين تحصنون نفسكم بالاذكار اليوميه

في اي مكان هنا وهناك

دمتم بخير

اولا انا من بيرث بس بأجاوبك على بعض اسألتك واتمنى اكون افدتك


س١: هل مسموح لي أني آخذ معاي علبة حليب للأطفال وأكل خاص فيهم بالطيارة وادخلها لأستراليا؟
اعتقد انه مسموح عادي وترا الطياره يعطونك اكل للصغار المعلب
س٢: تنصحوني آخذ عربية السوق والمشاية من السعودية أو راح ألاقيها هناك بأسعار قريبة من الأسعار بالسعودية؟
بتنفعك في المطار زي ماقالو الاخوات والاسعار هنا قريبه من اسعار عرباتنا في السعوديه
س6: هل حليب سيميلاك بأنواعه ونان و أس ٢٦ متوفره في استراليا بشكل سهل ومُيسَّر؟
مااعتقد موجود بس اس 26 موجود وكل العيادات هنا ينصحون به
س7: كيف الجو بشهر ٨ و٩ في ملبورن أنا أعرف برد بس هل البرد شديد جداً يعني آخذ كل الملابس شتوية؟
بارد جدا يعني خذي احتياطاتك وخصوصا عند النزول في المطار بررررد
س8: أنا بأذن الله راح أفصِّل عبايات ملونة بس أيش الألوان إلّي تنصحوني فيها؟؟ أنا سمعت بيج بني رصاصي عودي بنفسجي وردي وهل آخذ عباية سوداء فيها شوية موديلات وأيش الأقمشه اللي تنصحوني فيها والمويديلات؟؟ واللثامات آخذ أسود أو ملون؟؟
انصحك بالبني والرصاصي والعودي وجنز ثقيل عشان البرد الموديل عادي عباية كتف واللثامات خذي ملون احسن
س9: ممكن تعطوني أسماء محلات ألاقي فيها عبايات ملونة جاهزة وأحجبة في الرياض والشرقية وجده؟؟
فيه عندك في سوق حراء الدولي تفصيل عبايات ملونه وفيه جاهز
س10: هل آخذ معاي جاكيت طويل للركبة للشتاء وألبس معاه حجابات ولثام هل هذا المنظر مقبول؟؟
عادي خذي معاك اهم شي يكون ساتر انا معاي واحد ونفعني
س11 : أنا قريت أن في "سوق الهنود" في ملبورن فيه بهارات وبن بس تنصحوني آخذ من السعودية أوأشتري من هناك؟؟ لا تجيبين معاك الا الهيل والقهوه فقط كل شي موجود واحلى بعد من الي عندناس12: قدر الضغط وقدور التيفال آخذها من السعودية أو موجودة بأستراليا؟؟
ايه ضروري تجيبيها معاك لان الي عندهم غاليه موت ومو زينه جيبي اصغر حجم
س14: ماهي أهم الأدوات أو الأغراض التي لاتوجد باستراليا ومن المهم أخذها من السعودية؟
فناجيل القهوه والشاهي واباريق للشاهي والقهوه وترامس لها ولانك بتحتاجينها في الطلعات وسفر الاكل ترا هنا مايعرفونها .
س15: ماهو خط السير الاسهل والمُفضَّل الى استراليا؟؟ وعلى أي خطوط طيران؟؟ وهل تتكفل الدولة بقيمة خط اي سير؟؟
احنا طلعنا من السعوديه على الامارات وبعدين بيرث وكانت جدا رائعه ومريحه
الله يسهل عليك اختي ويوصلك بالسلامه
اختك مشتاقه لاهلي

للرفع لاهمية الموضوع