تكفون يامشرفات اتركوا الموضوع في العام بس هالليالي الباقية من الشهر الفضيل
تكفون لاتنقلونه
تخيلي نفسك مكان بلسم والله تتمنين ان احد يدعيلك في ظهر الغيب
تكفون لاتحرمون بلسم الدعاء يكفيها احزاااااااان عسى ربي يعوضها خير ياااااااااااااارب
15 سنة بــدون أطفـــال الله يرزقك يابلســــم !!
اقروا قصة بلسم وادعولها !!
السلام عليكم ورحمة الله وبركاته
هلا وغلا بحبيباتي عضوات عالم حواء الغالي
بلسم أعز صديقة عندي بل إنها والله اعز من اخواتي علي والله على ما اقول شهيد
راح أقولكم صفاتها وشوفوا تستحق هذي المكانه ولا لا
طبعا بلسم مو اسمها الحقيقي لكنه مناسب جدا لها
انا مسميتها بلسم لأنها فعلا والله بلسم لكل من حولها
بلسم إنسانة طيبة جدا جدا جدا
كل اللي حولها يحبونها لأنها خدومة بمعنى الكلمة ما تحتاجينها إلا تلقينها بخدمتك
سبحان الله بارة بوالدينها بدرجة كبيرة ما شــــــاء الله تبــــارك الله
أبوها وأمها يقولون لها انتي امنا !!! من رحمتها فيهم
والله إني صادقة فكل كلمة أقولها
حنونة جدا جدا جدا
فوق هذا كله إنسانة ملتزمة وتخاف الله
لما جاها نصيبها وتزوجت جلست سنة سنتين ثلاث تنتظر طفل تشيله بين يديها وتعطيه كل هالحنان اللي في قلبها
لكن الوقت يمر ولا فيه أي تباشير بالحمل!!
كل شهر تقول أكيد حامل
و تتفاجأ بأنها غير حامل!!
من حبها وشوقها للحمل كانت لما تحس بأعراض الحمل يعني تحس بدوخة أو غثيان فالصباح كانت تفرح
وعلى طول تخبر أمها لكن لا تستمر فرحتها كثيرا حتى تتفاجأ بالدورة الشهرية
ياااااللــــــــــــــــــــــ ـه طيب فين المشكلة ؟
أخيرا قررت تروح المستشفى وتشوف حللت طلعت سليمة ولله الحمد
يعني المشكلة من زوجها !!
بعد خمس سنوات رضي زوجها انه يحلل وطلع الخبر اليقين !! الزوج هو السبب !!
بلسم الطيبة الحنونة على البعيد والقريب
الآن جاء الامتحان الصعب اللي تكشف فيه عن صدقها ووفائها
كان موقفها رائع جدا
تقبلت الموضوع وكأنه هديه أهديت لها من الله وليست مصيبة
وقفت مع زوجها و وضحتله انها ما راح تيأس من رحمة الله
وإنها تحسن الظن بالله وربي ما راح يخيبهم أبدا
عارفين ايش كانت تسوي؟
كانت لما تروح السوق تروح لقسم الأطفال وتتفرج على الملابس و تحضنها
من غير بكاء لااااااااا كانت واثقة إن الله راح يرزقها ويعطيها
ومن ثقتها بربها كانت لما تشوف حاجة تعجبها وتخاف ما تلاقي زيها
كانت تشتريها !!!
تشتري ملابس لبنوته عمرها شهرين وثلاثة وأربعه شهور وتحطها فالدولاب !!
تقول هذي لبنتي لما تجي بإذن الله
ما كانت تيأس أبدا كانت تقولي أنا متأكدة إني راح احمل وأشوف ذريتي بإذن الله
وأنا اسكت ......!!!
وأقول في قلبي ما شـــاء الله عليها لا قوة إلا بالله
صبووووووورة وقنوووعه وتحسن الظن
يارب اجعلني مثلها
كانت تروح لمعالجات شعبيات في أي مكان تسمع إن فيه وحده تعالج
لكن كلهم يقولون لها خلي زوجك يتعالج !!
كانت تاخذ ادويه وتعطيها زوجها وتتعب تقنعه بأهميتها بس ما تيأس
وتراعيه اشد المراعاه حتى ماتجرحه وتحسسه ان هو السبب تقول إلا كرامة الرجال
ياللــــــــــــه كم صبرت !!
تخيلوا أم زوجها في كل زيارة تزورها بلسم لازم تجرحها في الكلام !!
لأنها تعتقد إن الرجال ما يمرض أبدا !! وان العيب لازم يكون من المرأة
والزيارات شبه يوميه يعني كانت تعاني شبه يومي ولكن بصمت !!
وبلسم ساااااااااااااااكته وصااااااااااابرة ولا تشتكي لأحد إلا لربها
تكتم العبرة وتخنق نفسها
ما تبكي إلا على سجادتها
كنت اتصل عليها الساعة ثلاث الفجر أحيانا وتتأخر ما ترد علي ولما تكلمني أتفاجأ بصوتها مبحوح
أنا عارفة انه من البكاء تقولي صوتي متغير ؟ أقولها ما ادري ما لاحظت ليه؟
تقول لا بس مزكمة شوي
والله دائئئئئئئئئئئئئئئئئئئئئئئما صوتها فآخر الليل يحززززززززززن
زوجها نايم وهي ما عندها احد !!
دايم قبل لا اقفل السماعة تقولي صلي قيام الله
ادعيلي وادعيلك !!
المشكلة فالناس اللي تخالطهم لااااازم يجرحونها حتى لو بكلمة مو مقصودة
يعني مثلا : هي لما تسمع إن وحده ولدت تفرح فرح شديد وكأنها أختها
وتروح تقوم بالواجب ووقت الزيارة إلا ما تسمعلها كلمة جارحة
ناس يرقون أولادهم أول ما يشوفونها
والعجايز يستلمونها أسئلة عن الحمل وليه وليه ؟
هي لاقيتها من فين ولا فين ؟
هي تتمنى الذرية أكثر وحدة لكن ما بيدها شي إلا الصبر !!
طبعا انا كنت أشوف هذا الشي وانقهر من كل قلبي
واحاول ابين لها اني مالاحظت او سمعت شي وانه ماهمني
لان اهم شي عند بلسم كرامتها
مرت السنين وبلسم بدأ الخوف والقلق يرافقها
وبعد كم سنة
قرروا اللجؤ بعد الله للطب
ومصاريفه تعرفون قد ايه
لكن ما كان هذا يهمهم مقابل طفل واحد يؤنس وحدتهم !!
سووا أول عملية أطفال أنابيب وما نجحت !!
وكمان الثانية والثالثة والرابعة يا اللــــــــــــــــــه
يارب يعوض صبرك خير يا بلســـــم
مرت السنين وهاهي الآن 15 سنه زواج ولم ترزق بالذرية
بدأ الحزن يظهر عليها وعلى ملامحها
خلاص ابتعدت عن الناس وقل خروجها
كل ما شافت أو سمعت قصه لوحدة رزقها الله بالذرية بعد انقطاع كانت تبكي بفرح
وتقول والله ربي كريم شوفي كيف رزقهم
لكن بد ت تقلل من أملها فالذرية وهذا اللي مخوفني عليها
وتخاف من العمر اللي قاعد يجري فيها
تخاف من الوحــــــدة والله ما ألومها لكن ما باليد حيلة !!
ومع إنها ما كانت تشتكي لأحد أبدا
إلا إن الإنسان له طاقة ما يقدر بعدها انه يكتم
لما أزورها لأني صديقتها الوحيدة تحكيلي عن ألمها وخوفها
أخيرا يا بلسم فضفضتي عن نفسك !!
كانت تحضر ملابس كثيرة للأطفال وتفرجني عليها
تقولي هذا قبل خمس سنوات اشتريته وهذا قبل كذا وهذا قبل كذا !!!
تقول لازم اطل عليها كل بعد فترة لأنها تذكرني بالأطفال
تصدقون يا بنات إنها تحب الأطفال جدداااااااا
لكن ما تقـــــــدر تمسكهم
عارفين ليه؟
لأن أهاليهم يخافون عليهم من عينها !!!
حسبي الله ونعم الوكيل
هذا وهي إنسانه قنوووووووووووعه و ملتزمة وذكر الله ما يفارق لسانها
تقولي لما أشوف طفل على طول تلقائيا أقول ما شــــــاء الله تبارك الله لا قوة إلا بالله
تقول والله إني أخاف على أطفال الناس من العين !!
سبحاااااان الله
انا خايفة عليه والله حالتها تبكي
سبحان الله لما أشوف حالتها اعرف إن الله يحبها بإذن الله
لأنها محبوبة من الكل وأكيد اللي فيها ابتلاء مو عقاب
لكن تكسر بخاطري وما بيدي شي أسويه لها
سامحيني يا بلسم والله ما بيدي لك إلا الدعاء
ادعو لها يا بنات إن الله يرزقها بالذرية الصالحة المعافاة
ادعو لها الله يفرج كربكم
والله إنها بكربه ما يعلم فيها إلا الله
خاصة إنها كتومة وما تشتكي لأحد
انا اعرف أحيانا مشاكل تحصل لها من الناس وهي ما تحب تقول لأحد
والله يا بنات إني أخاف عليها
ادعيلها يمكن تكونين مستجابة دعوة
أو يوافق وقت استجابة
ادعيلها يوم الجمعه ادعيلها وانت صايمه اسألكم بالله اللي مصدقة كلامي كله تدعي لبلسم بالذرية الصالحة المعافاه عاجلا غير آجل
وترا ما نتم ملزمين لكن احبوا لأختكم ماتحبون لأنفسكم
وصدقيني انت الكسبانة بإذن الله لأن فيه ملك في السماء يقول ولك بمثل ايعني يعطيك ربي اللي تحتاجين
ودعوة المسلم لأخيه بظهر الغيب مستجابة
لا تنسونها ادعو لها في صلاتكم
اسأل الله العظيم رب العرش العظيم أن لا يريكم مكروه أبدا
وان يحرم وجوهكم على النار
وبتلقين أجر دعائك عاجلا او آجلا
اسأل الله العظيم رب العرش العظيم بأسمائه الحسنى وصفاته العلى أن يرزقها بالذرية الصالحة المعافاه
ويفرج كربها عاجلا غير آجل
اللهم آمين آمين آمين
جمانةالخير @gmanalkhyr
عضوة نشيطة
يلزم عليك تسجيل الدخول أولًا لكتابة تعليق.
نا هنا وهناك
•
الله يرزقها الذريه الصالحه ويقر عينها عاجل غير آجل بولد يخفف لوعتها
اسال الله العلي العظيم ان يفرح قلبها ويجزي صبرها خير الجزاء
يارب ارزقها وارزقني وكل المتاخرات يارب.
يارب ارزقها وارزقني وكل المتاخرات يارب.
رنوش 88
•
الله يرزقنا يارب ؤيرزق بلسم وكل وحدة تتمنى الذرية الصالحة ذكرتني نفسي لي الحين الي تزوجت معهم ماشاءالله بيزوجون بناتهم
الصفحة الأخيرة