16 سنة ومخطوبة

بنات إذا عندكم بنت عمرها 16 سنة وخطبها ولد توه متخرج من الكلية ملازم والأسرة حسب ونسب ومصرين يتزوجون البنت يكررون الخطبة

والبنت موافقه وتقول لخالتها تقنع أمها لأنها أعجبت بالولد وهي بكر أمها واللي يشوفها يقول في الجامعة سناعه وجسم بس شوي مدلعه ...

طيب اللحين هم مكررين الموضوع على الأم وهي تقول الله يستر عليكم توها صغيره ، والبنيه تراقب جوال أمها وترد على أم الخاطب إذا دقت وتعطي أمها الجوال

بس المشكلة ما تقول لأمها شيء تكتم مشاعرها :44:

هل تنصحين أمها وإلا كيف لأنهم وعدوها لو ملكت ما تتزوج إلا بعد ستة أشهر

أنا من جد راحمه البنية أحسها تخفي مشاعرها وأمها تسولف في الموضوع تضحك ضحكة مقهور وتقول حرام أنا توي صغيرة وش ذا بينما تطلب إن أحد يقنع أمها بدون يحسسونها إنها تبي الزواج ، وإنها معجبة فيه

بصراحه ودي أبوها يدري لأنه مدلع بنته مرة ولا أظن يكسر خاطرها