مثل ماهو واضح بالعنوان
16طريقه تخلي الكل يحسب لك الف حساب
وهذي او ل طريقه
1- حطي لنفسك معيار وما ترضين باقل منه
كيف
يعني حطي لعلاقتك حدود ما ترضين ب ادنى شيء
يعني جاراتك يسلمون عليك يزورونك بس ما ياخذون من أغراضك الشخصية
2- لا ترمين نفسك على أحد
مثال
لا تاخذين رقم أي صديقة جديدة الا بعد ما تطلبة هي منك اوتحسينها متقبلتك بنسبة 70% أو اكثر غير كذا راح تحرجين نفسك وبتحس هي بالمقابل انك تركضين وراها وتصير تتغلى وتشوف نفسها
3- لا تطلبين شيء من أحد تقدرين تسوينه
تعودي تصيرين عزيزة نفس حتى على خوانك الصغار هالشيء راح يعزز شخصيتك ويبعد عنك صفة الإتكالية
وحتى الناس تصيرتحب جلستك وقعدتك
4- لا تسبين نفسك قدام كأن من كان
يعني لا تقولين انا سمرة قصيرة دبة حتى لو هالشيء واضح مثل وضوح الشمس انتي بطريقتك هذي تفتحين عيون البنات عليك ويصيرون ينتبهون
5-لا تعطين أحد أكبر من حجمة
انسانة تتكلم فيك وتاذيك لا تعطيها اكبر من حجمها عامليها بحزم وخلاص انسي موضوعها لا تجلسي تاكلي في نفسك عشان الموضوع وتتشكي قدام كل أحد لالا طنشي واعتبريها صفحة ونزعتيها من حياتك وخلاص
6-لاتركضين ورى احد
لا تركضين ورى اخت صديقة زوج زميلة عمل ابدااااااااا
خلي دايم الناس تركض وراك مو من باب الغرور ولا هو تعارض مع حسن الابتداء والمبادرة
زميلتك تركضين وراها دايم تتصلين تسالين اذا ما ردت ترسلين لها مسج تتصلي عالبيت وعلى اهلها وكمان مطنشة
جربي اسبوع ما تتصلي والله بتتجنن ودايم اعملي كذا لا تجافي الناس كثير ولا ترمي نفسك عليهم
خليك بين وبين
تتصلين متى ماحسيتي انك طولتي عنها مو هي سحبت عليك ولا تركضين وراها دايم
7-حياتك لك انتي مو لغيرك
حياتك لك عزيزتي لك انتي مو لآحد غيرك شيء خاص فيك انتي تدخلين اللي تبين فيها وتطلعين اللي تبين
تدرين ليش لانك لما تحبين نفسك بتخافين عليها من النار لما تحبين نفسك بتتغذي صح لما تحبين نفسك ما ترمين نفسك على احد
8-صحتك تاج راسك
صحتك أغلى ما تملكين ولا أحد بيعوضك فيهالو خسرتيها حتى الأطباء بيعلمون اللي ربي قدرهم عليه مو أكثر
فلا تجازفي بعمرك ابر تبيض على حبوب تكبير ارداف على تنحيف على مدري وشو على وشو طيب؟؟؟
لا تتحملي المرض على حساب غيرك ما ابي اطفش اهلي ما ابي ازعج اخوي ما ابي اكلف على زوجي
9-دلعي عمرك <<<
سواء بجسمك بنظراتك با ابتسامتك با اكلك بجلستك
وخلي الكل يسال عن كريماتك عن عطوراتك عن شعرك عن مكياجك عن لبسك
10-الاتكيييييييييييت
هذا المسمى مو با الاكل فقط وترتب السفرة
لا هو اصلا نظام حياتي كامل
لما تمسكي القلم امسكية بكل رقة لما تمشي خلي مشيتك رزة وواثقة مو تسحيب رجول ولا ركض
11-تعودي دايم تقللي الشكوى
شيء ما يتغير لا تشكيه لانك تضيعين اجر دنيا ودين
،ترى الشكوى تخليك ملولة دايم ويصير بالك قصير وقعتدك مقرفة والناس تهرب منك ويمكن تسمعي كلمة اوووووووووووووه بس تشكي لان الشكوى مو بس تظهر ضعفك وقلة حيلتك كمان تظهر عدم نضجك وتحسس الانسان المقابل بالانزعاج والاستياء لانك ضعيفة ومهما قدم لك حلول ما تقتنعي فيها , دائما خلي شكواك استشارة بعيدة عن المناحة الكبيرة قولي كلمة ورد غطاها لو تقدري تدوري الحل بنفسك كان بها لو لااسالي بدون تذمر
مثال صغير: شعرك تساقط
طريقة سليمة :- تبحثي بالاسباب تسالي دكتور ويوصف لك دواء تسالي الصيدلي عنه وكيف يستخدم , تسالي جارتك اللي عالجت فيه
طريقة سيئة: ياربي بصلع شعري فروتي طالعه وزوجي ما يبيني يقولي احسك عجوز وحمواتي يضحكن بي الخ الخ الخ
( دايم الشكوى في الامور اللي مالها حل ,, لاتقومين بتكرارها لو صبرتي اجرك كبير ،
12-حياتك عيشيها بالطول والعرض
حيياتك لك انتي انتي انتي ايه انتي بعيوبك ومشاكلك بخيرك وشرك بجمالك وسحرك لك انتي
لاتعيشي حياتك على ارضا زوج او ارضاء اخ او صديقة لالا هذي لك
لا تتكدري لانه مادق ما اتصل ما سال ( زوجك طبعا )
زميلتك بالعمل تحاول تغيضك طنشيها وعيشي حياتك لا تتكدري عشان أحد ما يستاهل ترى اذا شافوك سعيدة ينغاضو منك وبيزعلون لكن لما تتضايقي يحسون انفسهم أقوياء وكسروكــ
13-قلبك لك يا عزيزتي
قفليه بمفتاح ولا تسمحين لاي احد يدخله بدون اذنك
واللي مايعجبك طلعيه من قلبك واطرديه لانه ما يستاهل قلبك
ولا تتاسفين عليه
لاني اللي ما يحترم قوانين قلبك ما يحترمك
واللي يتعمد يجرحك مكانه خارجا لقلب
14-حددي اهدافك
كلنا لنا اهداف عامة نسولف فيها
بس يبقىلنا اهدافنا الخاصة اللي نحبها ونبيها
المطلوب انك تكتبينهم بورقة ولا تخبرين اياحد عنهم
وتمسكين كل هدف وتبسطينة للخطوات المطلوبة تسوينها منه
مثلا
هدفي ادرس شيء
اشوف اني احتاج تسجيل - مبلغ مالي - مكان مميز يقدم لي الخدمة
وابدأ احط الخطوات في الفعل يعني اسويها
مو بس حبر وورق
لازم اسجل كل خطوة كم تبي مني وشكثر تبي
وبعد كل خطوة اشوف شكثر انا حققت منها يعني نصها ربعها اقل اكثر
وبعدها انقل اللي ما سويته للخطوة الجاية
وما يتم ان شاء الله الا خالص
ولما ما تخلصينه لا تزعلين
اجلسي مع نفسك وحددي اسباب فشلك
موضوع السرية في الاهداف يخفظ لك مصداقيتك وصدق اقوالك قدام الناس وما يحتاج اقول ان الناس مايعطون خير الا من رحم ربي
15-كوني قوية
القوة مو بالصراخ والصوت العالي
الانوثة ما تتعارض مع القوة
الصوت العالي والاسلوب الاستفزازي والكلام القبيح ما دل على قوة بالعكس ضعف
تدرون ليش ؟؟؟
لانها من قلت حيلتها وقلت ثقافتها بنفسها استخدمت التصريخ والتهويش
عشان تستعين فيها حتى تخفي ضعفها
وشوفي اللي تصرخ دايم تلقينها مسكينة لو جينا للصدق
والهادية الواثقة الرزينة دايم صوتها هادي
واخيرا واليس اخرا
وهي اهم نقطه
كوني حنونة على ذاتك
ارحمممممممممممممممممي نفسك
من ذنوبك من معاصيك من كل شيء يذيك
اكثري من الذكر والدعاء والاستغفار والصلاة على النبي وقبل كل هذا الصلاة بوقته
وخلي صلتك بربك قويه قويه وبثي شكواك بسجادتك لخالقك
واعيد واكرر ان هذي اهم اهم اهم نقطه
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
حتى السيرة اللي تجيب الهم لا تحكين فيها
المكان اللي يجيب لك ذكريات شينة لا تروحينله
ارحمي ضعفك وقوتك
بطشك وعدلك
حنانك وقسوتك
ارحمي كل حواسك
وقتها بترتقين
استعملي اللي ربي عطاك بالخير
ولا ترهقين تفسك لا فكريا ولا جسديا بشيء يضايقك
ترى الدنيا ما تسوى تعملي في نفسك كذا