الف مبروك نعومه
والف الف مبروك لصمت شجن
ياليت تدخل وتطمني عليها مره فرحت لكم ولصمت بشكل خاص

ألف ألف مبروووووك نعومي كيوت والحمد لله على سلامتك ومبروك ماجاك الله يرزقكم بره وصلاحه ❤️

الله يبارك فيك ياقلبي
اللهم لك الحمد أنا وأميري بخير يااااارب تحفظه وتبارك فيه وأنا أقرا كلامك قبل شوي قلت نفس مشاعري بس أحاول أتغلب عليها وأذكر نفسي إن الله الحافظ مهما حرصنا فاستودعه الله وأتوكل
بالنسبه للولاده كانت ميسره الحمد لله أخذت نصفي وكنت أحس بحركتهم وهم يحركوا بطني ويخرجوا ولدي وحسيت بررررراحه لماسمعت صوته بس ما اعطوني اياه على طول وطول يبكي سألت الدكتور اللي واقف عند راسي ولدي بخير قال ايوه ماشاء الله بس ينظفوه ويجيبوه لك
مرت دقايق وجابوه واعطوني بس راسه بسته وراح 😭😭😭 وسبحان الله تحجر الدمع في عيني وجاني برووود وكنت بس ابغاهم يخلصون واطلع وكنت ما أحس بشي ابدا ولا كأني والد وفرحت بالعافيه وبس أذن الظهر بدت الآلام شي لا يطااااااق شي زي الكهرب يمشي في بطني وابكي واطلبهم مسكنات ويعطوني وماتفيد سألت الممرضه ليش كل هذا الألم قالت حاطين لك نفس مادة الطلق الصناعي في الغذايه كويس للرحم وعلى هذا الحال لبعد المغرب وأنا في آلام الله يكتب الأجر وبعدها صار كل ما اخذت ابرة المسكن يهدأ الألم ثلاث ساعات وبعدها يشد مره ثانيه وما اعطوني ولدي أبدا مع اني طلبتهم بس رفضوا وفي اليوم الثاني نفس الشي آلام بس فكوا القسطره وبدت معاناتي مع الانتفاخ من جد الله يكتب الأجر بس زارني ولدي ورضعته وهان عليه كل شي وصار اغلب الوقت معي وتعبتني العمليه الله يرزقكم جميعا بالولاده الطبيعيه
لأن القيصريه معاناة مستمرررره وما يكون عندك قدرة تخدمي نفسك ومولودك

الف مبروك نعومي والحمد لله علي السلامة يتربى في عزكم وعقبالنا جمعا بالولادة السهلة الميسرة

نعومي
الف الف مبروك ماشاالله الحمدلله ع سلامتك وربي بفضله يسر لك عالم بحالك الوضع بمستشفيات الحكومة مزري صراحه الله المستعان