السلام عليكم

اختي جود ..

الله يسهل عليك ويقومك بالسلامه ويجعل مولودك من الذريه الصالحه ..

مثل ماقالوا الاخوات الدارسين ممتاز وكمان التمر والعسل ..

اما المشي لاتكثرين منه يعني مجرد ماتحسين انك تعبتي على طول ارتاحي لانه هذا يتعب الطفل يعني بس تتعبين الطفل يتأثر على طول ..


عموما انا جديده بأسمي بس قديمه معاكم ..

والله يقومك بالسلامه وجميع الاخوات اللي تنتظر مولود ..
ويرزق جميع الاخوات الذريه الصالحه ..

أهلين أختي أم نوري...

مشكورة حبيبتي على المرور.. بس بالنسبة للمشي أنا ما أمشي وايد... لأني في بلاد غربة... وما أقدر أطلع إلا مع زوجي يعني طلعاتنا قليلة وهو في دراسة يعني المشي مو كل يوم بالنسبة لي.. بس أحس أنه معدل المشي بالنسبة لي زين يعني تقريباً في الأسبوع أمشي 3 أو 4 مرات بين الثلث ساعة والساعة كل مرة... زيادة على هذا شغل البيت..

بس أنا أقول أحسن أني أكثر المشي شوي لأن الدكتورة لما فحصت قالت لي 1 سم والبيبي مرتفع... أظن المشي بينزله شوي..

واللا إنتي شو رايج..


وبعدين الصراحة أثرتي فضولي..

أنتي عضوة جديدة واللا تقصدين أنج قديمة بمتابعتج للمواضيع؟؟
وما كنتي عضوة قبل؟؟؟

الله يعينج على فضولي.... :17:

تحياتي:26:

اولا كل وحده تدش شهرها لازم ينفتح الرحم 2 سم يعني شي طبيعي

انتي ليش خايفه ؟؟ خلي الطلق يجي من الله .. اللي تجيب بطلق صناعي مثلي هي بس اللي تخاف .. متى حددو موعد ولادتج ؟
ديري بالج تشربين دارسين لانه يعسر الولاده ويزيد الطلق والالم عالفاضي خصوصا بامريكا لايخدرون ولاشي والله يعينج مادري شلون بتولدين وتنفسين بروحج ولو راده لاهلج احسن

بالنسبه للخروع وحده تقول ان الدكتور ( الصليلي ) ينصح فيه مع اني قريت تجارب سلبيه للي جربوه بس اعتقد انهم جربوه بطريقه غلط .. يعني لازم نشرب ملعقه صغيره بس مع عصير برتقال .. بس انا خايفه اجربه

ووحده قالت انها من بدايه التاسع وهي تشرب حلبه وتقول ولادتها سهله بس مادشت الفكره في راسي ..
دشي هالرابط ونفذي اللي فيه لاني ان شاء الله من باجر بنفذه لاني زهقت وبولد وافتك

اضغطي هنا


من باجر ان شاء الله بشرب مغلي الزعتر والبابونج والحبه السوده وبحليها بعسل طبيعي
وباكل تمر وعسل مقري فيهم .. طبعا انا بقرا فيهم كل الاذكار والايات
وبشرب كف مريم
طبعا مع المشي بس اذا تعبتي اقعدي لاني بولدي اللي قبل مشيت لين تعبت ولا ارتحت وبغيت افقد الجنين والسبه كثرة المشي وعدم الراحه
والاكثار من النوم مع الزوج لان في الحيوانات المنويه ماده مسهله للولاده وتستعمل في الطلق الصناعي اصلا
وبكثر من جلسة القرفصاء وتمارين الحمل للشهر الاخير

بس على فكره انا ماجربت كل اللي قلتهم ومااجبرج تجربينهم اختي
والله يهون عليج وعلي وعلى الجميع ان شاء الله ويعيني اطبق كل اللي قلته فوق
:26:

لا تنسوا اسرانا والله دعيت لك في الحرم الله يسهل عليك .................

~المعتصمة بالله~ والله اني حبيتك في الله ما دريت انك في التاسع الله يهون عليك الولاده في الغربه وجميع المسلمين
لاتنسيني من الدعاء وجميع اللي بيولدون ان الله يعوضني ويرزقني ولد مثل ولدي اللي مات
* جــــ(* _ ~)ـــــود* عزيزتي الله يسهل عليك الولاده كثري من الدعاء

انصحك القرفه لاتاخذينها تزود الطلق تخليه موت هذا من تجربتي عليك بالرطب سويه عصير وكثري من العسل
عندي سؤال ممكن ؟؟؟؟؟؟؟؟؟؟
هل المشي الكثير في التاسع يأثر على الجنين

مشكورة حبيبتي لا تنسوا أسرانا...

وأنا الصراحة قارية وايد عن الدراسين أنه ينفع بعد ما يفتح الرحم..
بس خلاص ما بسوي شي بنتظر الموعد الجاي... وإن شاء الله خير.. والمشي طبعاً باستمر عليه والزعتر مع العسل بعد والله المستعان..

الله يسهل عليج حبيبتي...

أهلين أختي أمي الحنونة...
مشكورة حبيبتي على دعائج... والله يعوضج بخير إن شاء الله..
وبالنسبة لسؤالج
على كلام الأخت لاتنسو أسرانا.. تقول أنها كانت بتفقد الجنين بس هذا إذا كان المشي وإنتي تعبانة.. يعني لا تتعبين نفسج بالمشي..
أهم شي أنج تمشين مدة ما تقل عن الثلث ساعة في اليوم...

الله يرزقج الذرية الصالحة...