حبيبتي ماقويت اطلع بدون ماارد عليك

والله اني دعيت لك تالي الليل دعوة من قلب اختك لك بظهر الغيب
ودعوة المسلم لأخيه المسلم مستجابه باذن الله

وعسى الله يفرج همك ياخيه عااااااجلآآآآ
ويكفيك شر عمتك وشر من فيه شر
" اكثر من الاستغفار واهملي الاحداث اللي تجيب الهم "

انسي الماضي كله
احذفيه وراء ظهرك فكري في بكرى والزواج مو شرط للسعاده وعمتك هي نوع من الناس واشكالها كثير

بس شوفي الدواء مع الدعاء يعني لازم توقفينها عند حدها لازم تكوني قويه وتردين عليها واللي يتكلم في عرضك لاتسكتين وتقولين حسبي الله امشي وحققي بالموضوع لين تسكتينهن الحين عمتك صابه عليك امراضها النفسيه ياعلها للمرض اللي يقص لسانها لانها تشوفك ضعيفه بس لما يكون لك قوه ولسان بتتركك وتخاف هذولا النوعيات ماينفع معها الا كذا

واعتزي بنفسك وشخصيتك
وولدعمتك كان مراهق وكبر وربه حسيبه لاتفكرين فيه وتقولين مرته طيبه وليش ادعي عليه لا ياقلبي شيليه من راسك لاتدعين عليه ولا يدعي عليك ويستحسن

تتعرفين على بنات وصديقات من برى عيلتك اومن المنتدى هنا وتسولفين وتاخذين شورهن

ولا تفكرين بالعرس وانه المنقذ الوحيد لك
فكري انك انتي اللي تبينه يصير وصدقيني يصير

بس انتي لاتحطمين نفسك وتكبرين الموضوع وترى الاعتداء عليك حصل وانتي صغيره ومسكينه والحين انتي حرمه كبيره ولا يهمك شي

حسبي الله ونعم الوكيل
الله ينصرك ويستر عليك في الدنيا والاخره يارب
ويرزقك الزوج الصالح والذريه الصالحه
عاجل غير اجل يارب

كوني مع الله كما يريد يكون لك اكثر مما تريدي
صدقيني نصيحة من قلب مشفق عليك