إذا تبغين بيتك يلمع لمعه ملحوظة وتحسين بالنظافة والريحة الحلوة والتعقيم تعالي اقولك
جدتي الله يطول في عمرها إن شاء الله كانت تسويها زمان وكلنا توارثنا منها هذي الطريقة
بس أيش نظافة وسهلة
جيبي علبة رش نظفيها وحطي كلوركس ابيض بمقدار غطاء واحد وأي مطهر تحبينة وانا يا بنات انصحكم بديتول
برائحة الخزامى ريحتة خياليه( صراحة بصعوبة ألاقية) واضيفية بالمقدار إلي تحبين
وثالث شي حطي شوي فيري يعطي لمعه وابدي بخي ومسحي بفوطة ناشفة ومافيه مثل القطن(الفنايل الرجالية لأنها لاما تطلع الشعر)
والله يابنات اني استخدمها لكل شي حتى للخشب ولا تقولين يخرب امي الله يعطيها
الصحة والعافية صارلها 25 سنة في البيت ما تستخدم إلا هو ماصار للخشب إلي عندها شي
انا انضفق فية ابواب البيت الخشب والحديد والطاولات والدولايب والتلفزيون والمطبخ كامل مع المجلى والثلاجة والفرن
المغاسل السراميك والرخام غسالة الملابس كل ما يخطر لك على بال
ولو عندك اماكن صعبة ما تقدرين توصلين لها بخي عليها وراح تشوفين كيف التراب يطلع منها
عاد انا يا بنات بصراحة حاولت التعديل عليها شوي ونجحت اسوي منها علبتين علبة بالكلوركس الأبيض للمطبخ والحمامات والمغاسل اعزكم الله
وعلبة بكلوركس بأي ريحة تعجبك لباقي البيت
جربوها بتدعون لي إن شاء الله
وموفقين يا عسولات :42:
