صدقتي والله
حسبي الله نعم الوكيل
الله لا يوفقهم وبدعي عليم في هذا الشهر الفضيل قطعوا ارزاقنا درسنا وشقينا واخرتها اللي درس واللي مادرس في الهوا سوا
تخصصات مثل الناس ماعندنا
وظايف مثل الناس ماعندنا
ان شاء الله بس يفتحوا كليات وجامعات وتخصصات ثانية في الشرقية عشان الاجيال الجاية
الشكوى لله

Dreams4u
الحالمه

وصلني خبر من عدة جهات ( حشى صايرة مذيعة اخبار :27: ) وهذه الجهات في مناطق مختلفه

من مدينة الرياض ، تقول المصادر المطلعه أن الرياض فيها احتياج كبير للغه الانجليزيه لكل المراحل

ابتدائي ومتوسط وثانوي ، وبعض المدارس لديها نقص ، وتوجد عقود على بند محو الأميه براتب قدره

2500 ريال ، يعني غير العقد ابو 180 يوم وراتب 3500 ريال اللي يبون يغرون فيه المدرسات

للذهاب لمناطق نائيه ، المهم اني زرت مصدر من هالمصادر جعلهم الهدايه والصلاح ورحت بملفي

واوراقي لعل وعسى ، طبعا انطقيت وانتظرت وانا قايمه من صباح الله وصايمه وعطشانه

الله ياجرنا بس ، وبالاخير جت طويلة العمر المصدر هههههههه يداومون على كيفهم الله يهديهم

المهم سوت لي مقابله وخلتني اكتب بورقه خطوات درس من راسي وهي تطالع فيني بعين

قويه ، وانا مستخيره ربي قبل اروح ان كان في هالوظيفه خير تحصل والا الله يصرفها ،

طولت السالفه وهي قصيره ، المهم فيه وحده ثانيه جايه ومعها واااااااااااااو

جلس هالمصدر يحوس مايدري وش يسوي ثم اتصالات ثم قالت كلكم مستواكم زين

بس هي اللي فازت في المفاضله ، قلت الله اكبر قال صفو صفين قال حنا اثنين !!

كل هالمدارس وماطلع الا وحده في المفاضله بين ثنتين ؟

طيب وباقي العقود وين راحت وش تنتظر في الادراج ؟

ايه صح تذكرت :17: تنتظر الـ وااااااااااو تفتح الدرج وتطلعها ربي حسيبهم

المهم رجعت خالية الوفاض ومعي وريقاتي وتوكلت على ربي يعوضني خير منها

وصليت الظهر ونمت :27:

أمل نجد

هههههههههههه الله يوسع صدرك قولي امين:42:

الله يعينك ياقلبي

انا ابشرك

غسلت يدي منهم تماما وبتاتا البتة

خلاص ماعاد بفكر فيهم قلعة فيهم وفي تدريسهم

يجيب المرض والضغط

اقول خذيلك شلة بنات ودرسيهم خصوصي

والله انك صادقة الله يقطع الواو وسنينها

أمل نجد

حسبي الله ونعم الوكيل :(

حبوبتي انا رحت اول مانزل الاعلان
الاعلان نزل الاربعاء وانا رحت الصبح والله يابنات مافي غيري انا واربع معي حتى ابوي استغرب يقول وين السيارات؟؟

المهم رحنا للمسؤوله ولقيتها جالسه في المكتب وتقول فيه اكتفاء...
انا جمدت مكاني بغيت اخنقها الا اللي معي مسكتني..هههههههههه

ماعرفت وش اسوي
قلت لها الحين متى الناس قدمت والاعلان كان الاربعا؟؟قالت الرئاسه بغت بس الحين مكتفيه..
درت ظهري وقلت حسبي الله ونعم الوكيل الناس شكلهم قدموا يوم الخميس والجمعه بعد الخطبه...والبنات ماتوا ضحك ههههههههه
اما ابويه في السياره عاد زعل لييين صدع لانه اجل رحلته لليوم الثاني عشاني والله يقول صدقت طاش ماطاش يوم علقت عليهم...
الناس امم في البيوت..لا وبعد مايتيحوا شي عسى ربي حسيبهم ...
اخخخخخخخ والله اني مقهووورة بس الحمدلله:17: