ليالي 555 @lyaly_555
عضوة نشيطة
2700 سفرتني وقضت حاجاتي وباقي ماخلصت كيييييييف
صباح الخير بنات ذا اول موضوع لي بقسمكم وصراحه اتمنى الكل يستفيد من قصتي ويعرف ان الدعاء لله والصدقه من جد تبارك في الرزق والمال يتضاعف ولاتدرين كيف باقولكم قصتي وهي اني الحمدلله صاحب الحمد موظفه وراتبي زين لاكن كله التزامات ومصاريف ورسوم مدرسه اخوي الخاصه انا ادفعه غير اغراض بيتنا والقرض المهم مايبقى من الراتب ينتهي قبل اسبوع او اسبوعين من الراتب واحيان نفس الاسبوع يخلص في الاجازة قالوا اهلي نبي نسافر طبعا السفر يكون قطه بيني انا واختي وابويه قالت اختي كم باقي معاك من راتبك قلت 2700:44:قالت لييييييييييييش نبي نسافر وتدرين فيها الفندق والاكل فطور وغدى وعشاء وطلعات ومنتجعات ومقاهي واسواق وملاهي لاخواني وعيال اختي قلت هاذا الحاصل ان شاء الله تكفي هي كان راتبها كامل مانقص الا القرض 700 ريال وانا قرضي 1700 ضعف قرضها وعندي رسوم مدرسه اخوي وكمان اعطيت الوالد 1100 من راتبي واعطيت امي 500 بس للامانه كانت سلف ودفعت حساب اغراض شاريتها من مندوبه وانا في المدرسه عندنا خاله مستخدمه طبعا هي ماتجيب عيال وتعدنا كلنا عيالها اخذت من عندها نقشات حنا لامي وقالت سعرها 12 ريال وتمزح معي تقول انا امك اعطيني حق النقشه 100 ريال قلت ونعم فيك من ام خلاص بعطيك بس مو 100 واعطيتها 15 ريال بدل ال12 لاني عامله حساب السفر ونويت ان الريالين صدقه واعطيت بنت صغيره ريال ونفس الشي قلت صدقه وكنت كل ماروح مكان اخرج ريال او ريالين صدقه وعساها مقبوله يارب وانا في السفر دعيت الله ان يبارك لي في مالي واستودعته مالي ان يحفضه ويبارك لي فيه والله العظيم يابنات اني دفعت مع اختي حق الفندق وكمان انا غديت اهلي ع حسابي 3 ايام وهي يمكن مره وغير كيذا سحبت 300 ريال ودخلنا مكان مره غالي وهي سحبت 200 واحنا في طريق الرجعه للفندق قالو يبون عشاء واعطي ابويه 100 ريال قلت حق العشاء وفي السفر سحبت مبلغ واعطيت ابويه قلت حق الطريق وفي الرجعه سحبت كمان انا حق الطريق وغديتهم ع حسابي وصلنا الحمدلله بيتنا وباقي من فلوسي 1500 تقريبا وانا كنت متوقعه اني برجع مفلسسسسسسسسسه مامعي شي ولايفوتكم رحت السوق وقضيت لي ولاختي الي مو موظفه رجعنا من السفر واكتشفنا ان البيت فاضي لانا سافرنا اخر الشهر ماقد قضينا قلت لاختي ادفعي جزء وانا جزء ونقضي اغراض البيت لان باقي في اول الشهر استغربت ردها يابنات قالت والله العظيم مامعي غير مصروفي حتى حق دوى الربو حقي صرفته :( انا تفاجات لان هي راتبها كان كامل وانا بس 2700 وغير كيذا صرفت اكثر منها واعطيت الوالد منها وهي اشتكى لي الولد قال ماعطتني يوم طلبتها من راتبها الف ريال كنت ابيها بالرغم الحمدلله هو راتبه زين بس نقصت عليه فلوس شغله وكان يبي منها هي ورحت يابنات المستشفى وكان خاص لاني تعبانه بعيد الشر عنكم ودفعت مبلغ وقدره وخرجت وقلت للوالد مر خلنا نشتري اغراض للبيت والله جبت اغراض اختي تفاجات اني جايبتها قالت اكيد مكلفتك فوق الالف قلت لا والله اخذت فلوس من ابويه وكمان زدت من عندي مبلغ وقضينا اغراض تكفي لشهر الجاي (الفائـــــــــــــــــــــــــده من القصه )اولا الصدقه حتى بالقليل لانه عند الله ان شاء الله كثير وتحسبونه هينا وهو عند الله __الايه ثانيا الدعاء وان نستودع الله اموالنا ان لانصرفها الا بالحلال وان يبارك لنا فيها ثالثا الصدقه على لاقارب واهل البيت والانفاق عليهم واحتسابها عند الله لان افضل صدقة الرجل على اهل بيته كل تلك الاشياء هي التي باركت لي في ماتبقى من راتبي ولاازيدكم من الشعر بيت باقي معي في الصراف مبلغ والله العظيم يكفيني ان شاء الله الين نهاية الشهر اخيرا من تقراء موظوعي تدعوا لي بالشفاء وتدعوا لي ولاخواتي بالزوج الصالح
41
3K
يلزم عليك تسجيل الدخول أولًا لكتابة تعليق.
~ موحده بالله ~
•
أسأل الله تعالى لك شفاءً تاما لايغادر سقما وأن يرزقك وأخواتك الأزواج الصالحين
أسأل الله تعالى لك شفاءً تاما لايغادر سقما وأن يرزقك وأخواتك الأزواج الصالحينأسأل الله تعالى لك شفاءً تاما لايغادر سقما وأن يرزقك وأخواتك الأزواج الصالحين
الله يسعدك في الدارين واسال الله لي ولك خير الدنيا والاخره ويرزقنا اكثر مما نتمنى وان يجعني بكم في جنة عاليه قطوفها دانيه على سرر متقابلين يارب اسعدني تواجدك في صفحتي
الله يشفيك ويعافيك ويبارك لك في مالك ويخليلك ابوك ويرزقك الزوج الصالح انتي واخواتك وجميع بنات المسلمين
سارا
•
الله يشفيك ويعافيك ويبارك لك في مالك ويخليلك ابوك ويرزقك الزوج الصالح انتي واخواتك وجميع بنات المسلمين
الصفحة الأخيرة