~.Robin.~ :

اسفة اتأخرت بالرد عليكي بس حساب ( غدي ) مشترك بين اكتر من وحدة فسويت لي حساب اخيرا و كنت بانتظر النفعيل الله يخلي لك الوالدة و ما يحرمك منها ابدا يا رب و يا رب يطول بعمرها و يحفظها لك الولد هادا حسابو عند ربو عسير تشويه سمعة الناس بشكل عام حسابو عسير و منهي عنو كيف ا لو كان عن المؤمنات المحصنات الغافلات العفيفات؟ ما عليكي منو في فوقك رب شايف كل شي و عارف كل و حقك عندو ماراح يضيع رب ضارة نافعة و ربي ما ياخد شر الا عشان يعووضك بخير ان شاء الله انا من المدينة وراح اقولك حسب ماني شايفة عيلتنا مسوية اولا بعد ما يجو الحريم و يشوفو البنت و تعجبهم و تصير الشوفة الشرعية و كل شي يمشي تمام يتقابلو الرجال و يحددو يوم لقراية الفاتحة و تكون في بيت اهل العروسة او في استراحة على حسب عدد الرجال اللي حيحضروا و اذا البيت ما كفا ياخدو استراحة ممكن يكون في عشا رجال او لا عادي على حسب اهل العروسة اذا يبغواعشا او لا المهم الفاتحة على اهل العروسة بعدين يعملو العرسان الفحص الطبي و بعد ما تطلع النتايج يحددو يوم للملكة اذا يبغوا ملكة و شبكة في نفس اليوم راح تكون الشبكة على اهل العروسة طبعا و اهلن العريس ما يسوو عشا بعد الملكة لأنهم اصلا طالعين من المسجد على مكان الشبكة او الحفلة سواءا بيت او استراحة او قاعة لكن لو يبغوا ملكة بدون شبكة يعني ملكة وبعدها بفترة الفرح يكون في عشا رجال و يكون على اهل العريس لكن اذا يبغوا ملكة و بعدها بفترة الشبكة راح تكون الملكة على اهل العريس و الشبكة على اهل العروسة بالنسبة للفرح عندنا دايما تصير وحدة من الحالتين اما يتفقوا الرجال ان اهل العريس يشيلو الفرح كلو لحالهم لكن هادي الحالة تصير اذا كانو اهل العرووسة على قد حالهم او ان الفرح يكون نصوا على اهل العريس و نصو على اهل العروسة و هادي اكتر و اغلب الحالات اتمنى اكون جاوبتك عاللي تبغيه

اسفة اتأخرت بالرد عليكي بس حساب ( غدي ) مشترك بين اكتر من وحدة فسويت لي حساب اخيرا و كنت بانتظر...

~Hano~ :

السلام عليكم ككيفكم ي عرايس بنااات شبكتي ما باقي لها ششي وانا مرره حاايسسه الله يعين بس باخذ رايكم والي عندها خلفية تخبرني انا فستاني لونو خربزي مرررره فاااااتح ايش اختاار لون مسسكة والعودي يجي معاه حلو ؟؟؟!! ايش رايكككم باقي 5 ايااااام بسس :"(

السلام عليكم ككيفكم ي عرايس بنااات شبكتي ما باقي لها ششي وانا مرره حاايسسه الله يعين بس باخذ...