بنات فيه كريم اسمه كيوفيQV مرره رهيب لترطيب الكل يمدحه
دورت عليه بس محصلته إذا لقيته أكيد باجييبه
عاد قلت لكم عشان تستفيدوا انا مالقيته يمكن غيري يلقاه ❤

تجارب احد العرائس


رجعنا لكم بعد الزواج بالكلمة المشهورة / الزواج ما يسوى همه



الحمدلله يارب .. انا مثلكم كنت شايله هم وافكر لدرجة آخر اسبوع اقول
يا ربي احس اني ما حـ امشي ..


اكيد كلكم بـ يمر عليكم نفس هالشعور بس لا تعطوون أي بال لأي أفكار
سلبية .. الأمور توفيق من الله وصدقوني بالدعاء وقراءة القرآن بـ يتيسر كل
شي ..



المهم / لا تاخذون اغراض مرة كثير معاكم بالسفر , اهم شي تكثرون ملابس
داخليه وأهم شي وافضل شي بينفعكم الكلوتات حقة الدورة حقة االاستخدام
الواحد هي وفوط كيرفري اليومية .. لااااااااااااااااازم بشنطة كل وحدة فيكم !



الاستشوار والفير اخذتهم ولا استفدت منهم ابدا لأن من الصبح نطلع ولانرجع
الا بالليل يا الله اتروش واتمدد .. مافي وقت ! كل وحدة يعتمد وين بتسافر وكذا ..


العطر انا استخدمت معاي عطر واحد مونتال Intensive Oud واخذت معاه
خمرية العروس من الماجد ومخلط ريما من الدخيل



المجموعة اخذت من محل بحياة مول مااعرف اسمه .. اي صح افضل
شي استفدت منه شنطة الشاور اخذتها من فكتوريا سيكرت يارب تجزاها
الجنة اللي كتبت عنها وقريتها .. والله العظيم بنات مررررة مفيدة كنت اطلعها
من الشنطة الكبيرة واحطها بالحمام وانتوا بكرامة حتى شكلها مرة جميل ومرتب
و اخذت كل شي المجموعة و غسول وجهي و شامبو شعري واعواد الاذن و
الموس والمشط مرة جميلة



المهم / بنات والله لبسكم مو مهم قد نظافتكم وريحتكم .. لازم ريحتك تكون ريحة نظافة وجمال وجاذبية !

لا تخربين شهر العسل بالدموع والصياح واشتقت لأهلي ومدري ايش حطي ببالك
اهلك مرة مبسوطين عشانك ويبوونك انتِ بعد تنبسطين



استغلوا كل لحظة ودايما خلي كلامك حلو ولسانك حلو , والرجال مايحب اللي صوتها
طويل وكلامها كثير حطوا هالشي ببالكم .. وصدقوني مثل ماتعطينه وترضينه
بيعطيك ويرضيك ..


الخلافات واختلاف وجهات النظر امر وارد لا تصيرين مرة ماسكة وعنيدة
عشان لا تطول السالفة ..

هذا السيناريو سويته ليوم الزواج
لي ولكم وان شالله تستفيدون منه وتفيدوني اذا في شي ناقص


من ليلة الزواج مرطبه جسمي + شعري الترطيب الأخير
ويكون بدون روايح لان ماعاد فيه وقت الشعر كريم بدل الزيوت والجسم كذلك
مجهزه الفواكه اللي أحبها
فراوله وخوخ
بصحى على صلاة الظهر ان شالله وأصلي (هذا اذا نمت )
وآكل فواكه واشرب مويه + اذا الوضع يسمح اشربي شوربه ماجي خضار او شعيريه وابعدي عن اي اكل جاهز او ينفخ البطن او له روائح نفاثه+ ابعدي عن ساندوتشات الجبنه لانها تتخمر وتسوي ريحه سواء بالمعده او افرازات الجسم
ولاتقولين ماعمري شميت ريحه .. ماعمرك شميتي لان ماعمرك قربتي من جسم احد لهالدرجه ..والجبنه تأثر عن روائح الجسم مو الفم
آخذ شور من قلب بدون تقشير ولا اي شي شور جل وبس
اطلع ألبس وماراح ارطب جسمي عشان ماتتغير ريحته اثناء اليوم فالمشغل لانه اخر شور قبل الفستان ( بقولكم متى ترطبون )
واحط مزيل عرق ومرطب للوجه فقط
ورجولي فازلين او جلسرين وشراب وجزمة مسكره لحد وقت ماتسوين اظافرك او اذا مسويتها قبل بيوم ..ولبس أنيق للصالووون

للصالون: راح اقعد فيه من 2 الى 7 المغرب
لذلك بجهز معي ترمس صغير شاي بالنعناع والليمون ونتفة زنجبيل صغيررررره وعسل قد ماتحبين او سكر يطيب ريحة الجسم والفم ويبعد عنك الغازات او اي توتر فالبطن ممكن تاخذين تمر او كم حبة فواكه عشان ماتضطرين تاكلين معجنات او كوراسون او اي شي ينفخ من الصالون اذا مره مضطره اي نوع بسكويت وشاي من الصالون بس اكل ما انصح ابدا

وترى مهم جدا جدا هالشي
لأنه يأثر عن ريحة الفم
والمعده تصير بارزه شوي من الأكل
والقولون طبيعي تكون فيه غازات
لكن هاليوم واليوم اللي قبله مهم وكثير بنات قالو لي
ان بعض الوضعيات يابنات
(بدون تفصيل ) ماتتحكم الوحده بنفسها بشكل طبيعي بالغازات ويصير احراج كثير واصوات وبتقعدين على اعصابك بالإضافه لروائح المنطقه تتأثر بالبهار والروايح القويه
اكيد طبعا ماراح تاكلين ثوم وبصل بس الاكل النفاث كثير
التشبسات او اي شي فيه خل او ملح او ليمون يخرب ريحة الجسم
كمان الأكل المقلي والبرقرات كلها تسوي ريحه فالجسم

في شنطة يدي او كيس : مصحف او البقره تكون في جوالك + الشاحن + مرطب لليدين والاقدام +صور للشعر والماكياج اللي في بالك سواء جوال او مطبوعه + التاج + الطرحه + عدسات اذا بتلبسين + محلول +دهن عود تحطين بشعرك اول مايغسلونه وهو مبلول قبل السشوار والتسريحه +مناكير وروج عن نفسي باخذ الالوان اللي ناويتها تحسبا لأي طواريء

شنطة القاعه :مبخره + بخور + جمر+ احسن من المبخره الكهربا لانه يطلع ريحة العود الزييينه
مزيل عرق + فوطه صغيره + عطر الزواج + مسك + ملابسك الداخليه + سبراي شعر + صمغ رموش + كريم اساس + بودره + كحل + مناديل مزيل مكياج ماتدرين عن الظروف من وقتها للزفه +محلول العدسات +مشابك شعر + مشابك جسم + علبة خياطه صغيره + عن نفسي باخذ شوز اضافي تحسبا + شبشب البسه فغرفتي فالقاعه ماراح اقعد بالكعب طول الوقت تعببببب + الفستان تخيلو تنسونه
العبايه او العبايه البيضا المهم الشي اللي ناويه تلبسينه وانتي طالعه يكون مكوي ومعلق ومعطر ومبخر + علكه + معجون وفرشة اسنان للظروف + المسك الابيض

وعن نفسي بحط ضيافه لصديقاتي واللي يدخل عندي وشاي وقهوه وبوكيه ورد
لان زواجي فديره ثانيه وكثير ناس بتتعنى عشاني

بالنسبه لكريمات وعطور الجسم رأيي
وانا حره فيه
يكون في الشقه او الفندق المهم المكان اللي بتغيرين فيه فستانك
طبعا انا ضد انك تاخذين شور
لأنك نظيفه وشعرك ترى مع العود والبخور لوعرقتي شوي يعطي ريحه جميله سبحان الله وتجذب مرررره بالنسبه لهم ..مافي مقارنه بين ريحة الشعر وريحة الشامبو
بعد ماتنزلين الفستان
تبللين فوطه وتمسحين فيها رقبتك وخلف الاذن ومنطقة الابط والسره اكثر من مره
ومن تحت تشطفي بغسول نسائي اي شي تحبين
وبعدين مسك في أماكن النبض البواطن ومسافط الجسم
ومكان مهم جدا جدا جدا تشطفينه وتنشفينه حطي تحت تنشفينه مليون خط اللي هو مابين أصابع القدم ..نشفيه زين وحطي بين الأصابع مسك او دهن عود لاتحطين عطر عشان ماتقلب ريحته لان 99% يحبون أصابع القدم
بدون مبالغه كل صديقاتي وصوني اهتم بما بين الاصابع لانه راح يمر عليها
وحطي لوشن على اللي تقدرين من جسمك وتعطري والبسي القميص
المعجون ريحته وطعمه يضايق
يكفي بعد اخر مره تاكلين يوم الزواج تفرشينهم وبعده علكه او حبة شوكولاته وقهوه وخلاص
لأن الروايح القويه تنفر نفس الروائح الشينه
يعني شرايح نعناع او غسول فم وهالاشياء هاذي لاصحيتي من النوم
مو قبل ماتبدأ ليلتك
لأن المطلوب فهاليوم روائح جسمك بشكل نظيف
مو روائح صابون وشامبو ونعناع

معلومه للبنات اللي يحبون يتفننون بزياده
قميص النوم اذا كنتي رايقه وفنانه
البسيه اكثر من مره قبل الزواج لما تنامين بشرط تكونين نظيفه
راح تمسك فيه ريحة الجسم الجذابه ومع العطر يصير شي خرافي
وهالكلام من دراسه بريطانيه ومن البنات اللي مايلعبون هههههه

انا عن نفسي مافي امل عساني اخلص تجهيز
بس يمكن احد منكم يبحث عن أسرار الحريم الحقيقيه
وادعولي اطبق هالكلام لان باب النجار مخلع
منقول

حياتي طيف وفقتي بالنقل كلام مفيييد جدا و ان شاء الله الكل يستفيد

الدلوووعه ''''' مشكوره حبيبتي ربي يسعدك ويبارك لك