والله قويه طفل روضه 300 اجل لو تخرج جامعه كم

صلحي لها حفله بالبيت تعزم كل الاطفال صاحباتها وجيبي هدايا وينشدو

وغيبيها واذا شفتيها مره متعلقه بحفلتهم بالمدرسه عاد 300 فدى عيونها

مثل بنتي طالبين 300

وعلى ايش ما ادري كلها فستان مايتعدا الخمسين وبكله وطووق بريالين

الله يعين عليهم

والله ياعمري نفس الشي طلبوا 250قلت ليش قالوا عباية التخرج والسي دي تبع الحفل والله رفضت ليش الاستغلال موهم الي بيسوون الحفل ليش ما يحسبونه من الالاف الي لخفوها وغيبت البنت وسويت اطلق حفلة ويوم اشوف العباية لبنت الجيران الا هي ماتتجاوز ال20ريال وقماش اي كلام والصور مو واضحه وحفل خرطي والبنت عايشه ماماتت ولاانكسرت وتفاهمت معاها وقلت لها ترضين احد يستغلك قالت لا قلت وانا امك اسوي لك احسن منهم واجمع بنات خالاتك وصديقاتك وعدا الوضع ويا كرهي للاسغلال :icon28:

والله حرام المبلغ هذا يروح على حفلة تخرج ويا ليتها كانت تسوى ...... والله لو منك كنت كفلت يتيم باسم بنتي بنص المبلغ والباقي أضيف عليه واعمل لها حفلة تخرج تعزم صحباتها وبكذا أعطيها درس عملي في كيفية تدبير المال بما يسعدنا في الدنيا والاخرة

والحمد لله ان الفرصة جاتك لحتى تعودي بنتك على حسن التصرف وأنها ماتكون صيدة سهلة لأي مستغل ولا تقولين صعيرة مصيرها تكبر وتكبر معاها القيم والمفاهيم الي تغرسينها فيها من الحين

...... وياما شفنا مواضيع عن استغلال المواطن السعودي هذا لان بعضه ماعنده ثقافة مالية وهذا لا علاقة له بالطيبة فقد يكون الانسان طيبا وفي نفس الوقت حكيما وعذرا على كلامي حسيتها مثل بنتي وحبيت أفيدك. .... ولا تنسي أن الانسان سيسأل في قبره عن ماله من أين اكتسبه وفيما أنفقه فلنعد للسؤال جوابا

أسأل الله أن يحفظها بحفظه وأن يجعلها من الصالحات المصلحات هي وكافة ابناء المسلمين

ولدي طلبو منه ٢٣٠ ريال وهو تمهيدي
غيرر البدله والشوز اللي لازم اروح اشتريها له عالالوان والموديل اللي محددينها