السلام عليكم
انا استفدت كثير من بنات عالم حواء
وعندي هالموضوع وان شاء الله تستفيدون منه ياااااااااارب
صار لي فتره من بداية الاجازه وانا كل ما رحت مكان والا جمعه احاول اخذ من خبرات الحريم اللي لهم سنوات بالزواج عن الاشياء اللي تسعد زوجك وتخليه يحبك اكثر :arb:
وطلعت لكم ب 30 طريقه
بسم الله :
1- اشكريه وقدريه على اي شي يسويه لك او للبيت حتى لو ما كان ميه بالميه زي ما تبين
2- لا تصيرين حاضره له 24 ساعه غيبي عنه شوي تدلعي عليه شوي بس لا تكثرين عاد
3- اطبخي اكلاته المفضله ( ذي كلنا نعرفها )
4- سوي له مساج اذا شفتيه تعبان ومكسر
5- افرحي لنجاحه في الدراسه او في العمل لان الرجال اهم شي عنده يثبت نفسه
6- صرفي العيال مره وخليها ليله لكم انتم الاثنين فقط بس لا تتكلفين ترا الرجال يحبون الطبيعي في شكلك والبساطه في لبسك وكل الحريم تقريبا اتفقوا على ان الرجال ما يحبون الليالي الرومانسيه الغريبه واللي فيها تكلف
7 - لا تخالفين رأيه قدام الناس حتى لو كانوا عيالكم ..لو لك ملاحظه على رايه اصبري الين تصيرين لوحدك لان هذا يجرح رجولته وكرامته
8- شجعيه اذا يبي يسوي مشروع او هوايه معينه لا تقولين له ما فضيت لعيالك عشان تسوي هوايات وتحطمينه
9- اكشخي له وريه انك تتبعين عشان يشوفك حلوه بس برضو لا تبالغين ولا تخلينه يطلع على اسرار جمالك
10- اكشخي اذا بتروحين لاهله او اهلك خليه يفتخر يك ويمبسط بس بدون تبذير ولا مبالغه
11- اهتمي فيه اذا مرض ودلليله و هذي كلنا نسويها لاننا حليلات وش حليلنا حنا الحريم
12- اذا زعلتي منه لا ترفعين صوتك مهما صار وحاولي تتمالكين نفسك الين يهدا وتهداين وتناقشون الموضوع باحترام ( والله ذي صعبه شوي بس نحاول )
13-لا تجيبين سيرة اهله بسوء
14- عاملي امه باحترام وبريها اذا كانت عايشه
15- انتبهي لكلامك زييييين فيه كلام يجرح الرجال بدون ما تدرين مثلا تمدحين اخلاق رجال عنده بدون قصد
16- لا تنتقدينه اذا افصح لك عن مشاعره ( عساهم يفصحون بس :icon28: )
17- اهتمي برشاقتك وجسمك وبشرتك عشان نفسك وعشانه
18- عطيه الحريه يطلع مع اصحابه بدون ما تدورينه وتدقدقين عليه
19- لا تفتشين وراه خصوصا اذا كان اهل للثقه
20- اذا عندك شي قوليه بصراحه وبسرعه لان الرجال ما يحبون اللف والدوران يملون بسرعه ولا تتوقعين منه يقرا افكارك يعني مثلا تقولين بكره زواج اختي المفروض يعرف من نفسه اني ابي فلوس للكوافيره وتزعلين لو ما اعطاك .. تبين فلوس للكوافيره قولي ابي فلوس للكوافيره وبس
21- شاركيه المواضيع والبرامج اللي يحبها حتى لو مجامله
22- اذا اتخذ قرار غلط لا تعاتبينه بالعكس صيري صديقته وواسيه وحاولي توقفين معه
23- الاحتراااااااااااااااااااااااااااااااااااااااااااااااااااااااااام
24- خليك لعوب بعض المرات مو لازم هو اللي يطلب منك ..... انتي اطلبيه احيانا ( والله ذي قويه انا استحي بس نحاول نتعلم )
25- الاستقبال الرائع اذا رجع من العمل ( هذي كلهم قالوها )
26- اعرفي مفاتيحه والاشياء اللي تسعده بالفراش
27-دلعيه من وقت لوقت مره جيبي له الفطور في سريره ومره فاجئيه بهديه حلوه بس مو دايم عشان يصير لها طعم
28-قوميه للصلاة وجهزي له السجاده والمصحف
29- لا تقارنينه باحد من الرجال وقولي له انت احسن رجل بالعالم ( اخاف يشوف نفسه علي :09: )
30 - اهتمي في مظهره واختاري معه ملابسه واشتري له عطره وعطريه وبخريه وخليه يطلع وهو فخوووور فيك
وسلامتكم
sweetness @sweetness
محررة
يلزم عليك تسجيل الدخول أولًا لكتابة تعليق.
أم لــودي
•
اااااااااااااااااااااااااااااالله يخااااااااااااااااااارجنا
الصفحة الأخيرة