الله يسهل امورك

الله يبارك لك ويفرج همك
لاتبالغين بالاثاث الغالي روحي السوق وشوفي ايش الي دخل راسك
فري في السوق مرة ومرتين
واحسبيها بورقه وشوفي الي يمكن تحطينه والي تقدرين تستغنين عنه
المطابخ لاتخافين في مطابخ اسعارها مناسبه ومهي غاليه تمشي الحال
حتى لوكان زاويه تجلمعين فيها مواعين لين تفرج
غرفة العيال ضروريه صعبه جدا ينامون معك
غرفة الضيوف حطيها اثاث عادي بس نسقي في اللون والشكل مو شرط يكون الكنب غالي
غرفة نومك في غرف نوم صغيره واسعارها معقوله بحدود الثلاثه الف
يعني المشكله كلها يبغالها بس ترتيب انتي روحي السوق وتقدرين ترتبين على قد فلوسك احسبيها بلورقة والقلم
ان شاء الله ربي يفرج همك يارب

رفع الله يوفقك يارب

شوفي ياقلبي انزلي السوق فالمدينه اللي إنت فيها ولفي مظبووووط وشوفي الأسعار وكل شي نويتي عليه اكتبي سعرة وماركته مثلاانا كنت بشتري شاشه وغساله اوتوماتيك وزجي عطاني 4000 بس نزلت كذا سووق وشفت فرررق في الأسعار والجووودة وكل مرة كنت أسأل واشوف الماركه والجودة والصناعه والسعر والحمدلله اتوفقت وشريت شاشه والغساله وزدت عليهم غلايه ومكرويف والحمدلله بنفس المبلغ .. لاتبدأي تشتري إلا إذا عرفتي بالضبط إنت بتشتري إيش بالضبط وكم ميزانيتك ..
وعلى هالأساس ابدأي اشتري على بركه الله والله يبارك في الفلووس

فكرة برضوو
سوي قائمه للاجهزة اللي تحتاجيها وضروريه مثلا بوتغاز ثلاجه غساله مكيفات شاشه مكنسه مكوى .. الضروري فقط
و قائمه ثانيه للمجلس
وقائمه لغرفتك
وقائمه لاطفالك
وقائمه للمطبخ
وكل وقائمه تكتبي فيها الضروري والأساسي فقططط

وبس دا اللي عندي وإن شاءالله أكوون افدتك ..

وربي يوفقك

بتكفي ان شاء الله وتزيد بس انتي خليك حكيمه واشتري الشي الرخيص والجوده بس العبي بلالوان والشكل والتنسيق


#اول شي ابدي بالاساسيات مو لازم كل الغرف مكيفات ممكن غرفتك والصاله وغرفة الاطفال
وباقي الغرف بعدين حبه حبه

## ثانيا ابدي فصلي المطبخ وافرشي البيت موكيت واشتري جلسه ارضيه لمجلس الرجال وستاره
وللصاله الي انتم تجلسون فيها او مجلس الحريم واحد منها فقط ايضاً جلسه ارضيه وستاره
 
### ثالثا اشتري الاجهزه الظروريه الثلاجه الغساله الفرن المكنسه الكهربائيه هذي الاشياء الاساسيه وراح تدوم معاك باذن الله اذا كانت اصليه وذو جوده وغير مكلفه


فقط هذي الاشياء اللي تحتاجينها مبدئيا اذا كفت الفلوس
ممكن تفصلين غرفه بالفين ريال انا فصلت غرفتي بالف وتسع ميه بعد المكاسر


واطفالك ينامون ع الارض وملابسهم تشترين لهم دولاب مبدئيا او تفصلين دولاب بعدين تفصلين لهم اسره

والباقي ع حسب احتياجك كل شهر شي لين ما ربي يفرجها عليكم


ونصيحه ع حسب علمي الحفر نااااار لو تقدرين تشترين من الرياض محلات الحراج جديده واسعارها ارخص
او جده من سوق الصواريخ اشياء تجنن وذوووق وارخص بكثير


واخر شي ادعي ربي يبارك لك في الفلوس والله يفرجها عليكم وييسرها