هذه خلاصة من حيل بعض السيدات والانسات
في استخدام مستخضرات التجميل الخاصة بهم
اتمنى تستفادو منها اقصى فائدة وياريت اللي عندها حيل جديدة تفيدنا ويصير الموضوع متجدد وبكل رد فائدة ولها خالص الشكر والتقدير
نبدأ بالاسرار والحيل المكياجية
1. عن نفسي اخط الآي لاينر .. وامسحه بعود قطن فيه ماي .. علشان تصير النتيجه كحل ديرتي لوك ..
.................
واهني احصل نتيجه افضل من الشدو وافضل من الاي لاينر ..
2.انسل حواجبي بفرشاه اسنان قديمة .. وبعد ما اعدلهم بالمكياج .. احط عليهم شوي من جيل الشعر ..
علشان تصير ثابه وطبيعية ..
............................
3. استخدم الحمره لتصغير الخشم .. وهالطريقة بايقتها من ممكيجه بحرينية مشهورة .. مايسوى عليها مكيجتنا مره ..
عقب ماتخلصين من كريم الاساس والكونيسلر والعده .. خططي خشمج بالحمر÷ على الاطراف علشان يصير سيده ..
واختار من الوان الحمرة حسب درجة بشرتج .. يعني انا بيضة واحط مكياج وردي فاختار الحمرة الحمره ..
وبنت خالي تاخذ بنية .. وامي اسوي لها بالوردي .. واليهال احط لهم حمره بيج على الخشم ..
بس عموما الحمره .. فلة .. لو مهما كان مكياجج .. خططي خشمج بالاحمر والنتيجه مبهرررررررررره ..
4. انا عن نفسي استخدم الفازلين على خدي عشان يعطي اضاءءة وهذي الطرريقه من رفيجتي اللله يعافيهااا و وااايد حلووة صراحه جربيهااا
..................
5.حق اللي يدورون حمر المات .. ومايلقون ..
اخذوا اي حمره كريمية تكون عندكم .. وحطو فوقها شدو .. وبتصير مات ..
بس لاتكثرون الشدو ..
.........................
6.أنا سري بالبرايمرز أستعمل بدال الواحد 3
أول شي أحط برايمر جيفنشي الوردي على كل وجهي (ما أحط مرطب لأن بشرتي دهنية)
بعد خمس دقايق أحط برايمر ماك مات بس على الأماكن بخدودي الي فيها حفر لأنه يملاها ( لا تستعملونه على الأماكن الدهنية أهو صج اسمه مات بس ما فيه ريحة المات)
و أحط كريم ماك Refined Zone على خدي صوب المسامات من فوق و خشمي و يبهتي و شويه تحت شفايفي
بعد كل هالعباله أنطر دقيقتين و أحط كومباكت ديور الكل يقول بشرتج روعه و طبيعية ما يدرون التلطط شغال من ساعتين لول بس هالطريقة تخليني أظمن ويهي ما أجيسه طول ما أنا بالدوام حتى ما يحتاي أطالع بالمنظره
....................................
7.
انا دايما احط قبل المكياج كريم اولاي المدور يهبل يعطي نظارة حلوة
ولما احط داخل عيني كحل ابيض احط فوقه شدو ابيض عشان يثبت ويبرز اللون اكثر اي لون مو شرط ابيض
.........................
8.آنا لما أحط الحمرة الوردية الفاتحة مع الغلوس الوردي
أرد أحط دار مادار الحلج كونسيلر يساعد
على إبراز الشفايف
وتوضيح اللون لأن شفايفي رفيعة شوي
................................
9.انا لما اخلص مكيااجي احط علا الفاونديشن علا اخدوودي اطب طب عليهم من زبده ككاو وفوقهم اطب طب بعد اقلوووووووووووووس يلمع حلوه
..........................
10.لما احط حمره احدد شفايفي بقلم ابيض واموه شوي يعطي الشفايف امتلاء
اذا ابي الحمره تثبت احط الحمره وبعدين اييب كلينكس اهو يكون ورقتين مزدوج اخذ ورقه كلينكس وحده علشان ابيها خفيفه وايد واحطها على شفايفي وبعدين اييب بودره واحطها فوق الكلينكس اللي اهو فوق الشفايف وبعدين اشيله واحط الحمره ثاني مره تصير الحمره ثاااااااااااانبته
...............................
11. اذا ابي خدودي تصير متروووسه احط من الظل اللي يصير لمعه اللي نحطه تحت الحواجب انا استخدم ماك نايلون احطه على خدودي لما اضحك تطلع بخدودي كوره هذا المكان اللي احط فيه الشادو ان شاءلله فهمتوني ...
.............................
12. انا ارسم خشمي بالشدو البني وامسحة عالخفيف يصير محدد الخشم
واحط حمرا حمرا وفوقها لوس باودر يصير لونها توتي عجيييب
...................
13. والفاونديشن اخلطة شوي مع ماي ورد يخففه شوي
احط شادو كريمي اورنج على الهالات وبعدها احط الكونسيلر اللي دوم استخدمه رووعه حق اللي عندها الهاالااات وايد غامقه ومو حلو على اللي السواد خفيف عندهاا
.............................
14. لما اوزع الفاونديشن ارش مااي او مااي ورد واطبطب عليه بالكلينكس او بأسفنجه يصير مدموج بطريقه عجيبه ماجني حاطه شي
15.أنا أسوي حركة اتعلمتها من وحدة مكيجتني وكان روعه
محدد الشفايف تقرب منه الولاعة ثانيه بعدين ترسم وكل شوي تعيد عليه بالولاعة لين تنتهي من تحديد الشفايف بعدين تبدء تعبي الشفايف بنفس المحدد وعشان الولاعة تسيح المحدد سهل توزيعه ولما تخلص
تحط الروج وبعده قلوس لمعه والله الروج من العصر لين ثاني يوم جلس ولا تغير ولا رجعت حطيت ثاني بالسهرة
............................
16. بعد ماتحطين على ويهج الاساس وهالسوالف .. آخر لمساتج .. جيبي حمره حمره ..
وحطيها على اطراف خشمج .. ومسحيها .. واذا بينت حطي فوقها بودرة ..
المهم انه اح تكون النتيجه طبيعية وفعلا الخشم بيصير صغير .. وهو افضل من تحديد الخشم بالبني ..
.........................
17.اذا تبييييييييييييين الكحل اللي داخل العيييييين مرررره فاحم مرري الولاعه وانتبهو تحطونه حااااااار
......................
18.اذا تبين الماسكرا كأنك مركبه رموووووش حطي وانتظري شوي وحطي طبقه ثانيه واذا تبين زياااده كرري
.............................
19.تبين المناكيير تلمع وتلق سويها وقبل تنشف حطيها بمووووووويه بارده >>تطلع كأنك حاطه فوقه مناكير شفاف
...........................
20. استخدمهم لكل شىء eyeliner , تثبيت اي شادو وهمن يبرز لون il eyeshadow
الحين بتشوفين اي شادو ذهبي صوب حاطه mac shadetsick فوقه الاي شادو الي اهيا رقم 2 الي بيكون على صوب اليمين,,,وصوب اليسار حاطه اي شادو بروحه بدونه عند رقم 1 الفرق وااااضح
بسم الله الرحمن الرحيم
...............................
21.
خلص عندج il liquid eyeliner؟؟؟؟؟
حطي شويه فازلين وشويه مسكرا ودمجيهم مع بعض وراح يكون عندج liquid liner
بس ما استخدمه اب داخل عيني بس من برا وصج ينفع حق حالات التوهق
...................................
22. انا استخدم اضاءات شرايتهم من المنصور صدفي وبرونز هذيل واااايد استعملهم مع الفاونديشن اخلطهم قبل لا اوزعه على ويهي يطلع ويهي اين ما شاء الله نفس هالي نشوف صورهم والله
وثاني شي استعمل اضاءة ريفلون الطبيعيه البودر اذا الكونسيلر ما سوالي شي بالسواد تحت عيني واوزعه عدل
.........................................
22.عشان تبين الحواجب مرتبة ومرفوعة ومرسوومة حتى لو ماكنت حافة حواجبي احط شدو نايلون من بداية رسمة الثمانية
يعني رفعة الحاجب
......................................
23. اذا ابي اكبر جفني احط هالشدو عالفجن المتحرك واحط بالثابت شدو بني فاااتح واكثف الماسكارا تصير عيوني كبيرة نسبيا وطبعا ماننسى القلم الابيض داخل العين او السماوي الفاااتح هم يطلع واايد حلوووو مع عدسة فاااتحة او طبيعية الاثنين ينفعوووون
......................................
24. عندي طريقة لرسم الحواجب اني اجيب فرشة ضعييييفة جنها ابرة انا اخذتها من شارمل ب6 دنانير واعبي فيها حواجبي بدل لا احط قلم التاتو او احط قلم كحل بحواجبي او بدل لا ارسم حواجبي بفرشة عريضة تخرب شكل الحاجب وبسسسس
...................................
25.قبل لاحط الفاونديشن ارش وماي ورد
واذا بثبت الشدو ومستحيل يروح احط قلوس شفاف شووويه واوزعه على كل الجفن وادمجه على عيني وبعد كذا ابدى اوزع ويطلع ثاااااااابت مستحيل يخرب
................................
26.انا وهالطريقه ما اخليها لو شنو كانت الاوضااع وتعطي ان عيوووووني كبااااار حيل
قلم ابيض داخل عيني وامسحه بالقطن الاذاني مسحه وده بحيث اني اخففه ومايبين اني حاطه ابيض عشان تكبر عيووني زياده
..............................................
27. استخدام مرطب العيون لمنطقة الخشم لان مرطب العين يشد ما يملي مثل المررطب العادي
فعشان جذي مرطب العين يشد منطقة الخشم..
............................................
28. اذا ما عندج الاي لاش كرلر.. استخدمي الملعقة مقلوبة على الرموش. و حذاري استخدام الكرلر بعد المسكارا..لازم قبل المسكارا عشان ما تتكسر الرموش
........................................
29.استخدمي مثبت المكياج من ماك على الفرش قبل وضع الفاونديشن او البلاشر يقوي اللون و يثبته اطول وقت ممكن
.......................
30. احط فازلين قبل المكياج
واخر المسات احط شوي بس ع الخدود والحنج من اضاءة الي حت الحواجب خفيفه بس والله تطلع خيال
........................
31. تعلمت طريقه من وحده في مركز تجميل اذا تبين تسوين غلوس يديد
يبي بلشر او شادو لونه فاتح وحطي فوقه غلوس يفضل شفاف ويطلعلج غلوس يديد
...................
32. لما احط الفاونديشن والكونسيلر وفوقه البودر أحط تحت عيووني لوز باودر من ميك اب فيه لمعة خفيفه على صدفي
أحطه وايد ولما أخلص ارسم عيوني امسحه يصير شكله وااايد حلو وتحت عيووني فاتح
ونفس البنات لما احط حمرة وخصوصا الألوان الغامجة اييب قطن اذون واحط بودر فاتح وامشي عليه دار مدار شفايفي واموهه وبجذي ابرز شكل الشفايف
..............................
33. اذا تبين اللون الكحل داخل العين اسود فاحم او ابيض او تركواز وولعيه بالولاعة شوي بس ونفخي عليه بعدين حطيه اولا اذا الكحل في احد مستخدمه يعقمه ويطهره ثانيا يبين اللون عدل
وبعدين اذا تبين الشدو يكون واضح حيييل حطي بالفرشاة شوية ماي بعدين حطي الشدو يطلع بارز اللون
يلا افيدونا وامتعونا بحيلكم واسراركم ياجميلات
:27:في امان الله