36 سؤال اذا سألتيها راح يقع في حبك 💕❤️

٣٦ سؤال اذا سألتيها راح يقع في حبك ؟
طبعا هذا الموضوع منقول من حساب عشتار في انستقرام لقيته هناك و عجبني و بنقله لكم مع اضافاتي عليه ..
***********
الاسئله هذي من مقاله اجنبيه نشرت في صحيفه نيويورك تايمز للكاتب ارثر ارون ..
الاسئله حلوه و منوعه و احس فعلا ممكن تعرفك على جوانب من شخصيه الشخص اللي قدامك ما تعرفينها (مو بالضروره زوجك ممكنصديقه او اخت او ام و اب )
لكن استخدميها على مسؤوليتك انتي 😂😰 اي سوء تفاهم من الاسئله هذا يرجع لك و لعلاقتكم و الاشياء الحساسه بينكم ..
يعني كل وحده اعرف بزوجها و اش الامور اللي ممكن تسبب مشكله معه لو سالتيها او اجابتها ما بتتحملينها اش اللي يحرجه او يجرحه اويحس باهانه منه او صار لك سنين ما تسولفون فجاه تنهدين عليه بالاسئله ممكن تخلينها طريقه ترجعون تتعرفون على بعض بطريقه ممتعه.. لذلك وجب التنويه ..
انا عني ما حبيت اسئله الموت او اي سؤال تحسين ممكن يكون موضوع حساس في علاقتكم او بتضايقك الاجابه لا تسالينه ..
و الاكيد طبعا لا تسالينها ورا بعض كانها اختبار و لا تقولين له قريتها في عالم حواء و بجربها عليك ما راح يجاوبك بصدق و لو حصل سوءتفاهم لا تكتين علمك و تقولين و الله قريتها في عالم حواء و مالي دخل 😂😂 عشان ما تطلعين سفيهه قولي جاء ببالي السؤال و انتهينا ..
علمونا اش يصير معكم ..
و اخليكم مع الاسئلة …
1/ لو حصل لك تعزم احد من العالم على العشاء مين تعزم ؟؟
٢/ هل ودك تصير مشهور ؟ و اذا ايه بايش ودك تصير مشهور ؟
٣/ لو بتتصل على أحد .. هل تتدرب على الكلام او تتصل على طول ؟
٤/ ايش اليوم الحلو .. و اللي تقول عليه يوم حلو حلو و بطل في نظرك ؟
٥/ متى اخر مره غنيت لنفسك او غنيت لاحد ؟
٦/ لو قدرت تعيش الى ١٠٠ سنه و هالميه سنه جسمك و عقلك عقل شاب عمره ٣٠ سنه .. ايش راح تسوي ؟؟ ( اذا بتزعلين اذا قال بتزوجعليك لا تسالينه 😂😂)
٧ / قد خمنت كيف بتموت ؟ او عندك احساس عن طريقه موتك ؟
٨ / هل فيه اشياء مشتركه بينك و بين احد ؟
٩ / ايش اكثر شي تحس بالامتنان له بحياتك ؟
١٠ / لو بيدك تغير طريقة تربيتك اش بيتغير ؟
١١/ خذي ٤ دقايق و قولي له قصه حياتك بأكبر قدر من التفاصيل و المشاعر ؟ ( بدون تفاصيل عن اساءات في الطفوله او اساءه لاحد مناهلك او اي شي ممكن يكون ضدك )
١٢ / لو حصل و قمت من النوم و عندك قوه خارقه او صفه او قدره … ايش راح تكون ؟
١٣ / لو عندك بلوره سحريه .. و هذي البلوره بتعلمك عن اي شي ودك تعرف عنه … مستقبلك … اشخاص شي …. اش راح يكون ؟
١٤ / هل عندك حلم انك تسوي شي معين بس ما قدرت تسويه ؟
١٥ / ايش اعظم انجاز بحياتك ؟
١٦ / ايش اكثر شي تقدره بالصداقه ؟
١٧ / ايش احلى ذكرى عندك ؟
١٨ / ايش افظع او اسوأ ذكرى عندك ؟
١٩ / لو قالوا لك قدامك سنه و بتموت هل بتغير طريقة حياتك ؟
٢٠ / ايش تعني لك الصداقة ؟
٢١ / ايش الدور اللي يلعبها الحب و العاطفه عندك ؟
٢٢ / قولي ٥ اشياء ودك اسويها معك او اشاركها معك ؟
٢٣ / كيف طفولتك .. هل طفولتك احسن من غيرك ؟
٢٤ / ايش شعورك عن علاقه امك و ابوك ببعض ؟ هل علاقتهم حلوه ببعض ؟ ( موضوع حساس عندنا مو زي الاجانب )
٢٥ / الحين انا و انتب مع بعض بالغرفه .. صح ؟ حط " احنا " بثلاث عبارات توصفنا ؟
٢٦ / كمل هذي الجمله ..
( اتمنى لو عندي شخص يشاركني ……. )
٢٧ / ايش الشي المهم اللي ودك تشاركه حبيبتك ؟
٢٨ / قولي لزوجك بصراحه اكثر شي يعجبك فيه ..
٢٩ / شاركيه اكثر لحظه محرجه بحياتك …
٣٠ / متى اخر مره بكيت فيها قدام احد ؟
٣١ / خليه يقول لك اكثر شي يعجبه فيك ؟
٣٢ / وشو اكثر شي ما تتقبل احد يمزح فيه معك ؟
٣٣ / تخيل لو قالوا لك الليله بتموت … ايش الشي اللي بتقوله قبل ما تموت ؟
٣٤ / تخيل بيتك يحترق .. اش الشي اللي بتنقذه منه ؟
٣٥ / مين اكثر شخص يوجعك موته او فقده من اللي حولك ؟
٣٦ / عطي زوجك مشكله و اطلبي منه يشاركك الحل و يفكر معك ؟