اختي لاتخافي بالنسبة للراس المايل من جهة اليمين يتعدل تقدري تشتري مخدة الرمل وحيتعدل راسه بأذن الله وكمان اليافوخ في اطفال تتقفل من بدري عندهم وقال لك الدكتور انك ماتخافي طبيعي ومافيه اي شيء وبالنسبة للتسمين الاخوات مدحوا السمسم وفعلا يسمن مجربة وتاخذي منه كمية وتطحنيه وتحطيه في برطمان وتاخدي مقدار ملعقة صغيرة تحطيه على اي شي يحبه ولدك وتاخذي منه ثلاث مرات في اليوم وان شاء الله يفيد مع ولدك ويسمن

حبيبتي .. انا عانيت من نفس مشكله ميلان الراس في أول طفل لي.. وقالوا لي خواتي وأمي نفس الكلام اللي أنقال لج ..

وقمت انيمه على الجنب الثاني .. بس للاسف المشكله ما أنحلت .. رحت كذا طبيب وأسألهم يقولون لي عادي بيكبر وبيعتدل الوضع..

أخر طبيب رحت له من كذا سنه في دوله أجنبيه.. قال لي الوضع طبيعي بس راسه ما بيعتدل 100% بس بيعتدل بنسبه 80% بالميه..

ولدي الحين عمره 8 سنوات والشعر غطى على هالمشكله.. بس اذا حلقته وخليت شعره خفيف يبين هالميلان .. بس انا عمري ما حاولت الفت نظر حد الى هالشي في ولدي حتى هو مايعرف .. لأنه شي بسيط وبيخف مع الوقت إن شاء الله..

بالنسبه للنحافه.. ولدي سبحان الله نفس المشكله.. شكله الموضوع مرتبط ببعض الرأس المايل والنحافه.. كنت اثقل عليه وايد لما كان صغير وماخليت شي ماعطيته علشان يربرب.. كل حد كان يوصف لي شي .. الا فيتامينات.. الا نشاء وماي..الا حلبه.. ماخليت شي.. بس الولد لازال نحيف وشهيته مش مفتوحه..هالشي مرتبط بالجينات الوراثيه يعني الاكل ماله دخل.. عندي اخوانه الباقين مشاء الله مربربين وشهيتهم مفتووحه مع اني احط نفس الاكل عالطاوله ..لما كنت اقول للأطباء عن مشكله النحافه.. قالوا لاتخافين هو إذا جاع بياكل.. بس خليه ياكل اشياء مفيده علشان نستغل جوعه بشي مفيد..

الراس المايل انا بنتي كانت كذا وطولت وهو مايل يمكن ماتعدل الا يوم جلست
اليافوخ المقفل برضه اذكر وحده هبلو فيها زي بنتك والحين بنتها بالجامعه ومافيها الا العافيه
الدكتور اسرار ماعرفه :)
النحافه كانت بنتي كذا ورحت فيها للطبيب وقال لي انتي وابوها نحيفين يعني بنتك طبيعيه مدام وزنها بالمعدل الطبيعي
بنتي هذي يوم كملت 3 سنواتت وتسمن لحد ماوصل الامر للمعانات وهي بسادس دبـــــــــــــــــــــه
وانا وهي نحاول انها تنحف وصياح ونيااااح
ودايم يذكرني زوجي يوم ناخذها للطبيب نبيها تسمن
الحين هي بالجامعه ومع الريجيمات صارت مقبوله :)
لكن لو تبينه يتختخ شوي
نقعي ملعقة حلبه بكاس مويه مغليه واذا صار فاتر اشخليه وحليه ورضعيه (لونه بيصير اقرب للكمون)
ولدي الصغير كان وش حليله وهو صغير لاني ارضعه رضعة حلبه كل يوم
حتى اني يوم رحت فيه بالنفاس للطبيب انهبل عليه وقام يلاعبه

مره شفت في برنامج the doctors على mbc4 جابو بنت عندها ميلان بالراس قالها الدكتور راسها يبنمو من جهه وحده اكتر من الثانيه وحلها بيسط سوالها خوذه للراس تلبسها طول الوقت 24ساعه والخوذه ديه تخلي الجهه الي تنمو اكتر توقف وتنمو الجهه التانيه
لحد مايسير الراس متساوي
بس المشكله في دكاتره فاهمين زي دكاتره الامريكان
روحي عند دكتور اطفال وقوليله عن هادي الطريقه وخليه يسويلك خوذه على قد راس طفلك

ماعندي علم والبنات الله يعافيهم ماقصرو بس حبيت ادلك على دكتور اطفال اذا انتي من الدمام الدكتور ممدوح في مستوصف الحمدي الطبي يجوه من كل مكان استشيرية والله يخلي لك ولدك ويطمنك علية