كوبونات الراقية تسجيل الدخول

بعض أحوال

4 سنين خطوبة !!!

الأسرة والمجتمع •

السلام عليكم ورحمة الله وبركاته . .
كيفكم ياأخواتي . .
هذا أول موضوع لي بهالمنتدى العظيم . . أتمنى إني أكون وضعت الموضوع بالمكان الصحيح . .
قصتي ياأخواتي . .
أنخطبت من ونا بثاني ثانوي يعني وعمري 17 سنه ونا الآن 21 سنه
وطبعًا أنا ماوفقت عالملكة وقلتلهم خلوها لما الزواج يقرب . .
لأننا كنا مخططين أن الزواج يصير بعد ماأخلص ثانويه . .
المشكلة . . خلصت الثانوي . .
وخلال هالفترة خسر كثير عشاني . .
من هدايا في المناسبات. . ومن مكالمات . . يعني مالايقل عن خمسين ألف ريال . .
وبعد ماخلصت الثانوي . . أمه مرضت . . واضطر يسافر لها الله يرحمها . .
وصرف كثير لتكاليف علاجها . . وخسر تقريبا ستين ألف ريال . .
فاضطريت أصبر عليه . . لأنه صبر علي أخلص دراستي . .
صبرت عليه . .وضغطت عليه يترك عمله هنا ( للمعلومية خطيبي مو سعودي )
أنا ارترية الجنسية ( بس تربية سعودية *_^ ) وخطيبي سوري
ضغطت عليه يترك عمله لأنه كان على كفالة الشركه ومهدد بأي وقت أنهم يستغنون عنه . .
ترك عمله وجا السعودية بفيزا جديدة . .
وخلال الفترة الي قضاها بسوريا صرف كل ماعنده . .
لأن ماعنده شغل . .
رجع هنا الحمدلله ويشتغل الآن في شركة أخوه . .
لكن المشكلة أنه رجع يكون نفسه من جديد . .
والناس صارت تتكلم لأن خطوبتنا طولت . . ولو تبون الصدق حتى أنا ملييييييييييييييت
والمشاعر فيني بردت . . وصرت أحسه أحيان مثل أخوي . . :44:
أنا ماأقدر أتركه مع أني فكرت كم مرة بس المشكلة أنه قد وقف مع أبوي وقفات حتى أقرب القرباء ماوقفوا مثله . .
وأبوي يحبه مثل ابنه وربي وخطيبي ينادي ابوي يابابا . .
وأنا أحس أكبر جميل أقدمه له أني أتزوجه لأنه يحبني . .
أما أنا بدت تخرب معاي :(
وعشان لاتخرب نهائيا . . جالسه أقنعه يكون الزواج نهاية هالسنه . .
وأوليه وافق لكن الحين غير رايه وصار يقلي نهاية اترم الأول من السنة الجاية . .
والله أعرف أنه ماتمكن . . وهو صدق شايل هم الايجار . . وهم التأثيث ونا جالسه أقنعه أننا بنسوي بيتنا من أحسن الأماكن . .
لكن غرفة غرفة ومولازم البيت كله يكمل . . وشايل هم القاعه ونا عن نفسي صعبة أقدر أتنازل وأرضى بالزواج بقاعه أي كلام . .
والله معارفي كثير جدا . . وكثير منهم هاي كلاس وهم تعودوا علي بهالصورة . .
ماأدري ايش اسوي . . ممكن تشوروا علي بآرائكم . . ؟
أفسخ الخطوبة . . ولا انتظر الرجال يكون نفسه من جديد وأتعب ونا أسمع كلام الناس . .
ولا تقترحون علي قاعات فخمه حتى لو صغيرة تكون بأسعار مقدور عليها . .
وتعطوني جدول لكل الأشياء الي بحتاجها للزواج لميزانية تكون بسيطة وبنفس الوقت تكون النتيجة مرضية . .
ماأدري وش أقول . .
بس صدق نفسيتي تعبت . . لامتزوجة ولا عزابية . .
يعني نصيبي متعلق . . ومن ناحية إنسان مايتعوض بأخلاقه حتى لو أني ماكنت أحبه . .
أنتظر ردكم وأرائكم حبايبي . .
دمتم بود
20
3K

يلزم عليك تسجيل الدخول أولًا لكتابة تعليق.

تسجيل دخول

* أليسار *
* أليسار * •
إذا تبينه تنازلي عن المظاهر والفقاعات اللي تزول
بسسسسسرررررررررعه وينسونها الناس وحتى لو زواجك افضل زواج
بيجي عقبه زواج افضل منه كلها فقاعات تزوووول بسرعه
إذا انتي شاريه هالأنسان ومرتاحتله واهلك بعد
ومصلية استخارة
توكلي على الله واتركي عنك المظاهر اللي لاتسمن ولاتغني من جوع
بس سؤال هو مالكن عليك ؟؟
(((أجمل إنسانه)))
(((أجمل إنسانه))) •
رفع
والحب مو كل شي بالزوااج
دبة كيوت
دبة كيوت •
انا رأيي من رأيي أليسار الناس رضاهم غاية لاتدرك
وإذا كانو هاي كلاس احس الأغلبية
من بره خلاخل و البلا من داخل
مو المظاهر كل شي اهم شي انك بتكونين سعيدة
معاه و انتي عارفة انه شاريكي و يحبك
بطلي هبل حرآآآآم :(
مو كل يوم الوحدة تلقى عريس يحب اهلها مثل مايحبها
انا اقول إعقليها و توكلي
والله يوفقك يارب :)
إتذكري مواقفه معك و زيي ماقلتي قد ايش صرف عليكي قبل :)
والله يوفقك معاه يارب :)
الغند
الغند •
ربي يوفقج ويسعدج حبيبتي أنتي شنو الاهم عندج زوجج وشخصيته الجميله ولا كلام الناس الناس مالها غير الظاهر مايهمها تكونين سعيده بعكس لاتضغطين أكثر ع خطيبج لان بنهاية أنتي المتضرره وربي يوفقج
M.H.G
M.H.G •
هلا حبيبتي
راي بصراااحه انك تصبرين عليه مثل ماهو صبر عليك
ومسأله انك تحطين زواجك بأكبر قااعه علشان الناس والله العظيم رااح تتعبين من كلام
الناس اهم شيء ياقلبي راااحتك النفسيه ..
وحطي زواااجك صغير ومنظم ولا تعزمين ناااس وااايد واعزمي الناس المهمين بالزواااج