كوبونات الراقية تسجيل الدخول

للضياء نور

5+6=12

الملتقى العام •


خمسه وستّه تساوى اتناشر

قلمى تخــانتُه .. زىالــرّيشه
ويمكن أرفع
بــــس كــتابتُه .. بتــنزل زىّ
دانات المدفع
مرّه ســألتُه وكنت بــاحاورُه
قلت له إسمع
إنت قلــم شاعر وبتكتب لكن
قول لـــى : تعرف تجمـــع ؟
قال لى :
وباقــسم واطرح و اضــــرب
قلت له : طيّب
تسمح لى أناقشك فى القسمه
أرض العـــرب ازّاى تتـــقسّم ؟
و احنا عربها و احنا اصحابها
واللى نعيش ونموت فى ترابها
إزاى هُـــنّا .. واتقسِّــــــمــــــنا
لـــحد ما راعى البـــقر اتحكِّم ؟
دمَّع دمعــــــه حزينه وقال لى:
جـــاى تســـــألنى روح اسألهم
واعـــرف رد ســـؤالك منـــهُم
همَّ أســــــاتذه ف فـــن القسمه
قلـــت : مادام القسمه تــــزعَّل
نتكـــلّم فــى قـــواعد الضَّـــرب
قال لى:الضّرب أنا ماعرفهوش
ولا عنـــدى قـــواعد و جيوش
إسأل فيهم "تونى" و"بوش"
إحنا ف "مصر" نحـــب نسالم
و ســــلامنـــا بنهـــديه للـــعالم
ولا نعـــرف كُـــره و لا نخاصم
لكــــــن وقت الـــجدّ .. وحوش
قلت لُه :تعرف إيه فى الطَّرح؟
قال : نخـــله تطرح لى البلـحَه
أو سُــــنبله تدّيــنى القــمــحَــه
أو فــلاّح م الفجــر بيــصـــحى
يجــرى للقمه عــيشُه و يسعى
و طالــب علــم و أستاذ جامعه
قلــت لُه : طيّب تعرف تجــمع؟
قال : لهــلوبه و ارُد ف ثــانيه
قلـت لُه : أوّل خمسه ف يونيه
ضيف لى عليهُم ستّــــه اكتوبر
يبــقى الجمــع بتاعــهُــم كـام ؟
فــكَّـــــر حــبَّــه .. و رد علــيَّه
قال لى :اتناشر قلت له: شاطر
و مفــــيش زيَّك كــده ف الدُّنيا
عـــلى أيّامــنا خمــسه وســته
كــــــــان الجّمع بتاعها حداشر
والأيّــام دى ُشــــــــفنا الحِسبه
زادت حبَّه و بقــــــت اتنـــاشر
عقــلى خــلاص اتجــــنّ ياهوه
حــتى الجَمع كــمان غــلّوه؟!!
قال:دى مُعادله خطيره وصعبه
تبقى بسيــطه و تصــبح سهله
لمــا نفــــــــُك رمــوز اللّــعــبه
قلــــــت له :فك انت و فهِّمنى!
قال لّى:اسمع و انت ح تعذرنى
خمسه و ستّه حقيقى حـــداشر
لكن .. أنا مش قــادر أقـــولها
"أمريــكا" لمّــــَا بتســمعــهــا
عفــــاريت الــدُّنيا بــتركبـــــها
لا بتتحــمِّل .. و لا بتــطيــقــها
و ساعتــها..ح تــحاصر بــابى
و تــــــغلَّــطنى قُــصــاد الــدنيا
و تطـــــــلّعنى كمان إرهابى!!!
قلت لُه : كــــده فسَّرت المعنى
و "حداشـــــــر" بقى تبعد عنّا
إحنا نشيلها من حســـــــــاباتنا
و نعمل ف حــــــــسابنا تعديل!
ما إحــــنا بقينا ف زمن الــقوَّه
و الشــــرعيه بقــــت تمثيــــل
ملحق #1 28/04/2010 07:04:38 ص
اتعلم من كاتبها
:(
0
303

يلزم عليك تسجيل الدخول أولًا لكتابة تعليق.

تسجيل دخول

خليك أول من تشارك برأيها   💁🏻‍♀️