السلام عليكم ورحمة الله
اممممم والله اني ترددت كثير قبل اكتب موضوعي
بس ماقدرت اكتم بقلبي تعبانة ولا عندي من اشكي له همي بعد الله غيركم
صار لي متزوجة 5 سنوات الحمدلله
قبل الزواج كان زوجي طبيعي ماشاء الله مافي شي وكل يوم رحلات مع الشباب
وهسترة والحياة ماشية تمام
بس من بعد ماتزوجنا تقريبا من اول شهر بدأت يجيه صداع رهيب
وكل بين فتره يزيد حدته اول شي كانت تنفع معاه المسكنات وبعدين تطورت حالته الى الأسوأ
وبعد فتره مو طويلة بدأت تجيه الام بظهره من فوق خلف الرقبة وتحت شوي ومايقدر يقوم منها ابدا
ويصدع معها ولا وتجيه بأوقات متفرقة في البداية بعد كل فتره الين صارت تجيه يوميا
قبل سنتين تطورت حالته كثييييييييييييييييير صارت تجيه الالام كل يوم بدون يوم راحة ويستفرغ
ماء لونه اصفر اكرمكم الله وتجيه مع الاستفراغ حالة تشنج يفصل عن الدنيا عيونه تجحظ وايدينه زي الخشب وماحد يكون جنبه غيري احاول امسكة ماقدر بس تكون ثواني ويرجع وينتبه لي
ماخلينا مستشفى ولا شيخ الا ورحنا له
المستشفيات اجمعوا ان فيه ديسك بالفقرات العلوية من العمود الفقري واذا يبغى يسوي عملية
وسواها على الرغم من انها خطيرة
الله لا يعيدها من ايام تعبت تعبت تعبت
كنت احاول اكون قوية قدامة بس ينام ابكي الين اقول بس
حسبي الله ونعم الوكيل
طلع من المستشفى وجلسنا شهور حالته ماتحسنت نفس الشي
فرحنا للشيوخ كلهم اجمعوا ان فيه سحر مشروب
ارتاح للشيخ منهم واستمر معاه بالرقية بس كان لفترات متباعدة لكثرة انشغال هالشيخ
وداوم زوجي على الذكر وماشاء الله تحسنت حالته كثيييير
الين وصل ماتجيه الا بالشهر مره
بس ماتعالج كلي
المهم ان الحين صار له شهر رجع زي اول بالضبط زي قبل العملية
اهله يبغون يسفرونة لبرع وهو رافض
احترت مدرري وش فيه هو مرض والا سحر قلبي تعب
وانا اشوفه تعبان نحف كثير
صار ماياكل
ولا يقدر يداوم
وش اسوي بنات من مر عليها حالة زوجي
ارجوكم ساعدوني
انا تعبت
ارجوكم ادعوا له بالشفاء
تدمع عينه يوم يسمع ولده يقول بابا الله يشفيك
*~*Pure Soul*~* @pure_soul_3
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
واصلو على الرقيه الشرعيه باستمرار وادي كتوفه وظهره ورقبته بزيت زيتون مقري فيه
وهذا رابط لرقاة شرعيين ممكن تستفيدون منه
http://forum.hawaaworld.com/showthread.php?t=2541805