اختي الغاليه لا تشيلين هم ...

وانا شكلي بداوم جريب وبعد ولدي بيكمل خمس شهور بعد يومين ..

ومثل ما قالولج اشفطي حليب من صدرج وخلي حد يرضعها وانتي مداومه ..
ومب مشكله خليهم يمشون الحال اشوي مع العصير و ايسوولها تمر بعد زين وبيشبعها ..
وللعلم ممكن تبدين اتأكلينها أشياء بسيطه ... أنا بديت ويا ولدي ..

والله يكون في عونج ان شاء الله ...

الله يكون في العون كلنا في الهوا سوا ياقلبي بس انا ولدي اكبر بشوي من بنتك وعودته على الصناعي والاكل والخضار والحال تمام

بعدين ياخوات ماتدرون وش هي ظروفها لما تقولون اتركي الوظيفة

السلام عليكم ورحمة الله وبركاته

شكرا لكل الي شاركوني موضوعي

توني بس اليوم شفت ردودكم... وحبيت اقول لكم شصار لي بالايام الي طافت

اليوم الاول(يوم الاحد ) ... قعدت من النوم الساعة سبع الصبح وطول ما كنت بالدوام ما رضت تشرب حليب ولا رضت تاكل شي بالمرة ولما صار لي قريب وارجع شربت رضعة عصير برتقال.. وكانت دايما تصيح ...((( اني لما رجعت وقالو لي شصار لها ظليت اصيح بروحي)))

اليوم الثاني...شفطت اليها حليب من عندي وخليته بالثلاجة.. شربت حليب واكلت زين لكن كانت دايما تبكي ((كسرت خاطري عدددل))

طبعا انا كل ساعة تقريبا اتصل بالبيت علشان اعرف اخبارها

اما اليوم الثالث والرابع ... الحمد لله رب العالمين بفضل دعاؤكم صارت تمااااام التمام ...تشرب حليب وتاكل وتشرب ...تعودت على الوضع

واني الحين نفسيتي مرتاحة من هالناحية


بس بغيت اجاوب كل الي سألني ...اني ما اقدر اخذ ساعة رضاعة لاني من المتعينات الجدد

شكرا مرة ثانية للجميع


موفقين انشاء الله... وأسألكم الدعاء